Давоми шабонарӯзи охир бар асари бориши шадид дар минтақаҳои гуногуни Тоҷикистон сел ба амал омад
ДУШАНБЕ, 18.05.2024. /АМИТ «Ховар»/. Давоми шабонарӯзи охир дар якчанд минтақаи ҷумҳурӣ омадани сел сабт шудааст. Аз ҷумла, 15 май дар деҳоти Ҷамоати деҳоти Ромити шаҳри Ваҳдат бар асари бориши зиёд аз теппаҳо сел омада, ба мавзеи байни аҳолинишин, 12 иншооти ёрирасон, сарбандҳои муҳофизатӣ ва роҳҳои маҳаллӣ зарар расонидааст. Дар ин хусус АМИТ «Ховар» бо истинод ба Кумитаи ҳолатҳои фавқулода ва мудофиаи граждании назди Ҳукумати Ҷумҳурии Тоҷикистон хабар медиҳад.
Инчунин таҳхонаҳои чор бинои истиқоматии сокинони маҳаллӣ лой пур шуда, аҳолии зарардида муваққатан ба ҷойҳои бехавф кӯчонида шуданд. Бар асари омадани сел шоҳроҳи Ромит-Варваро регу шағал ва сангҳои калон фаро гирифта, ҳаракати нақлиёт ва одамон муваққатан қатъ шудааст.
Барои анҷом додани корҳои тоза кардани роҳи байни деҳаҳои Варва ва Ромит ва таҳкими соҳили дарё аз ҷониби Ҳукумати шаҳри Ваҳдат 1 техникаи муҳандисӣ ҷудо карда шуд.
Дар натиҷаи корҳо роҳ тоза ва ҳаракати нақлиёт барқарор гардид. Барои аз сангу шағал тоза кардани сатҳи дарё ва соҳили дарёи Чордара корҳо идома доранд.
Илова бар ин, дар натиҷаи бориши шадиди шаби 17 май дар километри 9-уми шоҳроҳи Ваҳдат-Лахш, ки аз ҳудуди деҳаи Меҳргони Ҷамоати деҳоти А.Абдулвосиеви шаҳри Ваҳдат мегузарад, қисман фурӯрезӣ сабт шуд.
Дар айни замон барои рафъи оқибатҳои офати табиӣ дар ин минтақа ҳаракати нақлиёт якҷониба таъмин карда шудааст. Ҳамчунин сел 200 метр соҳили дарёи Шуракро шуста, пули деҳаи Шури Поёни Ҷамоати деҳоти ба номи Қ.Исмоиловро вайрон кардааст.
Мақомоти иҷроияи ҳокимияти давлатии шаҳри Ваҳдат барои бартараф ва барқарорсозии минтақаҳои зарардида тадбирҳои зарурӣ меандешанд. Минтақаҳои зарардида таҳти назорати доимии Комиссияи ҳолатҳои фавқулодаи шаҳр қарор доранд. Бар асари омадани сел талафоти ҷонӣ ба қайд гирифта нашудааст.
18 майи соли 2024, соати 00:10 дар деҳаи Кӯфоби Ҷамоати деҳоти Нулванди ноҳияи Дарвози Вилояти Мухтори Кӯҳистони Бадахшон бар асари бориши шадид сел ба амал омада, роҳи мошингарди Шоҳин-Дарвозро баст. Корҳо барои рафъи оқибатҳои офати табиӣ идома доранд.
АКС: Кумитаи ҳолатҳои фавқулода ва мудофиаи граждании назди Ҳукумати Ҷумҳурии Тоҷикистон
Корвони «Навои модарони ваҳдатсаро» бо фаъолияти корхонаҳои саноатии ноҳияи Ёвон шинос шуданд
АЗ РӮЗГОРИ ОДАМОНИ НАҶИБ. Ёде аз хизматҳои намоёни арбоби давлатӣ ва ҳуқуқшиноси варзида Ҳомиддин Шарифов
Сафари Корвони «Навои модарони ваҳдатсаро» ба шаҳру ноҳияҳои Тоҷикистон оғоз шуд
Имсол дар Тоҷикистон чанд дармонгоҳи нав сохта шуд?
Имсол дар истироҳатгоҳи беруназшаҳрии «Шарора» 720 нафар кӯдакону наврасон таътили худро босамар мегузаронанд
ТАЪТИЛИ БОФАРОҒАТ. Имсол 1000 нафар кӯдаку наврас ба истироҳатгоҳи беруназшаҳрии «Зимчуруд» ҷалб мегарданд
Дар Тоҷикистон даври сеюми Форуми коршиносони Осиёи Марказӣ — Корея доир мешавад
Дар Душанбе маъракаи хунсупории шаҳрвандон доир гардид
Байни Кумита оид ба таҳсилоти ибтидоӣ ва миёнаи касбии Тоҷикистон ва Ташкилоти ғайридавлатии «Good Neighbors» Ёддошти тафоҳуми ҳамкорӣ ба имзо расид
Дар Чин дастовардҳои Тоҷикистон дар самти ҳуқуқи инсон муаррифӣ гардиданд
Дар Тоҷикистон беморони диабети қанд метавонанд инсулини ройгон дастрас намоянд
Иштирокдорони Форуми байналмилалии ҳизбҳои сиёсӣ дараи Алмосӣ ва Қалъаи Ҳисорро тамошо карданд
