«ДУШАНБЕ-ШАҲРИ ҲУШМАНД». Ҳафтаи илм, технология, инноватсия ва ихтироъкории наврасону ҷавонони шаҳри Душанбе ҷамъбаст шуд

Май 25, 2024 14:18

ДУШАНБЕ, 25.05.2024 /АМИТ «Ховар»/. Дар шаҳри Душанбе таҳти унвони «Душанбе – шаҳри ҳушманд» Ҳафтаи илм, технология, инноватсия ва ихтироъкории наврасону ҷавонони шаҳри Душанбе ҷамъбаст гардида, ба ғолибони он ҷоиза супорида шуд. Дар ин хусус АМИТ «Ховар» бо истинод ба Мақомоти иҷроияи ҳокимияти давлатии шаҳри Душанбе иттилоъ медиҳад.

Дар ҳамоиши ҷоизасупории ғолибони Ҳафтаи илм, технология, инноватсия ва ихтироъкории наврасону ҷавонони шаҳри Душанбе муовини Раиси шаҳри Душанбе Дилбар Одилзода изҳор дошт, ки «Ҳафтаи илм, технология, инноватсия ва ихтироъкории наврасону ҷавонони шаҳри Душанбе ҳамасола таҳти сарпарастии Раиси Маҷлиси миллии Маҷлиси Олии Ҷумҳурии Тоҷикистон, Раиси шаҳри Душанбе муҳтарам Рустами Эмомалӣ баҳри баланд бардоштани сатҳу сифати таҳсил, рушди тафаккури техникӣ, тарғиби ҷаҳонбинии илмӣ, дастрасӣ пайдо кардан ба техникаву технология, тавсеаи ихтироъкорӣ ва навоварӣ, бедор намудани шавқу рағбати хонандагон ба эҷодкорӣ, омӯзиши амиқи илмҳои дақиқ ва риёзӣ, ташаккули сатҳи фарҳанги техникӣ ва дастгирии ихтироъкорону навоварони наврасу ҷавон, инчунин дарёфт ва муаррифии истеъдодҳои нав дар байни хонандагон ва омӯзгорони муассисаҳои таҳсилоти миёнаи умумии шаҳри Душанбе гузаронида мешавад».

Масъули баргузории ҳафта Муассисаи давлатии «Маркази таҳлилӣ-иттилоотии назди Сарраёсати маорифи шаҳри Душанбе» буда, имсол он дар сатҳи муосир баргузор гардид. Аз ҷумла, ифтитоҳи расмии чорабиниҳои ҳафта дар Маркази ЭКСПО-и Душанбе доир гардид, ки дар он муассисаҳои илмию таълимӣ, ташкилоту корхонаҳои инноватсиониву техникӣ ва технологӣ дастоварду лоиҳаҳояшонро ба намоиш гузоштанд.

Имсол дар доираи ҳафта чорабиниҳои муҳими илмӣ-маърифатӣ, ба монанди намоиши дастовардҳои техникиву технологӣ ва илмию инноватсионӣ, IT -гап, дарси маҳорат (мастер-класс), Озмуни шаҳрии «Илм ва амал», Форуми наврасону ҷавонони шаҳри Душанбе оид ба технологияҳои иттилоотӣ ва коммуникатсионӣ, конфронси илмӣ-амалӣ оид ба «Зеҳни сунъӣ ва масъалаҳои омӯзиши он дар муассисаҳои таҳсилоти миёнаи умумӣ», озмуни шаҳрии «Омӯзгори муосир», «Конфронси илмӣ-эҷодии хонандагони муассисаҳои таълимии шаҳри Душанбе» ва озмуни «Беҳтарин кабинети фанни технологияи иттилоотӣ» баргузор гардиданд.

Ташкили чунин чорабиниҳо омили муҳим барои бедор намудани шавқу рағбати кӯдакону наврасон ва ҷавонон ба омӯзиш ва аз худ кардани илмҳои муосир арзёбӣ гардид.

АКС: Мақомоти иҷроияи ҳокимияти давлатии шаҳри Душанбе

Май 25, 2024 14:18

Хабарҳои дигари ин бахш

27-СОЛАГИИ РӮЗИ ВАҲДАТИ МИЛЛӢ. Қарори Раиси шаҳри Душанбе барои баргузории барномаҳои идона ба имзо расид
Раиси Маҷлиси миллии Маҷлиси Олии Ҷумҳурии Тоҷикистон Рустами Эмомалӣ бо Раиси иҷлоси 78-уми Маҷмаи Умумии Созмони Милали Муттаҳид Деннис Фрэнсис мулоқот намуданд
«ҲУНАР ОМӮЗ…». Дар шаҳри Душанбе даври дуюми озмуни ҷумҳуриявӣ баргузор мегардад
То 1 сентябри соли 2025 ҷамъиятҳои хизматрасонии нақлиётии мусофиркашонии Душанбе пурра ба низоми нақлиёти барқӣ мегузаранд
Дар Душанбе Рӯзи ҷаҳонии ҳифзи муҳити зист таҷлил карда шуд
«КОХИ НАВРӮЗ»-МУЪҶИЗАИ МУОСИРИ САЙЁҲӢ. Ва ё шоҳкории даврони истиқлол, ки бо иқдоми Президенти Тоҷикистон бунёд шудааст
Рустами Эмомалӣ: «Ҳифзи ҳуқуқи кӯдакону наврасон яке аз самтҳои афзалиятноки сиёсати иҷтимоии давлату Ҳукумати Тоҷикистон мебошад»
ТАВАҶҶУҲ! Ҳаракати воситаҳои нақлиёти автомобилӣ аз хиёбони Бобоҷон Ғафуров то хиёбони Абуалӣ Сино муваққатан қатъ мегардад
Дар Душанбе нуқтаи дигари нерудиҳии электромобилҳо мавриди баҳрабардорӣ қарор гирифт
«САЙРИ ДУШАНБЕ». Шуруъ аз 25 май дар пойтахти Тоҷикистон 4 хатсайри нави сайёҳии дохилишаҳрӣ фаъолият менамояд
Дар Душанбе Рӯзи байналмилалии ҳифзи кӯдакон бошукуҳ таҷлил мегардад
Рустами Эмомалӣ: «Ҷавонони далеру ғаюри мо дар ҳар лаҳза баҳри дифои марзу бум ва ҳифзи истиқлолияти мамлакат омода мебошанд»

Маводҳои таҳлилӣ