ИҚДОМЕ, КИ МОЯИ ИФТИХОРИ ҲАР ТОҶИКИСТОНӢ АСТ. Дар Донишгоҳи технологии Тоҷикистон ба ғолибони мусобиқаи футболи хурд ҷоизаҳо супорида шуданд
ДУШАНБЕ, 29.05.2024. /АМИТ «Ховар»/. Дар Донишгоҳи технологии Тоҷикистон бо ифтихор аз пазируфтани иқдоми байналмилалии Рӯзи ҷаҳонии футбол барои дарёфти «Ҷоми ректори Донишгоҳи технологии Тоҷикистон» байни устодону кормандон ва донишҷӯёни донишгоҳ мусобиқаи футболи хурд баргузор гардида, 28 май зимни чорабинии тантанавӣ ба ғолибони мусобиқа ҷоизаҳо супорида шуданд. Дар ин хусус АМИТ «Ховар» бо истинод ба ин донишгоҳ хабар медиҳад.
Ректори Донишгоҳи технологии Тоҷикистон Зоир Раҳмонзода иброз намуд, ки «Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ҳамчун идомабахши андешаҳои бузургони миллат ҳанӯз аз солҳои аввали фаъолият то имрӯз барои рушди варзиши тоҷик ва муаррифии он дар арсаи байналмилалӣ тамоми шароити заруриро фароҳам оварданд. Натиҷаи ин аст, ки дар Тоҷикистон бисёр намудҳои варзиш рушд намуда, имрӯз варзишгарони мо дар арсаи байналмилалӣ мавқеи хосса пайдо кардаанд.
Дастоварди миллати тоҷик дар самти варзиш- ин аз тарафи Президенти Ассотсиатсияи футболи Осиёи Марказӣ (СAFA), Раиси Федератсияи футболи Тоҷикистон муҳтарам Рустами Эмомалӣ ба Созмони Милали Муттаҳид пешниҳод намудани «Рӯзи ҷаҳонии футбол» аст, ки бо қабули қатъномаи махсуси Маҷмаи умумии Созмони Милали Муттаҳид 25 май ба таври расмӣ Рӯзи ҷаҳонии футбол эълон гардид».
Изҳор гардид, ки ҳадафи ин ҳама чорабиниҳои варзишӣ он аст, ки варзиш чун воситаи муассир ва муҳими тарғиби тарзи ҳаёти солим, беҳбуди саломатии аҳолӣ, қосиди сулҳу дӯстӣ, баҳамоварандаи фарҳангҳои гуногун ва муҳимтар аз ҳама, боло бурдани арзиши инсоният аст.
Дар фарҷоми чорабинӣ ғолибон бо Диплому Ҷом ва мукофотпулиҳо қадрдонӣ гардиданд.
Зимни ҳамоиш донишҷӯи Донишгоҳи технологии Тоҷикистон Абдурасул Ҷабборов, ки дар мусобиқаи Ҷоми ҷаҳон оид ба кикбоксинг (WAKO) дар шаҳри Истанбули Туркия аз намуди кикбоксинги Kicklight сазовори ҷойи якуму медали тилло ва аз намуди Lightcontact сазовори ҷойи 3-юм ва медали биринҷӣ гардида буд, бо Ифтихорнома ва мукофотпулӣ қадрдонӣ гардид.
АКС: Донишгоҳи технологии Тоҷикистон
Дастаи миллии Тоҷикистон оид ба футзал бо дастаи мунтахаби Узбекистон бозиҳои дӯстона анҷом медиҳад
Дар ноҳияи Абдураҳмони Ҷомӣ Мусобиқаи кушод оид ба гӯштини тарзи озод байни наврасон оғоз гардид
Наврасони Тоҷикистон баъди ғалаба дар дивизиони «D» дар Боку ба Ватан баргаштанд
Президенти Кумитаи паралимпии Осиё ба натиҷаи иштироки дастаи мунтахаби Тоҷикистон дар Бозиҳои паралимпии Осиё баҳои баланд дод
Дар деҳаи Варзоб — Қалъаи ноҳияи Варзоб майдончаи варзишӣ ба истифода дода шуд
Дастаи мунтахаби наврасони Тоҷикистон (U-17) бозии дуюми дӯстонаро бо Қатар мусовӣ анҷом дод
Дастаи мунтахаби наврасони Тоҷикистон (U-15) дар Чемпионати ҷаҳон-2026 оид ба футбол бар тимҳои Бермуд ва Филиппин пирӯз шуд
Варзишгарони паралимпии Тоҷикистон пас аз иштирок дар Бозиҳои V параосиёӣ ба Ватан баргаштанд
Ҳайати васеи дастаи мунтахаби Тоҷикистон оид ба футбол барои иштирок дар мусобиқаи «Кing’s Сup 2026» эълон гардид
«KING’S CUP 2026». Дастаи мунтахаби Тоҷикистон дар даври нимниҳоӣ бо тими миллии Умон бозӣ мекунад
Дар Душанбе таҳти унвони «Зебоӣ, доноӣ ва тавоноӣ аз варзиш аст» машқи пагоҳирӯзӣ баргузор гардид
«Истиқлол» барои роҳхат ёфтан ба плей-оффи Лигаи даъватии КФО-2026/27 бо дастаи «Ҳомс Ал-Фида»-и Сурия бозӣ мекунад
