ПЕШГӮИИ ОБУҲАВОШИНОСОН. Моҳи май ҳаво гарм ва сербориш мешавад
ДУШАНБЕ, 09.05.2024 /АМИТ «Ховар»/. Ҳавои моҳи майи имсола ба обу ҳавои моҳи майи соли 2001 монандӣ дорад. Ҳарорати ҳаво аз меъёри иқлимӣ аз 1 то 2 дараҷа баландтар пешгӯӣ мешавад. Ҳарорати ҳаво рӯзона то 30 дараҷа гарм дар назар аст. Инчунин давоми моҳ ҳавои тағйирёбанда пешгӯӣ шуда, боридани боронҳои шиддатнок ва дар баъзе ноҳияҳо ба амал омадани раъду барқ ва боридани жола аз эҳтимол дур нест. Дар ин хусус ба АМИТ «Ховар» дар Агентии обуҳавошиносии Кумитаи ҳифзи муҳити зисти назди Ҳукумати Ҷумҳурии Тоҷикистон хабар доданд.
Иттилоъ дода мешавад, ки дар водиҳои вилояти Хатлон ҳаво то 27 дараҷа ва дар ноҳияҳои доманакӯҳӣ то 20 дараҷа гарм мешавад. Инчунин дар баъзе ноҳияҳои ҷанубӣ то 41 дараҷа гарм ва доманакӯҳҳо аз 25 то 33 дараҷа гарм мешавад. Давоми моҳ ҳавои тағйирёбанда ва боронҳои шиддатнок пешгӯӣ шуда, дар баъзе ноҳияҳо раъду барқ ба амал меояд ва боридани жола аз эҳтимол дур нест.
Дар вилояти Суғд моҳи май ҳавои тағйирёбанда дар назар аст. Ҳаво аз меъёри иқлимӣ аз 1 то 2 дараҷа баландтар пешгӯӣ шуда, дар водиҳо 22+24 дараҷа гарм, дар ноҳияҳои кӯҳӣ 11+14 дараҷа гармиро ташкил медиҳад. Инчунин давоми моҳ ҳавои тағйирёбанда пешгӯӣ шуда, боридани боронҳои шиддатнокиашон гуногун дар назар буда, дар баъзе ноҳияҳо раъду барқ ба амал омада, боридани жола аз эҳтимол дур нест. Рӯзҳои алоҳида шиддати вазиши шамол аз самти ғарб бо суръати то 17-22 метр дар як сония аз эҳтимол дур набуда, дар баъзе ноҳияҳо чангу ғубор ба амал меояд.
Дар ноҳияҳои тобеи ҷумҳурӣ ва шаҳри Душанбе ҳавои тағйирёбанда пешгӯӣ шуда, ҳаво аз 17 то 28 дараҷа гарм, дар баъзе ноҳияҳо то 31 дараҷа гарм мешавад.
Дар ғарби Вилояти Мухтори Кӯҳистони Бадахшон ҳарорати миёнаи моҳонаи ҳаво аз меъёри иқлимӣ аз 1 то 2 дараҷа баландтар пешгӯӣ шуда, ҳаво 14+18 дараҷа гармиро ташкил медиҳад. Ҳаво шабона аз 3 то 15 дараҷа гарм, дар баъзе ноҳияҳо то 18 дараҷа гарм пешгӯӣ мешавад. Давоми моҳи май ҳавои тағйирёбанда пешгӯӣ шуда, ба амал омадани бориш дар назар аст.
Дар шарқи Вилояти Мухтори Кӯҳистони Бадахшон ҳаво рӯзона аз 8 то 18 дараҷа гарм, шабона аз 0-5 дараҷа хунук то 0+5 дараҷа гарм мешавад. Шамол аз самти ғарб бо суръати то 17-22 метр дар як сония пешгӯӣ мешавад.
АКС: АМИТ «Ховар»
Гурӯҳи корӣ бо истифодаи самараноки заминҳои наздиҳавлигӣ дар Деҳободи ноҳияи Шаҳринав шинос шуд
Ҳизби Халқии Демократии Тоҷикистон дар 7 ҳазору 336 сохтори давлатӣ ва коргоҳу корхонаҳо ташкилоти ибтидоӣ дорад
Аз ҷониби Бонки миллии Тоҷикистон лоиҳаи «Низоми ягонаи суғуртаи электронӣ» таҳия карда мешавад
Имрӯз дар Тоҷикистон баландшавии ҳарорати ҳаво дар назар аст
Замони баргузории Ниммарафони байналмилалии экологии кӯҳии шаҳри Панҷакент муайян шуд
Байни мутахассисони самти бехатарии радиатсионӣ ва муҳити экологии Тоҷикистон, Узбекистон ва Қирғизистон ҳамкорӣ таҳким меёбад
Талафоти неруи барқ дар шаҳри Душанбе ба 16,9 фоиз расидааст. Бардошт аз ҷаласаи гурӯҳи корӣ таҳти раëсати муовини Сарвазири Тоҷикистон
Имрӯз дар Тоҷикистон ҳавои тағйирёбанда пешгӯӣ мешавад
РОҲИ ПЕШГИРИФТАИ ТОҶИКИСТОН ДУРУСТ АСТ! Мошинҳои барқӣ аз лиҳози экологӣ тозатарин навъи нақлиёт дар ҷаҳон эътироф шудаанд
Ҳаҷми умумии истеҳсоли маҳсулот дар ноҳияи Кӯшониён ба зиёда аз 1 миллиард сомонӣ расид
Дар Панҷакент ниммарафони экологии кӯҳии «Seven Lakes» доир мегардад
Имрӯз дар Тоҷикистон хавфи сар задани селҳои маҳаллӣ дар назар аст
