Рӯзҳои фарҳанги Тоҷикистон дар Озарбойҷон бо шаҳомати хосса баргузор гардид
ДУШАНБЕ, 25.05.2024 /АМИТ «Ховар»/. Аз 20 то 23 май дар Ҷумҳурии Озарбойҷон Рӯзҳои фарҳанги Ҷумҳурии Тоҷикистон баргузор шуд, иттилоъ медиҳад АМИТ «Ховар».
Дар он 110 ҳунарманд таҳти роҳбарии Вазири фарҳанги Тоҷикистон Матлубахон Сатториён иштирок намуд.
20 май зимни ифтитоҳи Рӯзҳои фарҳанги Тоҷикистон дар Озарбойҷон нахуст меҳмонон намоишгоҳи наққошии рассомони тоҷик, намунаҳои ҳунарҳои мардумӣ ва либосҳои миллиро тамошо карда, бо либосҳо ва таомҳои миллии Тоҷикистон шинос шуданд.
Баъди намоишҳо барномаи ҳунарӣ бо иштироки ҳунармандони Тоҷикистон, ки аз суруду оҳангҳои марғуби тоҷикона иборат буд, пешниҳод гардид.
Вазири фарҳанги Ҷумҳурии Озарбойҷон Одил Каримлӣ иброз дошт, ки «баргузории Рӯзҳои фарҳанги Тоҷикистон дар Озарбойҷон барои ҳамаи дӯстдорони санъат воқеаи муҳим ва таърихӣ аст. Зеро баргузории рӯзҳои фарҳангӣ робитаи ду давлатро боз ҳам мустаҳкам мекунад».
Ҳамчунин гуфта шуд, ки ин рӯзҳо барои намояндагони ҳарду ҷониб таҷрибаи нав мешавад. Дар Тоҷикистон ба эҷодиёти шоири бузурги классик Низомии Ганҷавӣ эҳтироми хосса доранд ва осори ӯ ба барномаи таълимии мактабҳо дохил карда шудааст.
Бояд гуфт, ки Рӯзҳои фарҳанги Тоҷикистон дар шаҳрҳои Боку ва Ганҷа баргузор гардиданд. Ин имкон дод, ки мардуми ин кишвар бо таърихи бостонӣ, фарҳанги ғанӣ, анъана ва арзишҳои маънавии халқи тоҷик шинос гарданд.
АКС: Вазорати фарҳанги Ҷумҳурии Тоҷикистон
Шоири халқии Тоҷикистон Доро Наҷот аз олам даргузашт
ДАСТОВАРДИ ДАВРОНИ СОҲИБИСТИҚЛОЛӢ. Китобхонаи миллии Тоҷикистон иқтидори нигоҳдории то 10 миллион нусха китобро дорад
Дар Душанбе ҷаласаи Комиссияи ҷумҳуриявии озмунҳо баргузор гардид
Китоби «Ориёиҳо ва шинохти тамаддуни ориёӣ»-и Президенти Ҷумҳурии Тоҷикистон бо хати форсӣ рӯнамоӣ гардид
Олимони Ҳиндустон дар Осорхонаи миллии Тоҷикистон бо ёдгориҳои беназир ва бозёфтҳои нодири бостоншиносӣ шинос шуданд
Бахшида ба 35-солагии Истиқлоли давлатӣ таҳти унвони «Меъмори кохи бузурги маънавӣ» китоб нашр шуд
ЭҲЁИ ҶАШНҲОИ МИЛЛӢ ДАР 35 СОЛИ ИСТИҚЛОЛИЯТ. Ва ё мақоми байналмилалиро соҳиб гардидани онҳо
СИНАМОИ ТОҶИК ДАР 35 СОЛИ ИСТИҚЛОЛИ ДАВЛАТӢ. Дар ин давра беш аз 300 филм ба навор гирифта шудааст
Пешвои миллат Эмомалӣ Раҳмон: «24 ёдгории таърихию фарҳангии Тоҷикистон ба Феҳристи мероси моддии ҷаҳонии ЮНЕСКО сабт гардидааст»
Президенти Тоҷикистон: «Мо барои арҷгузорӣ ба арзишҳои асили тамаддуни тоҷикону форсизабонон иқдомоти муассирро амалӣ намудем»
ШЕЪР ВА ИСТИҚЛОЛ. Назми муосири тоҷик дар солҳои соҳибистиқлолии Тоҷикистон дар сафи пеши худшиносии миллӣ ва ҳаракати ваҳдати миллӣ қарор гирифт
Кормандони соҳаи фарҳанг бо мукофотҳои давлатӣ сарфароз гардиданд
