РӮЗИ ҶАВОНОНИ ТОҶИКИСТОН. Дар Шаҳринав бо иштироки 5000 нафар роҳпаймоии идона баргузор гардид
ШАҲРИНАВ, 23.05.2024 /АМИТ «Ховар»/. Дар ноҳияи Шаҳринав ба ифтихори Рӯзи ҷавонони Тоҷикистон ва бо ҳисси ифтихормандиву шукргузорӣ аз фазои орому осудаи мамлакат таҳти унвони «Мо пайравони Пешвои миллатем!» бо иштироки зиёда аз 5000 ҷавонону сокинони ноҳия роҳпаймоии идона баргузор гардид. Дар ин хусус ба хабарнигори минтақавии АМИТ «Ховар» Субҳониддини Маҳмуд дар Мақомоти иҷроияи ҳокимияти давлатии ноҳияи Шаҳринав иттилоъ доданд.
Зимни роҳпаймоӣ ба ифтихори Рӯзи ҷавонони Тоҷикистон бо иштироки ҷавонону сокинони ноҳия дар назди муҷассамаи асосгузори давлати тоҷикон- шоҳ Исмоили Сомонӣ гулчанбар гузошта шуд. Пас аз маросими гулчанбаргузорӣ дар Боғи фарҳангиву фароғатии ба номи Н.Маъсумӣ барномаи фарҳангӣ-фароғатӣ доир гардид.
Зимни мулоқоти раиси ноҳияи Шаҳринав Абдуқодир Вализода бо ҷавонони фаъоли ноҳия иброз гардид, ки бо шарофати заҳмату талошҳои пайвастаи Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон сиёсати давлатии ҷавонон ба таври комил поягузорӣ шуда, марҳила ба марҳила дар амал татбиқ мегардад. Воқеан, ҷавонон ба ҳама гуна ғамхорию пуштибониҳо арзанда буда, дар ин ҷода Ҳукумати Ҷумҳурии Тоҷикистон ташаббусу пешниҳодҳои созандаи онҳоро дастгирӣ менамояд ва барои амалӣ гардонидани онҳо имконият фароҳам меорад.
Гуфта шуд, ки ҷавонони мо чун неруи пешбаранда ворисони арзандаи миллату давлат ва тақдирсози роҳи имрӯзу фардои Тоҷикистон буда, барои содиқона хизмат намудан ба Ватан беш аз пеш саъю талош менамоянд.
Дар анҷоми мулоқот як зумра ҷавонон барои саҳм гузоштан дар татбиқи сиёсати давлатии ҷавонон, рушди соҳаи варзиш, ташаккули тарзи ҳаёти солим ва иштироки фаъолона дар чорабиниҳо бо туҳфаҳо ва Сипосномаи Мақомоти иҷроияи ҳокимияти давлатии ноҳияи Шаҳринав қадрдонӣ шуданд.
АКС: Мақомоти иҷроияи ҳокимияти давлатии ноҳияи Шаҳринав
Имрӯз дар водиҳои Тоҷикистон ҳаво то 40 дараҷа гарм мешавад
Дар 130 муассисаи таълимии ноҳияи Рӯдакӣ беш аз 10 ҳазор наврасон ба истироҳат фаро гирифта шудаанд
Имрӯз дар ноҳияҳои алоҳидаи Тоҷикистон чангу ғубор ба амал меояд
Дар Душанбе ҳамоиши сиёсӣ-фарҳангӣ таҳти унвони «Пешвои миллат — меъмори Ваҳдат» доир гардид
МЕГАФОН ТОҶИКИСТОН: Дар Санкт –Петербург Созишнома оид ба ҳамкории оператор бо таҳиягари пешбари Русия — Ivideon имзо гардид
Конфронси илмӣ-адабии «Душанбе — корзори ваҳдатофарӣ ва боргоҳи Ваҳдати миллӣ» баргузор шуд
Дар Вилояти Мухтори Кӯҳистони Бадахшон 9 иншооти саноатӣ ба истифода дода мешавад
Дар Бохтар вобаста ба пешгирии ғарқшавии ноболиғону ҷавонон ҳангоми оббозӣ вохӯрии иттилоотӣ доир шуд
Модарони ваҳдатсаро дар ноҳияҳои Исмоили Сомонӣ, Фирдавсӣ, Сино ва Шоҳмансури пойтахт бо сокинон вохӯрӣ мегузаронанд
АЗ БАРАКАТИ ВАҲДАТИ МИЛЛӢ. Дар ин муддат соҳаи саноат ва кӯҳкорӣ ба як бахши муҳими иқтисоди миллӣ табдил ёфт
«ХИЗМАТ БА ВАТАН ШАРАФ АСТ!». Дар ноҳияи Нуробод ҳамоиши хизматчиёни ҳарбӣ баргузор мешавад
