Деннис Фрэнсис: «Мо имрӯз бе об наметавонем дар бораи рушд ҳарфе бигӯем»
ДУШАНБЕ, 11.06.2024 /АМИТ «Ховар»/. «Об омили муҳим барои расидан ба ҳадафи шашуми Ҳадафҳои Рушди Устувор мебошад, зеро ҳадафи шашум маҳз ба об алоқамандӣ дорад. Ҳадафи мазкур ба он равона шудааст, ки одамон, новобаста ба он ки дар куҷо зиндагӣ мекунанд, бояд ба захираҳои об дастрасии комил дошта бошанд, зеро об манбаи ҳаёт аст», — изҳор намуд Раиси иҷлоси 78-уми Маҷмаи Умумии Созмони Милали Муттаҳид Деннис Фрэнсис баъд аз мулоқот бо Президенти Ҷумҳурии Тоҷикистон муҳтарам Эмомалӣ Раҳмон.
Мулоқоти Дэннис Френсис бо Президенти Ҷумҳурии Тоҷикистон муҳтарам Эмомалӣ Раҳмон дар ҳошияи Конфронси сеюми байналмилалии сатҳи баланд бахшида ба Даҳсолаи байналмилалии амал «Об барои рушди устувор, солҳои 2018-2028» баргузор гардид ва номбурда аз натиҷаҳои мулоқот брифинги матбуотӣ дод.
«Мо имрӯз бе об наметавонем дар бораи ягон рушд ҳарф бигӯем. Маҳз бо ҳамин сабаб ман имрӯз дар Тоҷикистон қарор дорам. Тоҷикистон давлати пешбар дар масъалаҳои об буда, кишварҳои ҷаҳонро барои ҳалли мушкилоти муҳими ҷаҳонӣ муттаҳид менамояд. Агар мо имрӯз тадбирҷӯӣ накунем, пас яқинан рушди ҷаҳон зарар мебинад. Ба мо зарур аст, ки нақшаи умумиҷаҳонии амал ва қарор қабул кунем, ки чӣ тавр обро истифода барем, сармоягузориро барои истеҳсоли он афзоиш диҳем. Дар ин раванд ман танҳо давлатҳоро дар назар надорам, ҳамчунин бахши хусусӣ, иттиҳодияҳо, шахсони алоҳида низ бояд нисбат ба ин масъала бетараф набошанд. Мо зимни суҳбат бо Президенти Ҷумҳурии Тоҷикистон изҳор кардем, ки чанде пеш Маҷмаи Умумии Созмони Милали Муттаҳид бо ташаббуси Президенти Ассотсиатсияи футболи Осиёи Марказӣ муҳтарам Рустами Эмомалӣ Рӯзи байналмилалии футболро таъсис дод, ки ин қарор ба боз ҳам рушд додани ин навъи варзиш равона шудааст», — гуфт Деннис Фрэнсис.
Раиси иҷлоси 78-уми Ассамблеяи генералии Созмони Милали Муттаҳид Дэннис Фрэнсис ба намояндагони воситаҳои ахбори оммаи ватанӣ ва хориҷӣ аз таассуроташ нисбат ба Тоҷикистон нақл карда, таъкид намуд, ки хеле хушҳол аст, ки дар ин мамлакати дорои табиати нотакрор қарор дорад.
АКС: АМИТ «Ховар»
Сафири Тоҷикистон бо Вазири барқ, об ва энергияи таҷдидпазири Кувайт мулоқот кард
Форуми байналмилалии «Сайёҳии устувор ва мероси фарҳангӣ» дар Тоҷикистон дар расонаҳои иттилотии Аморот инъикос ёфт
Моҳи майи соли 2027 дар Душанбе Конфронси байналмилалии сатҳи баланд роҷеъ ба оғози Даҳсолаи таҳкими сулҳ баргузор мешавад
Сафири Тоҷикистон бо Вазири федералии энергетикаи Покистон мулоқот намуд
Рушди муносибатҳои дуҷонибаи Тоҷикистону Умон баррасӣ гардид
ҲИФЗИ ПИРЯХҲО. Коҳиши пиряхҳои ҳавзаи Зарафшон метавонад ба амнияти экологии Осиёи Марказӣ таъсир расонад
Дурнамои ҳамкории Тоҷикистон ва Кувайт дар соҳаи маориф баррасӣ шуд
Шараф Шерализода бо ҳамраисони иҷроия ва аъзои Шурои директорони Палатаи муштараки савдои Швейтсария мулоқот намуд
Сафири Тоҷикистон дар Амороти Муттаҳидаи Араб дар ҷаласаи 32-юми Шурои IRENA иштирок намуд
Дар Женева чорабинии сатҳи баланд дар мавзуи «Сулҳи устувор дар Осиёи Марказӣ: сабақҳо аз Эъломияи дӯстии абадии Хуҷанд» доир шуд
Сафири Тоҷикистон дар Амрико бо тоҷикони Канада мулоқот намуд
Сироҷиддин Муҳриддин бо Сафири Арабистони Саудӣ мулоқот намуд
