Донишҷӯёни Донишгоҳи техникии Тоҷикистон таҷрибаомӯзии истеҳсолиро дар Неругоҳи барқи обии «Қайроқум» мегузаронанд
ДУШАНБЕ, 15.06.2024 /АМИТ «Ховар»/. Як қатор донишҷӯёни факултети энергетикии Донишгоҳи техникии Тоҷикистон ба номи академик Муҳаммад Осимӣ аз 10 то 24 июн дар Неругоҳи барқи обии «Қайроқум» таҷрибаомӯзии истеҳсолиро гузаронида, донишҳои назариявии азхуднамудаи худро дар истеҳсолот татбиқ менамоянд.
Тавре АМИТ «Ховар» бо истинод ба Донишгоҳи техникии Тоҷикистон хабар медиҳад, донишҷӯён дар раванди таҷрибаомӯзӣ бо ҷараёни истеҳсолот, озмоишгоҳҳо, таҷҳизоту дастгоҳҳои истеҳсолӣ ва тартиби кори корхона шинос шуда, малакаи касбӣ ва донишҳои амалии худро тақвият хоҳанд дод.
Бояд гуфт, ки пайвасти илм бо истеҳсолот, густариши ҳамкорӣ бо корхонаву муассисаҳои истеҳсолӣ – хизматрасонӣ ва дар ин замина татбиқи Барномаи таҳсилоти дуалӣ ба натиҷаи раванди таълим таъсири мусбӣ расонида, дар рушди касбият ва тафаккури техникии донишҷӯён саҳми муносиб мегузорад. Бо ин мақсад раёсати донишгоҳ бо ширкатҳои ватанӣ ва корхонаҳои истеҳсолӣ ҳамкориро тақвият дода, барои кушодани филиали кафедраҳо дар истеҳсолот, гузаронидани таҷрибаомӯзиҳо ва дарсҳои озмоишӣ-амалӣ шартномаҳои тарафайн ба имзо расонидааст.
Мавриди ёдоварист, ки Тоҷикистон баъди ба даст овардани Истиқлоли давлатӣ дар соҳаи энергетика ва тавлиди неруи барқи дохилӣ ба як қатор дастовардҳо ноил гардидааст. Дар ин росто саҳми хатмкунандагони Донишгоҳи техникии Тоҷикистон, ки муассисаи заминавии омодакунии кадрҳои баландихтисоси соҳаи муҳандисӣ мебошад, дар рушди энергетикаи мамлакат назаррас мебошад.
АКС: Донишгоҳи техникии Тоҷикистон ба номи академик М.С. Осимӣ
НИШАСТИ МАТБУОТӢ. Соли 2024 бо шарофати дастоварди варзишгарони Тоҷикистон 134 маротиба Суруди миллӣ дар мусобиқаҳои сатҳи байналмилалӣ садо додааст
Дар Суғд барои дарёфти Ҷоизаи журналистони вилоят ба номи Ҳоҷӣ Содиқ озмун гузаронида мешавад
Пагоҳ дар вазоратҳои корҳои хориҷӣ, рушди иқтисод ва савдо, меҳнат, муҳоҷират ва шуғли аҳолӣ, Кумитаи давлатии сармоягузорӣ ва идораи амволи давлатӣ, ҷамъиятҳои саҳомии кушодаи «Барқи Тоҷик», «Шабакаҳои интиқоли барқ» ва «Шабакаҳои тақсимоти барқ» нишасти матбуотӣ баргузор мегардад
ҲИСОББАРОБАРКУНИИ ҒАЙРИНАҚДӢ. 64 фоизи аҳолии калонсоли ноҳияи Шаҳринав дорандаи корти бонкӣ мебошанд
«Бисоз Life»: 2,5 маротиба бештар суҳбат намоед!
Имрӯз дар Тоҷикистон борон ва барф дар назар аст
Вобаста ба таҳким бахшидани ҳамкории милитсия бо ҷомеа дар ноҳияи Ёвон ҳамоиши маърифатӣ-ҳуқуқӣ доир гардид
Агентии амнияти химиявӣ, биологӣ, радиатсионӣ ва ядроӣ ҳамкориро бо Маркази ҷумҳуриявии илмии саратоншиносӣ тақвият мебахшад
Имрӯз дар баъзе ноҳияҳои Тоҷикистон барф меборад
Дар Боку таҳкими ҳамкории Тоҷикистон ва Донишгоҳи Академияи дипломатии Озарбойҷон дар соҳаи маориф ва илм баррасӣ шуд
