Гурӯҳи кории Тоҷикистон дар шаҳри Москва бо ҳамватанон суҳбату вохӯриҳо доир намуд
ДУШАНБЕ, 22.06.2024. /АМИТ «Ховар»/. 20-21 июн дар шаҳри Москваи Федератсияи Русия вохӯрии гурӯҳи корӣ таҳти роҳбарии муовини якуми Раиси Ҳизби Халқии Демократии Тоҷикистон Абдуҷаббор Азизӣ бо масъулини Сафорати Ҷумҳурии Тоҷикистон дар Федератсияи Русия ва намояндагии вазоратҳои меҳнат, муҳоҷират ва шуғли аҳолӣ, корҳои дохилӣ ва шаҳрвандони Тоҷикистон — муҳоҷирони меҳнатӣ доир гардид. Дар ин хусус ба АМИТ «Ховар» дар Ҳизби Халқии Демократии Тоҷикистон хабар доданд.
Ҳамзамон гурӯҳи корӣ бо муҳоҷирони тоҷик, ки дар бозори «Садовод» фаъолияти соҳибкорӣ доранд, вохӯрӣ баргузор намуда, оид ба вазъияти имрӯзаи олам, вазъи тоҷикони муқими Русия ва таваҷҷуҳи Ҳукумат ба вазъи онҳо изҳори назар намуданд.
Роҳбари гурӯҳи корӣ Абдуҷаббор Азизӣ ҳозиринро ба дӯстӣ, муттаҳидӣ, рафтори шоиста, муносибатҳои неки ахлоқӣ ва риояи қонунгузории давлати иқомат даъват намуда, хотиррасон кард, ки онҳоро дар Ватан аъзои оила ва хешу табор интизоранд.
Сипас аъзои гурӯҳи корӣ Абдураҳим Холиқзода дар бораи тарзи муносибат бо фарҳанги давлати дигар, таҳаммулгароӣ ва маданияти шаҳрвандӣ дар кишвари дигар изҳори назар карда, шаҳрвандонро ба анҷоми рафторҳои баланди ахлоқӣ ва инсонӣ даъват намуд.
Ҳамчунин зимни вохӯрӣ мазмун ва моҳияти Қонуни Ҷумҳурии Тоҷикистон «Дар бораи танзими ҷашну маросим дар Ҷумҳурии Тоҷикистон» дар таҳрири нав ба муҳоҷирон фаҳмонида шуд, ки мақсаду ҷавҳари он ҳифзи манфиатҳои шаҳрвандони Тоҷикистон ва таъмини шароити арзандаи зиндагӣ барои онҳо мебошад.
Дар рафти вохӯриҳо ҳайати гурӯҳи корӣ ва намояндагони вазорату идораҳо, ки дар Федератсияи Русия фаъолият доранд, ба саволҳои шаҳрвандон ҷавоб дода, онҳоро ба муттаҳидию сарҷамъӣ, баланд бардоштани ҳисси миллию ватандорӣ ва ваҳдату ягонагӣ даъват намуданд.
Дар охири мулоқотҳо аз ҷониби иштирокдорон ба Роҳбарияти давлату Ҳукумат, барои ташрифи гурӯҳи корӣ ва баргузор намудани мулоқоту суҳбатҳои судманд изҳори миннатдорӣ гардид. Ҳамзамон пешниҳод гардид, ки чунин суҳбату вохӯриҳо дар ҳудуди Федератсияи Русия мунтазам идома ёбанд.
АКС: Ҳизби Халқии Демократии Тоҷикистон
«ТАБЛИҒГАРОНИ ИСТИҚЛОЛ». Гурӯҳи тарғиботӣ — ташвиқотӣ дар ноҳияҳои Рӯдакӣ, Файзобод ва Шаҳринав дастовардҳои даврони соҳибистиқлолиро муаррифӣ намуд
Таъсиси Шурои роҳбарони мақомоти иҷрои маҷбурии кишварҳои аъзои ИДМ баррасӣ шуд
10 оилаи аз офати табиӣ зарардидаи деҳаи Баррӯшон соҳиби манзилҳои нав мешаванд
Бахшида ба Рӯзи кормандони хадамоти ҳолатҳои фавқулода ва мудофиаи гражданӣ ҳамоиши тантанавӣ доир шуд
ИМРӮЗ — РӮЗИ КОРМАНДОНИ ХАДАМОТИ ҲОЛАТҲОИ ФАВҚУЛОДА ВА МУДОФИАИ ГРАЖДАНӢ. Ҳифзи аҳолӣ аз ҳолатҳои фавқулода самти асосии фаъолияти ин ниҳод аст
САЙЁҲИИ ЗИЁРАТӢ. Дар 35 соли Истиқлоли давлатӣ Мамнуъгоҳи Султон Увайси Қаранӣ аз нав эҳё гардида, инфрасохтори сайёҳии он рушд намуд
ПУРСИДЕД, ҶАВОБ МЕДИҲЕМ. Дар кадом ҳолат вуруди шаҳрванди хориҷӣ ба Федератсияи Русия манъ карда мешавад?
Рафти татбиқи Стратегияи рушди ҳифзи иҷтимоии аҳолии Ҷумҳурии Тоҷикистон барои давраи то соли 2040 натиҷагирӣ карда шуд
Дар Душанбе доир ба саҳми шоистаи Абуалӣ ибни Сино дар илми тиб конференсия баргузор гардид
Муовини Сарвазири Тоҷикистон бо ҷараёни сохтмони иншооти соҳаи маорифу тандурустӣ дар шаҳри Ҳисор шинос шуд
Дар вилояти Суғд бахшида ба Рӯзи кормандони соҳаи тиб ҳамоиш доир гардид
Дар Хуҷанд даври шаҳрии Озмуни ҷумҳуриявии «Беҳтарин хизматчии давлатӣ аз ҳисоби занон» доир шуд
