Намояндагони Ҷумҳурии Мардумии Чин бо фаъолияти Неругоҳи барқи обии «Норак» шинос шуданд
ДУШАНБЕ,24.06.2024/АМИТ «Ховар»/. 23 июн намояндагони Ҷумҳурии Мардумии Чин- иштирокдорони Конфронси байналмилалии «Тоҷикистон-Чин: ҳолат ва дурнамои шарикии ҳамаҷонибаи стратегӣ дар давраи нав», ки имрӯз дар Душанбе оғоз гардид, бо Неругоҳи барқи обии «Норак» шинос шуданд, хабар медиҳад АМИТ «Ховар» бо истинод ба Маркази тадқиқоти стратегии назди Президенти Ҷумҳурии Тоҷикистон.
Иттилоъ дода шуд, ки Ҷумҳурии Тоҷикистон аз ҷиҳати имконияти истеҳсоли неруи барқи обии аз лиҳози экологӣ тоза дар ҷаҳон дар ҷои намоён қарор дошта, дар ҳолати истифодаи пурраи чунин имконият метавонад ба яке аз истеҳсолкунандагони пешсафи «энергияи сабз» табдил гардад.
Инчунин ба меҳмонон доир ба таърихи бунёди сохтмони ин неругоҳ маълумоти муфассал дода шуд.
Ҳамзамон меҳмонон боду ҳаво ва манзараҳои дилфиреби Тоҷикистонро тавсиф намуда, иброз доштанд, ки муҳити экологии Тоҷикистон ба онҳо сахт писанд омадааст ва онҳо талош доранд, ки бо истифода аз фурсати муносиб манзараҳои зебои Тоҷикистонро тамошо намоянд.
Дар фарҷом директори Институти сиёсат ва муносибатҳои байналмилалии Донишгоҳи Ланжоу, профессор Чжу Юнбяо ва ҳамроҳонаш ҳавасмандии давлаташонро барои тақвияти бештари ҳамкорӣ байни Ҷумҳурии Тоҷикистон ва Ҷумҳурии Мардумии Чин дар соҳаҳои иқтисоди сабз, энергетика, тағйирёбии иқлим ва масъалаҳои вобаста ба об дар чаҳорчӯби созишномаҳои қаблан ба тасвибрасида муҳим арзёбӣ намуданд.
АКС: Маркази тадқиқоти стратегии назди Президенти Ҷумҳурии Тоҷикистон
Бастаҳои интернетии «Одӣ»: осон, мувофиқ, муфид
Имрӯз дар баъзе ноҳияҳои Тоҷикистон чангу ғубор ба амал меояд
Вобаста ба нақши Пешвои миллат дар рушди илму маориф ҳамоиш баргузор гардид
Имрӯз дар водиҳои Тоҷикистон ҳаво то 26 дараҷа гарм мешавад
«Эмомалӣ Раҳмон – кафили субот ва пойдории истиқлоли давлатӣ». Дар шаҳри Бӯстон ҳамоиши ҷумҳуриявӣ баргузор гардид
ZET-MOBILE рушди 5G-ро идома медиҳад: истгоҳҳои нави базавӣ ба истифода дода шуданд
Имрӯз дар шаҳри Душанбе ҳаво то 23 дараҷа гарм мешавад
Ба ифтихори Рӯзи Президент дар ноҳияи Шаҳринав бинои муассисаи таълимӣ ба истифода дода шуд
Доир ба нақши таърихии Пешвои миллат дар эҳёи давлатдории миллӣ ва таҳкими сулҳу субот ҳамоиш баргузор шуд
Ба ифтихори Рӯзи Президент дар Осорхонаи миллии Тоҷикистон ҳамоиш баргузор шуд
ПРЕЗИДЕНТ — МЕЪМОРИ ДАВЛАТДОРИИ МУОСИР. Ба Рӯзи Президенти Ҷумҳурии Тоҷикистон бахшида мешавад
ПЕШВОИ МО-ИФТИХОРИ МО. Дар вилояти Хатлон Рӯзи Президент бо шукуҳу шаҳомат таҷлил гардид
