РАВАНДИ ОБИ ДУШАНБЕ. Ойгул Соловёва: «Ташаббусҳои ҷаҳонии Тоҷикистон қадами устувор дар ҳалли масъалаҳои обу иқлим ва ҳифзи муҳити зист мебошанд»
ДУШАНБЕ, 12.06.2024 /АМИТ «Ховар»/. «Конфронси сеюми байналмилалии сатҳи баланд оид ба «Даҳсолаи байналмилалии амал об барои рушди устувор, солҳои 2018-2028», ки имрӯзҳо дар пойтахти Тоҷикистон-шаҳри Душанбе доир гардида истодааст, майдони фарох барои дарёфти роҳҳои ҳалли масъалаҳои марбут ба обу иқлим, ки солҳои охир мардуми сайёраро ба ташвиш оврадаанд, мебошад»,- чунин гуфт дар суҳбат ба хабарнигори АМИТ «Ховар» Марзия Саидзода намояндаи Ассотсиатсияи созмонҳои экологии Қазоқистон Ойгул Соловёва.
Ойгул Соловёва ташаббусҳои ҷаҳонии Президенти Ҷумҳурии Тоҷикистон муҳтарам Эмомалӣ Раҳмонро дар соҳаи обу иқлим, ки давоми ду даҳсолаи охир аз ҷониби Созмони Милали Муттаҳид пазируфта шудаанд, қадами уствор дар ҳалли масъалаҳои обу иқлим ва ҳифзи муҳити зисти на танҳо минтақаи Осиёи Марказӣ, балки сайёра арзёбӣ намуд.
Намояндаи Ассотсиатсияи созмонҳои экологии Қазоқистон гуфт, ки аз 14 ҳазор пиряхи Тоҷикистон 1000 ададаш об шудааст, ки ин боиси нигаронии на танҳо давлатҳои Осиёи Марказӣ, балки ҷаҳон мебошад, зеро 60 фоизи захираҳои оби минтақаи Осиёи Марказӣ маҳз аз Тоҷикистон ва хусусан аз пиряхҳои баландкӯҳи ин сарзамин ташаккул меёбад.
Ҳамсуҳбати мо иқдоми наҷиби Президенти Ҷумҳурии Тоҷикистонро дар масъалаи обу иқлим муассир ва саривақтӣ арзёбӣ намуд. Махсусан таъкид кард, ки аз ҷониби Маҷмаи Умумии Созмони Милали Муттаҳид соли 2022 дар иҷлосияи 77-ум қабул гардидани қатънома дар бораи Рӯзи байналмилалии ҳифзи пиряхҳо эълон кардани 21 март ва Соли байналмилалии ҳифзи пиряхҳо эълон намудани соли 2025, ки тибқи он Фонди байналмилалии ҳифзи пиряхҳо таъсис дода шуда, соли 2025 дар Душанбе Конфронси байналмилалии ҳифзи пиряхҳо доир мегардад, хеле хурсандиовар аст.
Ба андешаи коршиноси масоили экологӣ, давлатҳои Осиёи Марказӣ бояд дар ҳалли масъалаҳои марбут ба коҳиш додани партови газҳои гулхонаӣ, ҳифзи муҳити зист ва экология, истифодаи оқилонаи захираҳои обӣ дар раванди тағйирёбии иқлим ҳамкориро тақвият бахшанд. Зеро барои ҳаёти башарият, хусусан барои минтақаи Осиёи Марказӣ, ки бо аҳолии 80 миллионааш яке аз минтақаҳои сернуфуси қораи Осиё мебошад, ҳифзи захираҳои обӣ- пешгирии обшавии пиряхҳо дар раванди тағйирёбии иқлим ва таъмини амнияти экологии минтақа хеле муҳим аст.
АКС: АМИТ «Ховар»
Сулаймон Зиёзода дар Муколамаи Рим оид ба масъалаҳои об-2025 мавқеи Тоҷикистонро дар самти истифодаи устувори захираҳои об таъкид намуд
Соли 2028 дар Тоҷикистон Конфронси Созмони Милали Муттаҳид оид ба захираҳои об баргузор мешавад
Президенти Ҷумҳурии Тоҷикистон Эмомалӣ Раҳмон бо медали «Барои хизматҳо дар рушди ҳамкории башардӯстона» сарфароз гардонида шуданд
ТОҶИКИСТОН ДАР САРХАТИ ТАШАББУСҲОИ ҶАҲОНӢ. Андешаҳо дар мавриди қабули қатъномаи таърихии Тоҷикистон оид ба зеҳни сунъӣ дар Маҷмаи Умумии СММ
ТОҶИКИСТОН — МИЗБОНИ ЧОРАБИНИҲОИ МУҲИМИ БАЙНАЛМИЛАЛӢ. Интихоби Душанбе чун макони баргузории ин чорабиниҳои муҳим ба таҷриба, эътибор ва нуфузи байналмилалии мамлакат асос ёфтааст
Вуруди Резервати биосферии «Ромит» ба Шабакаи ҷаҳонии мамнуъгоҳҳои ЮНЕСКО — рӯйдоди муҳим дар соҳаи экологии Тоҷикистон
ДИПЛОМАТИЯИ ТОҶИКИСТОН: АЗ СУХАНРОНИИ ТАЪРИХӢ ТО ТАШАББУСҲОИ ГЛОБАЛӢ. Эҳдо ба Рӯзи кормандони хизмати дипломатии Тоҷикистон
Дар Бадахшон оид ба ташаббусҳои ҷаҳонии Президенти Тоҷикистон ҳамоиши ҷумҳуриявӣ доир шуд
Мушоҳидаи аэровизуалӣ ва георадарии ҳолати пиряхҳо ва кӯлҳои кӯҳии Тоҷикистон гузаронида шуд
Дар Ню-Йорк масъалаи омодагӣ ба Конфронси оби СММ-2028 дар Душанбе баррасӣ гардид
Президенти Тоҷикистон: «Таъсиси Маркази минтақавии зеҳни сунъиро дар шаҳри Душанбе салоҳи кор мешуморем»
Пиряхҳо ва дигар манбаъҳои обии Тоҷикистон то 60 фоизи захираҳои оби Осиёи Марказиро ташкил медиҳанд
