«ШОЯД ДАР ҚАТРАИ ХУНИ ШУМО НАҶОТИ КАСЕ БОШАД». Бахшида ба Рӯзи ҷаҳонии донорҳои хун аксияи ҷумҳуриявӣ доир шуд
ДУШАНБЕ, 14.06.20214 /АМИТ «Ховар»/. «Шояд дар қатраи хуни шумо наҷоти касе бошад»- таҳти чунин унвон бахшида ба Рӯзи ҷаҳонии донорҳои хун бо ташаббуси Кумитаи кор бо ҷавонон ва варзиши назди Ҳукумати Ҷумҳурии Тоҷикистон аксияи ҷумҳуриявӣ баргузор гардид, ки тамоми ҳайати кормандон дар қатори дигар шаҳрвандон дар Муассисаи давлатии «Маркази ҷумҳуриявии илмии хун» бо риояи ҳамаи унсурҳои хунсупорӣ барои беҳдошти саломатӣ хун супориданд. Дар ин хусус ба АМИТ «Ховар» дар Кумитаи кор бо ҷавонон ва варзиши назди Ҳукумати Ҷумҳурии Тоҷикистон хабар доданд.
Ёдовар мешавем, ки ҳамасола дар ҷаҳон 14 июн Рӯзи ҷаҳонии донорҳои хун муқаррар шудааст. Ҳадафи ин сана тарғибу ташвиқи хун додан ба эҳтиёҷмандон ва эҳсоси ҳамдиливу ҳамдардӣ байни инсонҳои саросари олам аст.
Дар Ҷумҳурии Тоҷикистон 26 майи соли 2009 Қонун «Дар бораи донори хун ва ҷузъҳои он» ба тасвиб расид, ки он муносибатҳои вобаста ба рушди донории хун ва ҷузъҳои онро дар мамлакат танзим менамояд. Тибқи моддаи 2-и қонуни мазкур, ҳар шаҳрванди аз 18 то 65-сола, ки дар натиҷаи аз муоинаи тиббӣ гузаштан гирифтории ӯ ба бемориҳое, ки зидди нишондоди донорӣ мебошанд, ошкор нашудааст, донор шуда метавонад.
Ба гуфти мутахассисон, донор шахсоне дониста мешаванд, ки ҳадди аққал ҳар сол як ё ду маротиба хун ва ё ҷузъҳои онро месупоранд. Инчунин дар моддаи 10-и ин қонун омадааст, ки донорҳо дар рӯзи супоридани хун аз ҳисоби маблағҳои буҷети дахлдор бо хӯроки ройгон таъмин карда мешаванд. Донорҳо ҳуқуқ доранд, ки пас аз супоридани хун бар ивази хӯрок ба андозаи муқаррарнамудаи Ҳукумати Ҷумҳурии Тоҷикистон ҷуброни пулӣ гиранд.
Шахсоне, ки новобаста аз собиқаи донорӣ: мардон на камтар аз 20 литр ва занон на камтар аз 15 литр хун ва ё плазма супоридаанд, тибқи тартиби муқаррарнамудаи Қонуни Ҷумҳурии Тоҷикистон «Дар бораи мукофотҳои давлатӣ» барои гирифтани унвони фахрии «Донори ифтихории Тоҷикистон» пешниҳод карда мешаванд.
АКС: Кумитаи кор бо ҷавонон ва варзиши назди Ҳукумати Ҷумҳурии Тоҷикистон
МАСЛИҲАТИ МУТАХАССИС. Сиёҳалафро барои муолиҷаи бемориҳои рӯда ва захми меъда истифода мебаранд
ТАШАББУСИ ШОИСТАИ ИНСОНДӮСТОНАИ ПЕШВОИ МИЛЛАТ. Андешаҳо дар ҳошияи Фармони Президенти Ҷумҳурии Тоҷикистон «Дар бораи бахшиши ҷазои шахсоне, ки ба маҳрум сохтан аз озодӣ маҳкум карда шудаанд»
Имрӯз дар асоси Фармони Президенти Тоҷикистон боз 697 нафар маҳбусон аз муассисаҳои ислоҳии ҷумҳурӣ озод карда шуданд
Пайвандони маҳбусон: «Бахшиши ҷазои маҳкумшудагон намунаи барҷастаи инсондӯстӣ ва меҳру муҳаббати Пешвои миллат нисбат ба мардум мебошад»
Имрӯз дар асоси Фармони Президенти Тоҷикистон 200 нафар маҳбусон аз муассисаҳои ислоҳии ҷумҳурӣ озод карда шуданд
Тоҷикистонро дар рӯзҳои ҷашни Наврӯз чӣ гуна ҳаво интизор аст?
Форуми ҷавонони Тоҷикистон, Узбекистон ва Қирғизистон баргузор гардид
Дар Хуҷанд ҳайати иштирокчиёни Фестивали ҷаҳонии ҷавонон «Navruz Youth World Festival»-ро истиқбол намуданд
Иштирокчиёни Фестивали ҷаҳонии ҷавонон: «Аз истиқболу меҳмоннавозии гарми тоҷикон сарамон ба фалак расид»
Имрӯз дар шаҳри Душанбе бо иштироки намояндагони 26 давлати дунё Фестивали ҷаҳонии ҷавонон оғоз гардид
Ташаббусҳои сулҳофаронаи Президенти Тоҷикистон дар таҳкими амнияти минтақавию ҷаҳонӣ ва робитаҳои дӯстии мардумони кишварҳо беназир мебошанд
Ҳайати Тоҷикистон дар Италия дар самти ҳимояи ҳамаҷонибаи ҳуқуқҳои соҳибкорону сармоягузорон табодули таҷриба намуд
