«СУРУДҲОИ МОНДАГОР». Дар қароргоҳи ЮНЕСКО-шаҳри Париж барномаи фарҳангии ҳунармандони тоҷик доир шуд
ДУШАНБЕ, 08.06.2024 /АМИТ «Ховар»/. Шоми 7 июн дар қароргоҳи ЮНЕСКО-шаҳри Париж дар доираи чорабиниҳои бахшида ба бузургдошти 815-солагии Мавлоно Ҷалолуддини Балхӣ таҳти унвони «Сурудҳои мондагор» барномаи фарҳангӣ доир гардид, иттилоъ доданд ба АМИТ «Ховар» дар Вазорати фарҳанги мамлакат.
Барномаи фарҳангӣ дар доираи намоиши мусаввараву либосҳои миллии тоҷикӣ ва конфронси байналмилалӣ, ки бо ташаббуси Ҷумҳурии Тоҷикистон дар қароргоҳи ЮНЕСКО-шаҳри Париж ба бузургдошти 815-солагии Мавлоно Ҷалолуддини Балхӣ аз 5 то 8 июн мегузарад, пешниҳод гардид.
Тавре дар ифтитоҳи барномаи фарҳангӣ таъкид гардид, эҷодиёти Мавлоно Ҷалолуддини Балхӣ ҳамчун маснади суханофарини базми ишқ ба дараҷае воло ва шӯри каломи ҷонофаринаш он қадар сеҳрангез аст, ки номаш мояи орзу ва шеъраш боиси базму тараб будааст. Чакидаҳои қалами сеҳрнигори Мавлоно Ҷалолуддини Румӣ шуҳрат ва аҳамияти ҷаҳонии адабиёти тоҷикро боз ҳам афзунтар ва ангезаҳои тамаддуни башарро боз ҳам рангинтару ғанитар гардонидаанд. Ҷалолуддини Румӣ аз нобиғагони назми классикии тоҷик буда, дар эҷоди суханварӣ дар ҷаҳон шинохта шудааст.
Тавре қаблан иттилоъ додем, 7 июн конференсияи байналмилалии «Мавлоно Ҷалолиддини Балхӣ ва саҳми ӯ дар густариши фарҳанги ҷаҳонӣ» оғоз гардид, ки то 8 июн идома меёбад. Ҳадаф аз баргузории конференсияи байналмилалӣ- пос доштани хотираи Мавлонои Балхӣ ва эътирофи саҳми безаволи ӯ дар рушди фарҳанги ҷаҳонӣ буда, дар он олимону донишмандон аз тамоми гӯшаи канори олам ҷамъ омадаанд.
Ёдовар мешавем, ки 5 июн дар қароргоҳи ЮНЕСКО-шаҳри Париж бо ташаббуси Ҷумҳурии Тоҷикистон намоиши мусаввараву либосҳои миллии тоҷикӣ низ ифтитоҳ гардид, ки то ҷамъбасти конференсия идома меёбад.
АКС: Вазорати фарҳанги Ҷумҳурии Тоҷикистон
ДАСТОВАРДИ ДАВРОНИ СОҲИБИСТИҚЛОЛӢ. Китобхонаи миллии Тоҷикистон иқтидори нигоҳдории то 10 миллион нусха китобро дорад
Дар Душанбе ҷаласаи Комиссияи ҷумҳуриявии озмунҳо баргузор гардид
Китоби «Ориёиҳо ва шинохти тамаддуни ориёӣ»-и Президенти Ҷумҳурии Тоҷикистон бо хати форсӣ рӯнамоӣ гардид
Олимони Ҳиндустон дар Осорхонаи миллии Тоҷикистон бо ёдгориҳои беназир ва бозёфтҳои нодири бостоншиносӣ шинос шуданд
Бахшида ба 35-солагии Истиқлоли давлатӣ таҳти унвони «Меъмори кохи бузурги маънавӣ» китоб нашр шуд
ЭҲЁИ ҶАШНҲОИ МИЛЛӢ ДАР 35 СОЛИ ИСТИҚЛОЛИЯТ. Ва ё мақоми байналмилалиро соҳиб гардидани онҳо
СИНАМОИ ТОҶИК ДАР 35 СОЛИ ИСТИҚЛОЛИ ДАВЛАТӢ. Дар ин давра беш аз 300 филм ба навор гирифта шудааст
Пешвои миллат Эмомалӣ Раҳмон: «24 ёдгории таърихию фарҳангии Тоҷикистон ба Феҳристи мероси моддии ҷаҳонии ЮНЕСКО сабт гардидааст»
Президенти Тоҷикистон: «Мо барои арҷгузорӣ ба арзишҳои асили тамаддуни тоҷикону форсизабонон иқдомоти муассирро амалӣ намудем»
ШЕЪР ВА ИСТИҚЛОЛ. Назми муосири тоҷик дар солҳои соҳибистиқлолии Тоҷикистон дар сафи пеши худшиносии миллӣ ва ҳаракати ваҳдати миллӣ қарор гирифт
Кормандони соҳаи фарҳанг бо мукофотҳои давлатӣ сарфароз гардиданд
Се китоби рӯзномаи «Ҷумҳурият»: «Эмомалӣ Раҳмон ва эҳёи тамаддуни ориёӣ», «Бозгашти қаҳрамон» ва «Бозгашти қаҳрамон 2» муаррифӣ гардид
