ВАҲДАТИ МОДАРОН — САОДАТИ ТОҶИКИСТОН. Таҳти ин унвон дар Рашт бахшида ба Рӯзи Ваҳдати миллӣ конфронс баргузор гардид
ДУШАНБЕ, 22.06.2024 /АМИТ «Ховар»/. Дар ноҳияи Рашт бо ибтикори Кумитаи Иҷроияи Марказии Ҳизби Халқии Демократии Тоҷикистон ба ифтихори 27 — умин солгарди Рӯзи Ваҳдати миллӣ ва 30 — солагии таъсиси Ҳизби Халқии Демократии Тоҷикистон таҳти унвони «Ваҳдати модарон — саодати Тоҷикистон» конфронс баргузор гардид. Дар ин хусус ба АМИТ «Ховар» дар Кумитаи Иҷроияи Марказии Ҳизби Халқии Демократии Тоҷикистон хабар доданд.
Дар ҳамоиш таъкид шуд, ки фазои сулҳу суботи комил ва пешрафти босаодати ҷомеа ба ин сана иртиботи қавӣ дорад. Зеро ваҳдату якдилӣ ва эҳсоси ватандӯстии сокинони мамлакат пойдевори мустаҳками истиқлоли давлат буда, моро водор месозад, ки барои ҳифзи ин арзишҳои муқаддас ҳамаҷониба талош намоем.
Гуфта шуд, ки маърифат ва хиради азалии занон баҳри таҳкими ваҳдату ҳамдигарфаҳмӣ василаи муҳим маҳсуб меёбад.
Иброз гардид, ки дар доираи 30-солагии таъсиси Ҳизби Халқии Демократии Тоҷикистон як қатор чорабиниҳои муҳими ҳизбӣ доир гардида, баҳри таблиғи ғояҳои созандаи он шароити созгор фароҳам оварда шудааст.
Тазаккур дода шуд, ки нақши занон дар пойдории сулҳу субот, ҳифзи арзишҳои милливу фарҳангӣ, дар ниҳоди фарзандон тарбия намудани ҳисси ватандӯстӣ, ифтихори миллӣ, инсондӯстиву масъулиятшиносӣ, инчунин пешгирии омилҳои номатлуби иҷтимоӣ муассир мебошад. Ҳамзамон рушду пешрафт ва муваффақиятҳои ҳар як миллат ва давлат аз муттаҳидӣ, ягонагии он вобастагии зич дорад.
Дар анҷоми конфронс барои саҳмгузорӣ дар татбиқи ҳадафҳои созандаи Ҳизби Халқии Демократии Тоҷикистон, тақвияти эҳсоси худогоҳиву хештаншиносӣ, тарбияи насли ҷавон дар руҳияи ватандӯстӣ занони фаъоли минтақаи Рашт бо Сипоснома сарфароз гардонида шуданд.
АКС: Кумитаи Иҷроияи Марказии Ҳизби Халқии Демократии Тоҷикистон
ПУРСИДЕД, ҶАВОБ МЕДИҲЕМ. Дар кадом ҳолатҳо муҳоҷирон ба рӯйхати шахсони назоратшаванда ворид мешаванд?
Ҳамкории Маркази тадқиқоти стратегии Тоҷикистон бо Раёсати нашр ва паҳнкунии адабиёт бо забонҳои хориҷии Чин густариш меёбад
Таъсиси маркази касбомӯзӣ ва омӯзиши забонҳои арабӣ ва англисӣ барои муҳоҷирони меҳнатӣ баррасӣ шуд
Истифодаи барномаи «Амина» барои шаҳрвандони хориҷие, ки ба Русия бе раводид ворид мешаванд, ҳатмӣ мегардад
ТАВСИЯҲОИ МУФИД. Доир ба тарзи нави захира кардани меваҷоту сабзавот барои фасли зимистон
«ЭЪЛОМИЯИ ҲУҚУҚИ БАШАР». Таҳти чунин унвон ҳамоиши ҷумҳуриявӣ доир гардид
Китоби Пешвои миллат Эмомалӣ Раҳмон таҳти унвони «Ҳизби Халқии Демократии Тоҷикистон ва марҳилаҳои рушди Тоҷикистони соҳибистиқлол» рӯнамоӣ гардид
Дар Хадамоти иҷро оид ба татбиқи хизматрасониҳои электронӣ машварати омӯзишӣ доир гардид
Тақвияти ҳамкории Тоҷикистон ва Британияи Кабир дар соҳаи муҳоҷирати меҳнатии бехатар баррасӣ шуд
Дар фурудгоҳҳои байналмилалии Тоҷикистон оид ба муҳоҷирати меҳнатии қонунӣ ва бехатар корҳои фаҳмондадиҳӣ гузаронида шуданд
Дар Тоҷикистон Даҳаи дастгирии шири модар оғоз гардидааст
«ҲУҚУҚ БА САЛОМАТӢ». Таҳти чунин унвон озмуни байналмилалӣ доир мегардад
