Вазири энергетика ва захираҳои об: «Тоҷикистон ба барномаҳои омӯзишӣ ва такмили ихтисоси мутахассисони соҳаи об сармоягузорӣ менамояд»
ДУШАНБЕ, 12.06.2024 /АМИТ «Ховар»/. Ҷумҳурии Тоҷикистон дар соҳаи ҳамкории байнисоҳавӣ ва фаромарзии об кӯшишҳои зиёд ба харҷ додааст. Дар сиёсат ва идоракунии об мамлакат принсипҳои идоракунии ҳамгироишудаи захираҳои обро пазируфта, ба ҳамкории бахшҳои калидӣ, аз қабили кишоварзӣ, энергетика ва муҳити зист барои таъмини истифодаи устувори об барои ҳама диққати махсус медиҳад. Ин матлабро имрӯз Вазири энергетика ва захираҳои оби Ҷумҳурии Тоҷикистон Далер Ҷумъа зимни муколамаи интерактивии «Об барои ҳамкорӣ: ҳамкории фаромарзӣ ва байналмилалӣ дар соҳаи захираҳои об, ҳамкории байнисоҳавӣ, аз ҷумла ҳамкории илмӣ ва захираҳои об дар заминаи Рӯзнома барои давраи то соли 2030» баён намуд, иттилоъ медиҳад мухбири АМИТ «Ховар».
Далер Ҷумъа иброз намуд, ки «Тоҷикистон ба барномаҳои омӯзишӣ ва такмили ихтисоси мутахассисони соҳаи об сармоягузорӣ намуда, малакаи касбии онҳоро дар соҳаи идоракунии захираҳои об ва ҳамкорӣ баланд мебардорад».
«Ҳукумати Ҷумҳурии Тоҷикистон эътироф мекунад, ки сармоягузорӣ ба таҳқиқот ва ҳалли инноватсионӣ метавонад мушкилоти марбут ба обро самаранок ҳал кунад», — афзуд Далер Ҷумъа.
Дар муколамаи интерактивӣ Вазири обтаъминкунӣ ва санитарияи Ҷумҳурии Сенегал Шайх Тидиан Диа, Роҳбари бахши захираҳои оби Агентии Швейтсария барои ҳамкорӣ бо мақсадҳои рушд Саймон Збинден, намояндагону коршиносони мамлакатҳо ва ташкилоти хориҷӣ иштирок намуданд.
Ёдовар мешавем, ки имрӯз дар «Кохи Сомон» Конфронси сеюми байналмилалӣ оид ба Даҳсолаи байналмилалии амал «Об барои рушди устувор, 2018-2028» идома ёфта, дар ҷаласаи пленарии конфронс муколамаҳои интерактивӣ дар мавзуъҳои «Об барои иқлим, устуворӣ ва муҳити зист: аз сарчашма то баҳр, биогуногунӣ, иқлим, устуворӣ ва коҳиши хатари офатҳои табиӣ», «Даҳсолаи амал оид ба об: суръат бахшидан ба иҷрои ҳадафҳои даҳсола, аз ҷумла тавассути нақшаи амали Дабири кулли Созмони Милали Муттаҳид» ва чорабиниҳои канорӣ баргузор шуданд.
АКС: Вазорати энергетика ва захираҳои оби Ҷумҳурии Тоҷикистон
Дар Душанбе нишасти нуздаҳуми Шурои роҳбарикунандаи СПЕКА баргузор гардид
Байни Агентии содироти Тоҷикистон ва Кумитаи рушди содироти Арабистони Саудӣ оид ба рушди содироти ғайринафтӣ Ёддошти тафоҳум ба имзо расид
Ҷаласаи гурӯҳи коршиносон оид ба ташкили бозори минтақавии неруи барқи мамлакатҳои Созмони ҳамкории иқтисодӣ баргузор шуд
Сулаймон Султонзода дар Нишасти дуюми вазирони мақомоти ҳифзи ҳуқуқи давлатҳои аъзои Созмони ҳамкории исломӣ иштирок намуд
Имсол аз Тоҷикистон беш аз ҳазор тонна хуч ба хориҷи мамлакат содирот гардидааст
Дар Риёз ҷаласаи чоруми Кумитаи муштараки Тоҷикистон ва Арабистони Саудӣ оид ба ҳамкории иқтисодӣ, тиҷоратӣ ва сармоягузорӣ доир гардид
Дар шаҳри Кӯлоб филиали «Саноатсодиротбонк» ифтитоҳ гардид
Таҷрибаи Ҷумҳурии Корея оид ба истифодаи технологияҳои ҳушманд дар соҳаи кишоварзӣ дар ноҳияҳои Тоҷикистон баррасӣ гардид
Вазири энергетикаи Тоҷикистон дар Риёз дар чорабинии канорӣ оид ба диверсификатсияи манбаъҳои энергия иштирок намуд
Конфронси 28-уми байналмилалии сармоягузорӣ дар шаҳри Риёзи Подшоҳии Арабистони Саудӣ ба анҷом расид
Дар шаҳри Риёз ҳамоиши доираҳои тиҷоратию сармоягузории Тоҷикистон ва Арабистони Саудӣ баргузор гардид
Байни Вазорати кишоварзии Тоҷикистон ва Вазорати муҳити зист, об ва кишоварзии Подшоҳии Арабистони Саудӣ Ёддошти тафоҳум ба имзо расид
