Ҳайати парлумонии Арабистони Саудӣ «Қалъаи Ҳисор»-ро тамошо кард
ДУШАНБЕ, 01.07.2024 /АМИТ «Ховар»/. Раиси Кумитаи дӯстии байнипарлумонии Шоҳигарии Арабистони Саудӣ бо Ҷумҳурии Тоҷикистон Муҳаммад ибни Абдулазиз ал-Ҷарбо дар доираи сафараш ба Тоҷикистон бо ҳайати ҳамроҳонаш ба шаҳри Ҳисор ташриф овард, хабар медиҳад АМИТ «Ховар» бо истинод ба Мақомоти иҷроияи ҳокимияти давлатии шаҳри Ҳисор.
Меҳмонон Мамнуъгоҳи таърихию фарҳангии Ҳисор, хусусан гӯшаҳои таърихии он, Арк ва дарвозаи «Қалъаи Ҳисор», Қасри Ҳоким, Аскархона, Амфитеатр, мадрасаҳои Куҳна ва Нав, Масҷиди Сангӣ, осорхонаи Мамнуъгоҳ ва дӯкону растаҳои ҳунармандиро тамошо намуданд.
Дар Масҷиди Сангӣ, ки тибқи махзанҳои таърихӣ, дар асри 8-уми мелодӣ, замони салтанати Кутайба ибн Муслим дар Хуросон бунёд ёфтааст, меҳмонон бо лоиҳаи таъмиру эҳёи масҷид шинос шуданд ва барои обод намудани он ҳавасмандии худро иброз доштанд.
Инчунин ҳайати парлумонии Арабистони Саудӣ ба соҳаи кишоварзии шаҳр мароқ зоҳир карда, аз хоҷагиҳои кишоварзӣ, аз ҷумла парвариши сабзавоти гуногун ва боғҳои мева дар Ҷамоати деҳоти «Мирзо Ризо» рафта, аз таъму шаҳди меваю сабзавоти аз лиҳози экологӣ тоза лаззат бурданд. Инчунин дар боғи зимистонаи «Шаршара» барои меҳмонон барномаи рангини фарҳангӣ пешниҳод гардид.
АКС: Мақомоти иҷроияи ҳокимияти давлатии шаҳри Ҳисор
Дар Душанбе Фестивали байналмилалии «Наврӯз-мероси фарҳангию ҷаҳонгардӣ» баргузор мешавад
Имрӯз дар шаҳри Душанбе ҳаво то 24 дараҷа гарм мешавад
Ҳаракати аввалин қатораи контейнерии озмоишӣ дар хатсайри «Чин – Тоҷикистон» ба самти Душанбе оғоз гардид
Дар ноҳияи Ёвон ба ифтихори Рӯзи Қувваҳои Мусаллаҳи Тоҷикистон ҳамоиш доир шуд
Хизмат дар сафи артиш нишонаи садоқат ба Ватан ва эҳсоси баланди ватандӯстӣ мебошад
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар замини Литсейи касбии техникии саноати кишоварзии ноҳияи Ашт боғи зардолу бунёд карда мешавад
Дар қисми низомии Гвардияи миллӣ дар шаҳри Роғун ҳамоиш доир гардид
Дар Суғд соҳаи моҳипарварӣ рушд намудааст
Имрӯз дар Тоҷикистон туман мефарояд
РИОЯИ ТАРЗИ ҲАЁТИ СОЛИМ. Барои пешгирӣ аз бемории диабети қанд чӣ бояд кард?
ТАРЗИ ҲАЁТИ СОЛИМ. Дар боғҳои фарҳангӣ-фароғатии шаҳри Душанбе ҳар ҳафта машқҳои пагоҳирӯзӣ гузаронида мешаванд
