Ҷаласаи дуюми Гурӯҳи кории ҷумҳуриявӣ оид ба рушди сайёҳӣ, ҳунарҳои мардумӣ ва ташкилу назорати корҳои ободониву сабзазоркунӣ баргузор гардид
ДУШАНБЕ, 23.07.2024 /АМИТ «Ховар»/. 22 июл дар шаҳри Хуҷанди вилояти Суғд таҳти роҳбарии муовини Сарвазири Ҷумҳурии Тоҷикистон Дилрабо Мансурӣ ҷаласаи дуюми гурӯҳи кории ҷумҳуриявӣ бо мақсади самаранок ба роҳ мондани корҳо дар самти рушди сайёҳӣ, ҳунарҳои мардумӣ ва ташкилу назорати корҳои ободонию кабудизоркунӣ дар вилоятҳо ва шаҳру ноҳияҳо баргузор гардид.
Тавре АМИТ «Ховар» бо истинод ба Кумитаи рушди сайёҳии назди Ҳукумати Ҷумҳурии Тоҷикистон хабар медиҳад, дар кори ҷаласа намояндагони вазорату идораҳои дахлдор, роҳбарони гурӯҳҳои кори доимоамлкунандаи ва намояндагони Вилояти Мухтори Кӯҳистони Бадахшон, вилоятҳо ва шаҳру ноҳияҳои ҷумҳурӣ иштирок намуданд.
Дар кори ҷаласа татбиқи иҷрои нақшаи амалӣ Гурӯҳи корӣ иборат аз 33 банд дар самтҳои рушди соҳаи сайёҳӣ, ҳунарҳои мардумӣ, кишоварзӣ, ҳифзи муҳити зист ва фаъолияти маҳаллу растаҳо мавриди муҳокима қарор дода шуд.
Муовини роҳбари Гурӯҳи кории ҷумҳуриявӣ, раиси Кумитаи рушди сайёҳӣ Камолиддин Муминзод оид ба ҳолат ва раванди иҷрои нақшаи амали гурӯҳи корӣ гузориш манзур намуда, оид ба мушкилотҳои ҷойдошта дар самти рушди сайёҳӣ ва фаъолияти гурӯҳҳои корӣ дар маҳал иброз намуд.
Ҳамзамон аз ҷониби Дилрабо Мансурӣ ҷиҳати баррасӣ ва ҳалли мушкилотҳои ҷойдошта, тақвият бахшидани корҳо дар доираи гурӯҳҳои корӣ дар маҳал, рушди инфрасохтор ва бо талаботҳои санитарию эпидемиологӣ мутобиқ намудани онҳо, таъсиси ширкатҳои нави сайёҳӣ, анҷом додани корҳои фаҳмондадиҳӣ дар субъектҳои хизматрасонии сайёҳӣ ва як қатор масъалаҳои мубрам супоришҳои мушаххас дода шуд.
АКС: Кумитаи рушди сайёҳии назди Ҳукумати Ҷумҳурии Тоҷикистон
Ҳайати Тоҷикистон дар ҷаласаи Шурои маъмурии Ташкилоти патентии Авруосиё иштирок намуд
Дар Конгресси ҷаҳонии обуҳавошиносӣ татбиқи ташаббуси ҷаҳонии «Огоҳкуниҳои бармаҳал барои ҳама» баррасӣ гардид
Дар шаҳри Хоруғ 13 корхонаи нави саноатӣ ба фаъолият оғоз намуд
Дар нуҳ моҳ беш аз 1,5 миллион сайёҳ мавзеъҳои ҷолиби Тоҷикистонро тамошо намуданд
Дар Тоҷикистон беш аз 45 ҳазор хоҷагии деҳқониро занон роҳбарӣ менамоянд
Кишоварзони вилояти Хатлон нақшаи ҷамъоварии пахтаро 90 фоиз иҷро намуданд
Намояндаи Тоҷикистон дар ҷаласаи Ассотсиатсияи байналмилалии рушд дар Амрико иштирок намуд
Дар ҷаласаи машваратии мудирони Хазинаи байналмилалии асъор шарҳи вазъи монетарии минтақа пешниҳод гардид
Алӣ Ғиёсуддин Муҳаммад: «Тоҷикистон имкон дорад бо истифода аз захираҳои табиӣ ба яке аз давлатҳои пешрафтаи ҷаҳон табдил гардад»
Бонки миллии Тоҷикистон ҳамкориро бо Бонки миллии Швейтсария тақвият медиҳад
«САЙРИ МЕҲРГОН». Дар доираи ин хатсайр меҳмонони хориҷӣ бо таъриху суннатҳои ин ҷашни бостонӣ шинос шуданд
АСАЛ ДАВОИ ДАРД. Имрӯз дар Душанбе «Фестивали занбӯрпарварон, намоиш ва фурӯши асал» баргузор гардид
