Дар 150 муассисаи таълимии шаҳри Душанбе барномаи электронии «eDonish» фаъол гардид

Июль 10, 2024 18:30

ДУШАНБЕ, 10.07.2024 /АМИТ «Ховар»/. Аз ҷониби Корхонаи воҳиди давлатии «Шаҳри ҳушманд» (Smart City) –и Мақомоти иҷроияи ҳокимияти давлатии шаҳри Душанбе дар 150 муассисаи таълимии шаҳри Душанбе барномаи электронии «eDonish» фаъол гардонида шудааст. Тавассути ин барнома фаъолияти 10 ҳазору 456 нафар омӯзгор, 250 ҳазору 31 нафар хонанда тибқи барномаи мазкур назорат мешавад ва аз он 207 ҳазору 725 нафар волидайн истифода мебаранд. Дар ин хусус ба АМИТ «Ховар» дар Сарраёсати маорифи шаҳри Душанбе хабар доданд.

Бояд гуфт, ки барномаи «eDonish» хизматрасонии электронӣ мебошад, ки тавассути он волидайни хонандагони муассисаҳои таълимӣ аз ахлоқу рафтор ва пешрафти донишомӯзии фарзандони худ бо истифода аз воситаҳои иттилоотиву коммуникатсионии муосир ва гирифтани паёмакҳо ба телефонҳои ҳамроҳ ба таври доимӣ бохабар мешаванд.

Тавассути ин барнома, волидайн метавонанд вазифаҳои хонагии фарзандонашонро аз фанҳои таълимӣ, супоришҳои омӯзгорон ва дигар маълумоти заруриро, ки аз маъмурияти муассисаи таълимӣ мерасанд, бо паёмак ба телефон дастрас намоянд.

Гузашта аз ин, барномаи «eDonish» ба муассисаҳои таълимӣ имкон медиҳад, ки бо волидайни хонандагон робитаи боз ҳам зичтар ва доимӣ барқарор намоянду роҷеъ ба раванди таҳсили ҳар хонанда ва сатҳи пешрафти онҳо дар робита бошанд.

АКС аз манбаъҳои боз

 

Июль 10, 2024 18:30

Хабарҳои дигари ин бахш

Дар Душанбе тавсеаи ҳамкории Тоҷикистон ва Чин дар соҳаи маориф баррасӣ шуд
Хонандагони тоҷик дар Олимпиадаи байналмилаии «STEM» соҳиби 5 ҷойи сеюм гардиданд
Дар шаҳри Истаравшан бинои таълимии ба номи Садриддин Айнӣ навсозӣ мегардад
ОМОДАГӢ БА СОЛИ НАВИ ХОНИШ. Имсол дар Тоҷикистон 138 муассисаи таҳсилоти умумӣ ва бинои иловагӣ ба истифода дода мешавад
Математикони ҷавони тоҷик дар Олимпиадаи байналмилалии «IMO» иштирок мекунанд
Физикони ҷавони тоҷик барои иштирок дар Олимпиади байналмилалии «ISPHO» омодагӣ мегиранд
То ҷашни 35-солагии Истиқлоли давлатӣ дар Хатлон 165 иншооти соҳаи маориф сохта мешавад
Лоиҳаи Стратегияи рушди Донишкадаи ҷумҳуриявии такмили ихтисос ва бозомӯзии кормандони соҳаи маориф муаррифӣ гардид
Хонандагони тоҷик дар Олимпиадаи байналмилалии «ISPHO» соҳиби ду ҷои сеюм шуданд
Соли равон 2 ҳазору 233 нафар машғулиятҳои кӯтоҳмуддати касбомӯзиро хатм намуданд
Намояндагони Тоҷикистон дар Конференсияи байналмилалии «Инфо-Стратегия: «Ҷомеа, давлат, маориф» иштирок намуданд
Маркази миллии тестӣ: «20 июл натиҷаҳои имтиҳонҳои дохилшавӣ эълон мегарданд»