Дар маҳаллаи «Фалакон»-и ноҳияи Шоҳмансури пойтахт доир ба маърифати хонадорӣ барои духтарони ҷавон чорабинӣ баргузор шуд
ДУШАНБЕ, 17.07.2024 /АМИТ «Ховар»/. Имрӯз дар маҳаллаи «Фалакон»-и ноҳияи Шоҳмансури пойтахт барномаи маърифатӣ доир гардид, ки дар он занону духтарони ҳунарманд ва кадбонуҳои соҳибзавқ маҳсули дасти худро ба намоиш гузошта, ба духтарони ҷавон аз маърифати баланди хонадорӣ сухан гуфтанд, хабар медиҳад АМИТ «Ховар».
Дар чорабинӣ муовини Раиси ноҳияи Шоҳмансур Заррина Зуҳурзода иброз дошт, ки «занони тоҷик аз қадим кадбонуҳои соҳибзавқ буданд.Онҳо хеҷ гоҳ вақти худро беҳуда сарф намекарданд. Ба ғайр аз тарбияи фарзанд, занону духтарон ба гулдӯзӣ, гилембофӣ, атласу адрасбофӣ, кулолгарӣ, сабадбофӣ ва дигар ҳунарҳо шуғл варзида, осори дастони гулофарашон хонаю дарашонро оро медод. Онҳо маърифати баланди хонадорӣ дошта, ба духтарони худ ҳатман ҳунар меомӯхтанд».
«Бо ташаббус ва дастгириҳои Пешвои миллат муҳтарам Эмомалӣ Раҳмон ҳунарҳои мардумӣ дар Тоҷикистон рушд намуда, эълон гардидани соли 2018 Соли рушди сайёҳӣ ва ҳунарҳои мардумӣ, солҳои 2019-2021- Солҳои рушди деҳот, сайёҳӣ ва ҳунарҳои мардумӣ ва солҳои 2022-2026 -Солҳои рушди саноат, қабул гардидани «Барномаи рушди ҳунармандӣ дар Ҷумҳурии Тоҷикистон барои солҳои 2021-2025, инчунин аз пардохти андоз аз маҳсулоти дар хона истеҳсолшуда озод кардани ҳунармандон натиҷаи сиёсати хирадмандонаи Сарвари давлат мебошанд, ки маҳз дар натиҷаи татбиқ ва амалӣ намудани қонуну барномаҳои қабулгардида шумораи косибону ҳунармандон дар миқёси мамлакат сол то сол зиёд мешавад»,-афзуд номбурда.
Муовини Раиси ноҳияи Шоҳмансур занони ҳунарманди соҳибтаҷрибаро даъват намуд, ки аз ҳисоби духтарони ҷавон шогирд тарбия намоянд, то онҳо соҳиби кору маош гардида, сатҳи зиндагиашонро баланд бардоранд.
Таъкид гардид, ки мақсад аз баргузор намудани чорабинии имрӯза эҳё ва рушди ҳунарҳои мардумӣ, тарғиби либоси миллӣ, баланд бардоштани маърифати хонадорӣ, тарбияи дурусти фарзандон, нигоҳдошти беҳтарини суннатҳои миллии ниёгон дар самти омода намудани хӯрокҳои миллӣ, хӯришҳои болаззат ва ҳунари дастархонороӣ мебошад. Тавассути ин гуна чорабиниҳо духтарони ҷавон дарси рӯзғордорӣ омӯхта, ба зиндагии мустақилона омода мешаванд.
АКС: АМИТ «Ховар»
Дар моҳи июл Тоҷикистонро чӣ гуна ҳаво интизор аст?
Дар Душанбе нахустин маротиба Рӯзи кормандони соҳаи суғуртаи иҷтимоӣ ва нафақа таҷлил гардид
ҒИЗОИ СОЛИМ. Омили афзоиши бемории диабети қанд истеъмоли ғизои аз ҳад зиёд ва номутаносиб мебошад
1 ИЮЛ — РӮЗИ КОРМАНДОНИ СОҲАИ СУҒУРТАИ ИҶТИМОӢ ВА НАФАҚА. Дар солҳои соҳибистиқлолӣ андозаи нафақаҳо зиёда аз 20 маротиба зиёд карда шуд
Дар Душанбе дар мавзуи «Сиёсисозии ислом ва хатари он ба амнияти сиёсӣ ва суботи ҷомеа» ҳамоиши илмӣ доир мегардад
Маросими видоъ бо раиси марҳуми Вилояти Мухтори Кӯҳистони Бадахшон Алишер Мирзонабот баргузор гардид
ОГОҲӢ! Аз 1 то 3 июл дар баъзе минтақаҳои Тоҷикистон омадани селҳои хусусияти маҳаллидошта пешгӯӣ мешавад
Оид ба амалишавии Стратегияи миллии фаъолгардонии нақши занон дар Тоҷикистон конференсия доир шуд
Як гурӯҳ модарон бо шароити хизмати ҳарбии сарбозони яке аз қисми низомӣ дар ноҳияи Данғара шинос шуданд
Пагоҳ Форуми ҷумҳуриявии «Маърифати ҳуқуқӣ — омили рушди давлати ҳуқуқбунёд» доир мешавад
Дар Кумита оид ба таҳсилоти ибтидоӣ ва миёнаи касбӣ бахшида ба Даҳсолаи байналмилалӣ оид ба таҳкими сулҳ ҳамоиши тантанавӣ баргузор шуд
Дар Агентии суғуртаи иҷтимоӣ ва нафақа оид ба саҳми Пешвои миллат дар пойдории сулҳ ва ваҳдати миллӣ филми ҳуҷҷатӣ намоиш дода шуд
