Дар ноҳияи Мастчоҳ ҳосили тарбузу харбуза ва дигар полезиҳо фаровон шудааст
ДУШАНБЕ, 28.07.2024 /АМИТ «Ховар»/. Хоҷагии деҳқонии «Ҳакимзода-2020»-и ноҳияи Мастчоҳ дорои 10 гектар замин буда, дар 7 гектари он полезиҳо кишт намуданд, ки айни замон ҷамъоварии он идома дорад.
Тавре дар Хадамоти матбуоти Раиси вилояти Суғд иттилоъ доданд, ноҳияи Мастчоҳ аз минтақаҳои рушдкардаи соҳаи кишоварзӣ ба шумор рафта, деҳқонону кишоварзонаш дар самти парвариши полезиҳо соҳибтаҷриба дониста мешаванд. Зеро ин минтақа яке аз таъминкунандагони асосии бозори истеъмолӣ бо тарбузу харбуза ба шумор меравад.
Раиси вилояти Суғд зимни сафари корӣ бо фаъолияти хоҷагии деҳқонии «Лангар» шинос шуд. Иттилоъ дода шуд, ки дар ин хоҷагӣ заминро самаранок истифода намуда, ба кишти такрорӣ вусъат бахшида шудааст. Дар кишти дуюм кишоварзон зироати чормағзи заминӣ, лӯбиё, сабзӣ, ҷуворимакка барои дон ва ғайра ба роҳ монданд.
Дар ноҳия соли равон дар майдони беш аз 1800 гектар кишти такрорӣ гузаронида мешавад. Тибқи иттилои масъулини Раёсати кишоварзии ноҳия, то 24 июл дар 1530 гектар кишти такрорӣ гузаронида шуда, ин раванд идома дорад.
Инчунин бо мақсади беҳтар намудани таъминоти оби полезӣ соли равон бо дастгирии Мақомоти иҷроияи ҳокимияти давлатии вилояти Суғд ду агрегати нав дар пойгоҳи обкашии «Янтоқ-2» васлу насб карда шуд. Ин тадбири муҳим имкон дод, ки заминҳои корам бо оби полезӣ таъмин ва мушкилоти мавҷуда бартараф карда шавад.
Тибқи иттилои масъулин, дар ноҳияи Мастчоҳ 17 пойгоҳи обкашӣ мавҷуд буда, тавассути онҳо зиёда аз 20 ҳазор гектар замин обёрӣ мешавад.
АКС: Хадамоти матбуоти Раиси вилояти Суғд
ИМРӮЗ — РӮЗИ КОРМАНДОНИ ХАДАМОТИ ҲОЛАТҲОИ ФАВҚУЛОДА ВА МУДОФИАИ ГРАЖДАНӢ. Ҳифзи аҳолӣ аз ҳолатҳои фавқулода самти асосии фаъолияти ин ниҳод аст
САЙЁҲИИ ЗИЁРАТӢ. Дар 35 соли Истиқлоли давлатӣ Мамнуъгоҳи Султон Увайси Қаранӣ аз нав эҳё гардида, инфрасохтори сайёҳии он рушд намуд
ПУРСИДЕД, ҶАВОБ МЕДИҲЕМ. Дар кадом ҳолат вуруди шаҳрванди хориҷӣ ба Федератсияи Русия манъ карда мешавад?
Рафти татбиқи Стратегияи рушди ҳифзи иҷтимоии аҳолии Ҷумҳурии Тоҷикистон барои давраи то соли 2040 натиҷагирӣ карда шуд
Дар Душанбе доир ба саҳми шоистаи Абуалӣ ибни Сино дар илми тиб конференсия баргузор гардид
Муовини Сарвазири Тоҷикистон бо ҷараёни сохтмони иншооти соҳаи маорифу тандурустӣ дар шаҳри Ҳисор шинос шуд
Дар вилояти Суғд бахшида ба Рӯзи кормандони соҳаи тиб ҳамоиш доир гардид
Дар Хуҷанд даври шаҳрии Озмуни ҷумҳуриявии «Беҳтарин хизматчии давлатӣ аз ҳисоби занон» доир шуд
ИСТИҚЛОЛ ВА ФАРДОИ ДУРАХШОНИ ВАТАН. Доир ба он ҳамоиши ҷумҳуриявӣ баргузор шуд
12 АВГУСТ — РӮЗИ БАЙНАЛМИЛАЛИИ ҶАВОНОН. Беш аз 1700 нафар ҷавонони Тоҷикистон дар вазифаҳои роҳбарӣ фаъолият доранд
ПУРСИДЕД, ҶАВОБ МЕДИҲЕМ. Дар кадом ҳолатҳо муҳоҷирон ба рӯйхати шахсони назоратшаванда ворид мешаванд?
Ҳамкории Маркази тадқиқоти стратегии Тоҷикистон бо Раёсати нашр ва паҳнкунии адабиёт бо забонҳои хориҷии Чин густариш меёбад
