Дар ташкилоти ибтидоии ҳизбии «Заминсоз» маҷлиси ҳисоботӣ-интихоботӣ баргузор шуд
ДУШАНБЕ, 19.07.2024 /АМИТ «Ховар»/. 18 июл дар Кумитаи давлатии идораи замин ва геодезии Ҷумҳурии Тоҷикистон маҷлиси ҳисоботӣ-интихоботии ташкилоти ибтидоии ҳизбии «Заминсоз»-и ин кумита баргузор шуд. Дар ин хусус ба АМИТ «Ховар» Кумитаи давлатии идораи замин ва геодезӣ хабар доданд.
Раиси ташкилоти ибтидоии ҳизбии «Заминсоз» Ориф Хоҷазода иброз намуд, ки маҳз туфайли сиёсати хирадмандонаи Президенти Ҷумҳурии Тоҷикистон, Раиси муаззами Ҳизби Халқии Демократии Тоҷикистон муҳтарам Эмомалӣ Раҳмон ҳизб тавонист дар тӯли сӣ соли фаъолияти созандаи худ ба неруи пешбарандаи ҷомеа табдил ёбад.
Имрӯз ин ҳизби мардумӣ дар тамоми ҷабҳаҳои ҳаёти иқтисодию иҷтимоии мамлакат ҳамнафасу ҳамрадифи сокинони Тоҷикистон соҳибистиқлол аст. Обруи Ҳизби Халқии Демократии Тоҷикистон сол аз сол бештар гардида, сафи аъзоёнаш низ зиёд мешавад, ки бешубҳа гувоҳи сиёсати оқилонаи Раиси муаззами Ҳизби Халқии Демократии Тоҷикистон муҳтарам Эмомалӣ Раҳмон мебошад.
Гуфта шуд, ки дар давраи ҳисоботӣ нақши аъзоён ва фаъолони ташкилоти ибтидоии ҳизбии «Заминсоз» дар ташвиқоту тарғибот ва корҳои фаҳмондадиҳӣ, аёдату дастгирии ниёзмандону маъюбон, пешгирии падидаҳои номатлуб, ба созандагию бунёдкорӣ сафарбар намудани аҳли ҷомеа ва таҳкими сулҳу ваҳдати миллӣ назаррас буд.
Дар ҷаласаи ташкилот инчунин раиси Кумитаи иҷроияи Ҳизби Халқии Демократии Тоҷикистон дар ноҳияи Исмоили Сомонӣ Убайдулло Қурбонзода ва мудири шуъбаи занони Кумитаи иҷроияи Ҳизби Халқии Демократии Тоҷикистон дар шаҳри Душанбе Фазилатпочои Маҳмадюсуф сухан намуданд.
Дар идома фаъолияти ташкилоти ибтидоии ҳизбии «Заминсоз» қаноатбахш арзёбӣ гардида, раис ва муовини ташкилот аз нав интихоб гардиданд.
Дар фарҷоми ҷаласа изҳори итминон гардид, ки аъзоёни Ҳизби Халқии Демократии Тоҷикистон, ки дар дастгоҳи марказӣ ва муассисаҳои системаи Кумитаи давлатии идораи замин ва геодезӣ фаъолият доранд, барои бо дастовардҳои наззарас истиқбол гирифтани ҷашни 30-солагии таъсисёбии Ҳизби Халқии Демократии Тоҷикистон саъю талош хоҳанд намуд.
АКС: Кумитаи давлатии идораи замин ва геодезии Ҷумҳурии Тоҷикистон
Ҳамкории ҳизбӣ байни Тоҷикистон ва Узбекистон тақвият меёбад
Тоҷикистон бо қабули қонунҳои миллӣ барои давлатҳои Осиёи Марказӣ намуна мебошад
НАҚШИ ИСТИҚЛОЛИ ДАВЛАТӢ ДАР ТАҲКИМИ ҲОКИМИЯТИ СУДӢ. Андешаҳо дар ин маврид
Кормандони соҳаи телевизион ва радио бо мукофотҳои давлатӣ сарфароз гардонида шуданд
Дар Вилояти Мухтори Кӯҳистони Бадахшон кормандони соҳаҳои гуногун бо мукофотҳои давлатӣ қадрдонӣ шуданд
Соли 2026 дар Федератсияи Русия барои бо ҷойи кор таъмин намудани шаҳрвандони Тоҷикистон беш аз 40 вохӯрӣ доир шуд
Доир ба саҳми барандагони Ҷоизаи Исмоили Сомонӣ дар рушди Тоҷикистони муосир конференсия баргузор шуд
Пешвои миллат: «Вилояти Хатлон дар таърихи давлатдории тоҷикон ҷойгоҳи махсус дорад»
ИСТИҚЛОЛИЯТИ ДАВЛАТИИ ТОҶИКИСТОН ТО АБАД УСТУВОРУ ПОЯНДА БОШАД! Тавсифҳои истиқлолият аз суханҳои пурарзиши Президенти Тоҷикистон
«РУШДИ ҲУҚУҚИ ИНСОН ДАР 35 СОЛИ СОҲИБИСТИҚЛОЛИИ ТОҶИКИСТОН». Таҳти ин унвон конференсияи байналмилалӣ доир шуд
Дар солҳои соҳибистиқлолии Тоҷикистон андозаи нафақаҳо беш аз 20 маротиба индексатсия карда шуд
35 СОЛИ ИСТИҚЛОЛ: АЗ ОЗМОИШҲОИ ТАЪРИХ ТО БУНЁДИ ПОЯҲОИ ОЯНДАИ ДУРАХШОН. Андешаҳо дар ин маврид
