Директори Агентии хизмати давлатӣ: «Аксарияти сомонаҳои мақомоти давлатии шаҳру ноҳияҳо аз ҷиҳати мазмуну муҳтаво ба талабот ҷавобгӯ нестанд»
ДУШАНБЕ, 23.07.2024. /АМИТ «Ховар»/. Агентии хизмати давлатии назди Президенти Ҷумҳурии Тоҷикистон дар шашмоҳаи соли равон нисбат ба 72 сомонаи мақомоти маҳаллии ҳокимияти давлатӣ ва 57 сомонаи мақомоти марказии давлатӣ санҷишҳо гузаронид, ки дар натиҷаи он муайян карда шуд, ки аксарияти сомонаҳо аз ҷиҳати мазмуну муҳтаво ба талабот ҷавобгӯ нестанд. Дар ин хусус имрӯз Директори агентӣ Ҷумъа Давлатов зимни нишасти матбуотӣ дар посух ба суоли хабарнигори АМИТ «Ховар» дар робита ба фаъолияти сомонаҳо иттилоъ дод.
Ба гуфтаи директори Агентӣ, баъзе сомонаҳо фаъол нестанд. Барои мисол агар мақомоти маҳаллиро гирем, сомонаи мақомоти иҷроияи ҳокимияти давлатии ноҳияи Ванҷ, Шуғнон, Ваҳдат, Шаҳринав, Тоҷикобод ва Лахш фаъол нестанд.
«Ҳамчунин бояд гуфт, ки 72 сомонае, ки мо санҷиш гузаронидем, аниқ кардем, ки дар ягон сомонаи мақомоти давлатӣ эълони озмунҳо нашр карда намешавад. Барои бартараф кардани камбудиҳо мо дархостҳои Агентиро барои таъмини фаъолияти онҳо ба ин мақомот ирсол намудем».
Бояд гуфт, ки бо қарори Ҳукумати Ҷумҳурии Тоҷикистон аз 10 июли соли 2017 «Қоидаҳои ягона барои сомонаҳои расмии вазорату идораҳо, мақомоти иҷроияи ҳокимияти давлатӣ ва мақомоти худидоракунии шаҳрак ва деҳот дар шабакаи интернет» қабул ва мавриди иҷро қарор дода шудаанд.
Ҳадаф аз таҳия ва бо қарори Ҳукумати мамлакат қабул шудани Қоидаҳои ягона татбиқи «Консепсияи ташаккули ҳукумати электронӣ дар Ҷумҳурии Тоҷикистон» ва иҷрои Қонуни Ҷумҳурии Тоҷикистон «Дар бораи ҳуқуқи дастрасӣ ба иттилоот» мебошад.
Гуфта шуд, ки ҳоло мониторинги сомонаҳои мақомоти давлатӣ пурра ҷамъбаст нагардида, аз ҷониби Агентии хизмати давлатии назди Президенти Ҷумҳурии Тоҷикистон идома дорад.
Шаҳлои САДРИДДИН,
АМИТ «Ховар»
АКС: АМИТ «Ховар»
«ТОҶИКОНА МЕПӮШЕМ!». Дар Донишгоҳи давлатии Бохтар иқдоми ҷумҳуриявӣ доир шуд
ПУРСИДЕД, ҶАВОБ МЕДИҲЕМ. Кадом қонуншиканиҳо метавонанд боиси ихроҷи муҳоҷирони тоҷик аз Русия гарданд?
ДАР ПАЙРАВӢ БА ИҚДОМҲОИ ПЕШВОИ МИЛЛАТ. Дар ноҳияи Рашт ба 80 оилаи ниёзманд ангишт кумак карда шуд
Дар ноҳияи Файзобод китобхона, кӯдакистон ва синфхонаҳои иловагӣ ба истифода дода шуданд
Нақшаи буҷети суғуртаи иҷтимоӣ ва нафақа дар вилояти Суғд беш аз 100 фоиз иҷро гардид
ИМРӮЗ–РӮЗИ ИТТИФОҚҲОИ КАСАБА. Беш аз 15 ҳазор аъзои иттифоқи касаба ба солимгардонӣ фаро гирифта шуданд
Бахшида ба Рӯзи байналмилалии бабри барфӣ дар Хоруғ конфронси илмӣ-амалӣ доир шуд
ПУРСИДЕД, ҶАВОБ МЕДИҲЕМ. Доғи судӣ чӣ гуна метавонад монеаи гирифтани патент дар Федератсияи Русия гардад?
Оид ба идоракунии инноватсионии давлатӣ дар шароити трансформатсияи иқтисоди рақамӣ дар Тоҷикистон ҳамоиш доир шуд
Дар Самарқанд Саммити ҷаҳонӣ доир ба некӯаҳволии кӯдакон баргузор гардид
Байни Тоҷикистон ва Узбекистон Ёддошти тафоҳуми ҳамкорӣ ба имзо расид
Дар вилояти Суғд зиёда аз 1200 муассисаи тиббии давлатӣ ва хусусӣ фаъолият дорад
