Лоиҳаи Стратегияи рушди Донишкадаи ҷумҳуриявии такмили ихтисос ва бозомӯзии кормандони соҳаи маориф муаррифӣ гардид
ДУШАНБЕ, 12.07.2024 /АМИТ «Ховар»/. «Яке аз ҳадафҳои Стратегияи рушди Донишкадаи ҷумҳуриявии такмили ихтисос ва бозомӯзии кормандони соҳаи маориф ин таҷдиди назар ва таҳияи барномаҳои таълимии нави такмили ихтисос мебошад. Агар дар низоми пештара, омӯзгорон аз рӯйи 64 барнома аз курс гузаранд, имрӯз Стратегияи мазкур онро ба 9 гурӯҳ (собиқаи то 3 сола, собиқаи аз 3 то 10 сола, собиқаи аз 10 сола зиёд, ихтисосманд, ғайриихтисос, ғайри равияи омӯзгорӣ, маълумоти олӣ, олии нопурра ва миёнаи махсус) тақсим намудааст, ки дар ин маврид коркарди зиёда аз 711 барномаи таълимӣ пеш омадааст». Ин матлабро 11 июл ректори Донишкадаи ҷумҳуриявии такмили ихтисос ва бозомӯзии кормандони соҳаи маориф Наврӯз Мирзозода зимни муаррифии Лоиҳаи Стратегияи рушди донишкада баён дошт.
Тавре ба АМИТ «Ховар» дар донишкадаи мазкур иттилоъ доданд, солҳои пеш, омӯзгори се сол собиқаи корӣ дошта бо омӯзгори 45 сол собиқаи корӣ дошта аз рӯйи як барномаи таълимӣ аз курс гузаранд, имрӯз он тақозо мекунад, ки аз рӯйи собиқаи корӣ, ихтисос, категория ва дигар нишондиҳандаҳо бояд такмили ихтисос намоянд.
Стратегияи рушди донишкада бо дарназардошти бартараф намудани мушкилоти низоми такмили ихтисос ва рушди минбаъдаи он барои давраи то соли 2030 таҳия гардида, он ду марҳилаи алоҳидаро барои солҳои 2025-2027 ва 2028-2030 дар бар мегирад. Стратегия аз 6 қисмати алоҳида ва 84 банд иборат буда, ҳар як қисмат ҳадафҳо ва натиҷаҳои мушаххасро фаро гирифтааст.
Таъкид гардид, ки таҷриба нишон медиҳад, ки дар баъзе муассисаҳои таълимӣ қариб то 60 фоиз омӯзгорони ҷавон муассисаҳои олиро ғоибона хатм намудаанд, ки барои онҳо машғулиятҳои такмили ихтисос бо дарназардошти барномаҳои нави таълимӣ ҳатман зарур аст, аз ин рӯ таҳия намудани барномаҳои таълимии стратегияи мазкур сари вақт бояд амалӣ гардад.
АКС: Донишкадаи ҷумҳуриявии такмили ихтисос ва бозомӯзии кормандони соҳаи маориф
Имрӯз дар Тоҷикистон беш аз 240 ҳазор кӯдакон ба синфи якум рафтанд
Аз 1 сентябр донишҷӯёни тоҷик дар Русия метавонанд ҷойи зисти худро тавассути барномаи мобилии «Амина» ба қайд гиранд
Президенти Тоҷикистон: «Падару модарон ба тарбияи фарзандон бояд бо масъулияти баланд муносибат намоянд»
Пешвои миллат дастур доданд, ки сифат ва муҳтавои китобҳои насли нав беҳтар карда шавад
Президенти Тоҷикистон: «Зарур аст дар байни ҷавонону наврасон фарҳанги истифодаи шабакаи интернет баланд бардошта шавад»
Кормандони Мақомоти иҷроияи ҳокимияти давлатии ноҳияи Ёвон суханронии Президенти Тоҷикистонро дастҷамъона тамошо намуданд
Пешвои миллат: «Ба мо, пеш аз ҳама, мутахассис зарур аст, на ҷавоне, ки танҳо соҳиби диплом аст»
МАКТАБУ МАОРИФ — ВАСИЛАИ ҲИФЗУ ТАҲКИМИ СУЛҲУ ОРОМӢ ВА СУБОТИ СИЁСӢ. Иқтибосҳо аз суханрониҳои Пешвои миллат бахшида ба Рӯзи дониш
Эмомалӣ Раҳмон: «29 ҳазор хатмкардагони муассисаҳои таҳсилоти миёнаи умумӣ бо квотаи президентӣ ба таҳсил фаро гирифта шуданд»
Суханронии Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон ба муносибати Рӯзи дониш ва Дарси сулҳ дар муассисаи таҳсилоти миёнаи умумии №105-и шаҳри Душанбе
Пешвои миллат Эмомалӣ Раҳмон дар шаҳри Душанбе муассисаи таҳсилоти миёнаи умумии рақами 105-ро ифтитоҳ намуданд
ИСТИҚЛОЛИЯТ ВА РУШДИ МАОРИФ. Давоми 35 соли соҳибистиқлолӣ модели муосири мактаби миллӣ ташаккул ёфт
