МегаФон Тоҷикистон ба аккумуляторҳои шакли нав мегузарад
ДУШАНБЕ, 11.07.2024 /АМИТ «Ховар»/. Аввалин оператори имкониятҳои нави рақамӣ ба ивазкунии васеъмиқёси батареяҳои аккумуляторӣ, ки барои таъмини мустақили барқи пойгоҳҳои базавии алоқаи мобилӣ истифода мешаванд, оғоз намуд. Ба ҷойи аккумуляторҳои ишқордори шакли куҳна литий-ионӣ, аккумуляторҳои нисбатан боэътимод дар истифодабарӣ мавриди корбарӣ қарор мегиранд. Ин имкон медиҳад, ки дар сурати қатъ гардидани шабакаҳои барқии берунӣ пойгоҳҳои базавӣ тӯлонитар кор кунанд.
Яке аз афзалиятҳои батареяҳои аккумуляторҳои литий-ионӣ – муҳлати нисбатан тӯлонитари фаъолият, андозаи хурдтар ба ҳисоб меравад. Дар майдони як пойгоҳи базавӣ метавон аккумуляторҳои бисёртарро насб кард, ки ин давомнокии фаъолияти мустақили таҷҳизоти алоқаро зиёд мекунад. Илова бар ин, батареяҳои аккумуляторҳои нав дорои диапазони калонтари ҳарорати корӣ мебошанд ва ин маънои онро дорад, ки онҳо ҳангоми тағйироти назарраси мавсимӣ, ки хоси иқлими Тоҷикистон аст, камтар вайрон мешаванд.
«Аллакай ҳамин сол мо нақша дорем, ки дар зиёда аз 170 майдони пойгоҳҳои базавӣ дар манотиқи гуногуни ҷумҳурӣ аккумуляторҳоро иваз кунем. Мо интизорем, ки батареяҳои аккумуляторҳои нав эътимоднокии шабакаро ба таври назаррас афзоиш дода, имкон медиҳанд, ки муштариён ҳатто ҳангоми қатъкуниҳои тӯлонии неруи барқ бо алоқа таъмин карда шаванд», — мегӯяд директори техникии ширкати «МегаФон Тоҷикистон» Рафил Аглямов,.
Дар навбати аввал, батареяҳои аккумуляторӣ дар маконҳо бо сарбории зиёди шабака иваз карда мешаванд. Дар соли 2024 қисми зиёди батареяҳои аккумулятории литий-ионӣ дар Душанбе насб карда мешаванд – қариб 230 батареяҳои аккумуляторӣ дар зиёда аз 110 майдони пойгоҳҳои базавӣ. Дар ноҳияҳои тобеи ҷумҳурӣ системаҳои таъмини мустақили барқ дар 30 пойгоҳи базавӣ навсозӣ карда шуда, наздики 30 пойгоҳи базавии дигар дар Суғду Хатлон соҳиби аккумуляторҳои шакли нав мегарданд. Дар оянда тамоми пойгоҳҳои базавии оператор ба батареяҳои аккумуляторҳои эътимодноктару устувортар ба тағйирёбии ҳарорат гузаронида хоҳанд шуд.
АКС: ширкати «МегаФон Тоҷикистон»
Гурӯҳи корӣ бо истифодаи самараноки заминҳои наздиҳавлигӣ дар Деҳободи ноҳияи Шаҳринав шинос шуд
Ҳизби Халқии Демократии Тоҷикистон дар 7 ҳазору 336 сохтори давлатӣ ва коргоҳу корхонаҳо ташкилоти ибтидоӣ дорад
Аз ҷониби Бонки миллии Тоҷикистон лоиҳаи «Низоми ягонаи суғуртаи электронӣ» таҳия карда мешавад
Имрӯз дар Тоҷикистон баландшавии ҳарорати ҳаво дар назар аст
Замони баргузории Ниммарафони байналмилалии экологии кӯҳии шаҳри Панҷакент муайян шуд
Байни мутахассисони самти бехатарии радиатсионӣ ва муҳити экологии Тоҷикистон, Узбекистон ва Қирғизистон ҳамкорӣ таҳким меёбад
Талафоти неруи барқ дар шаҳри Душанбе ба 16,9 фоиз расидааст. Бардошт аз ҷаласаи гурӯҳи корӣ таҳти раëсати муовини Сарвазири Тоҷикистон
Имрӯз дар Тоҷикистон ҳавои тағйирёбанда пешгӯӣ мешавад
РОҲИ ПЕШГИРИФТАИ ТОҶИКИСТОН ДУРУСТ АСТ! Мошинҳои барқӣ аз лиҳози экологӣ тозатарин навъи нақлиёт дар ҷаҳон эътироф шудаанд
Ҳаҷми умумии истеҳсоли маҳсулот дар ноҳияи Кӯшониён ба зиёда аз 1 миллиард сомонӣ расид
Дар Панҷакент ниммарафони экологии кӯҳии «Seven Lakes» доир мегардад
Имрӯз дар Тоҷикистон хавфи сар задани селҳои маҳаллӣ дар назар аст
