МОҲИ АВГУСТ ДАР ТОҶИКИСТОН БАЛАНДШАВИИ ГАРМИИ ҲАВО БОҚӢ МЕМОНАД? Шарҳи Агентии обуҳавошиносӣ дар ин мавзуъ
ДУШАНБЕ, 29.07.2024 /АМИТ «Ховар»/. Моҳи август ҳаво дар мамлакат аз меъёри иқлимӣ аз 1+2 дараҷа баланд пешгӯӣ шуда, дар водиҳо то 31 дараҷа ва дар ноҳияҳои доманакӯҳӣ то 23 дараҷа гармиро ташкил медиҳад. Дар охири моҳ пастшавии ҳарорати ҳаво дар назар дошта шудааст. Дар ин хусус ба АМИТ «Ховар» дар Агентии обуҳавошиносии мамлакат хабар доданд.
Ба иттилои Агентии обуҳавошиносии мамлакат, ҳавои моҳи августи имсола ба моҳи августи соли 2023 монанд мебошад. Давоми моҳ дар минтақаҳои алоҳида, дар баъзе ҳолатҳо шиддатёбии вазиши шамол бо суръати то 12-17 метр дар як сония дар назар дошта шудааст.
Моҳи август дар шаҳри Душанбе ва ноҳияҳои тобеи ҷумҳурӣ ҳарорати миёнаи моҳонаи ҳаво аз меъёри иқлимӣ то 1 дараҷа баланд пешгӯӣ мешавад. Ҳаво шабона то 26 ва рӯзона то 42 дараҷа гарм хоҳад шуд.
Дар вилояти Хатлон моҳи август ҳавои тағйирёбанда дар назад буда, дар водиҳо шабона аз 19 то 31 дараҷа гарм ва рӯзона аз 32 то 42 дараҷа гармӣ пешгӯӣ мешавад. Дар охири моҳ пастшавии ҳарорат дар назар буда, ҳаво 25+30 дараҷа гарм мешавад. Дар ноҳияҳои доманакӯҳӣ рӯзона то 35 ва дар охири моҳ пастшавии ҳарорат пешгӯӣ шуда, гармии ҳаво 20+25 дараҷаро ташкил медиҳад. Боронҳои кӯтоҳмуддат дар назар дошта шудааст ва дар охири моҳ эҳтимоли ба амал омадани раъду барқ вуҷуд дорад.
Дар ин давра дар вилояти Суғд ҳарорати миёнаи моҳонаи ҳаво аз меъёри иқлимӣ 1 дараҷа баланд пешгӯӣ мешавад. Дар водиҳо ҳаво 26+27 дараҷа ва дар ноҳияҳои кӯҳӣ 17+19 дараҷа гарм мешавад. Дар давоми моҳ тағйирёбии ҳарорати ҳаво пешгӯӣ шуда, дар охири моҳ пастшавии он дар назар аст.
Дар ғарби Вилояти Мухтори Кӯҳистони Бадахшон ҳарорати миёнаи моҳонаи ҳаво аз меъёри иқлимӣ 1 дараҷа баланд пешгӯӣ шуда, ҳаво то 22+24 дараҷа гармиро ташкил медиҳад. Дар давоми моҳ тағйирёбии ҳарорати ҳаво пешгӯӣ шуда, рӯзона то 32 ва дар охири моҳ пастшавии ҳарорат то 26 дараҷа, шабона аз 14+19 то 6+11 дараҷа дар назар аст.
Моҳи август дар шарқи Вилояти Мухтори Кӯҳистони Бадахшон ҳаво то 10+13 дараҷа гармиро ташкил медиҳад. Давоми моҳ тағйирёбии ҳарорати ҳаво дар назар дошта шуда, шабона аз 7 то 11 ва рӯзона аз 12 то 23 дараҷа гармӣ пешгӯӣ мешавад.
АКС: Dushanbe Travel
Форуми байналмилалии «Занон ва об-2026» ба пешбурди масъалаҳои гендерӣ дар соҳаи об мусоидат намуд
Дар Душанбе Форуми байналмилалии «Занон ва об» оғоз гардид
Дар Донишгоҳи миллии Тоҷикистон дар мавзуи ташаккули низоми нави радио, телевизион ва интернет конфронси илмӣ -амалӣ баргузор шуд
РАВАНДИ ОБИ ДУШАНБЕ. Тақрибан 150 волонтёр барои баргузории Конфронси чоруми байналмилалии сатҳи баланд ҷалб шудаанд
Президенти Тоҷикистон Эмомалӣ Раҳмон ҷавононро ба ҳифзи истиқлолу арзишҳои миллӣ даъват намуданд
«ҶАВОНОН — МУАРРИФИ ФАРҲАНГИ МИЛЛӢ». Дар Бохтар бахшида ба Рӯзи ҷавонон ҳамоиши идона баргузор гардид
Дар Норак ҷавонони фаъол қадрдонӣ шуданд
Дар шаҳри Турсунзода Рӯзи ҷавонон таҷлил гардид
Сарвари давлат Эмомалӣ Раҳмон: «Танҳо давлатҳои дорои ҷавонони босаводу ватандӯст пойдор мемонанд»
ТОҶИКИСТОН КИШВАРИ ҶАВОНОН АСТ. Иқтибосҳо аз суханрониҳои Сарвари давлат бахшида ба Рӯзи ҷавонон
РӮЗИ ҶАВОНОНИ ТОҶИКИСТОН. Имрӯз дар Майдони Истиқлоли шаҳри Душанбе Шоу – барномаи консертии идона баргузор мегардад
