НИШАСТИ МАТБУОТӢ. Театри Лоҳутӣ ва Чойхонаи «Роҳат» кӯчонида мешаванд?
ДУШАНБЕ, 29.07.2024 /АМИТ «Ховар»/. Бо тақозои замон агар зарурат пайдо шавад, биноҳои Театри давлатии академии драмавии ба номи Абулқосим Лоҳутӣ ва чойхонаи овозадори «Роҳат» тахриб карда мешаванд. Дар ин хусус имрӯз зимни нишасти матбуотӣ Раиси Кумитаи меъморӣ ва сохтмони назди Ҳукумати Ҷумҳурии Тоҷикистон Низом Мирзозода иттилоъ дод.
Ба гуфтаи раиси кумита, беҳтар аст, ки мо имрӯз биноҳои хуби замонавӣ тарҳрезӣ намоем, то ба талаботи муосир ҷавобгӯ бошанд. «Беҳтар он нест, ки мо бинои ҷавобгӯ ба талаботи замони муосир бо номи Чойхонаи «Роҳат» бунёд созем? Муҳим он аст, ки бренди Чойхонаи «Роҳат» гум нашавад, моҳият ва аҳамияти бино бо аз нав сохтани он гум намешавад»,-афзуд Низом Мирзозода.
Вобаста ба ин ёдовар мешавем, ки 26 июли имсол муовини аввали Раиси шаҳри Душанбе Ҷамшед Табарзода зимни нишасти матбуотии Мақомоти иҷроияи ҳокимияти давлатии шаҳри Душанбе вобаста ба меҳмонхонаи «Вахш» иттилоъ дод, ки меҳмонхона тахриб шуда, ба ҷои он меҳмонхонаи замонавӣ ва ба талаботи муосир ҷавобгӯ бунёд мегардад.
Дар нишасти Кумитаи меъморӣ ва сохтмони назди Ҳукумати Ҷумҳурии Тоҷикистон иттилоъ дода шуд, ки дар шашмоҳаи аввали имсол дар мамлакат хонаҳои истиқоматӣ ба масоҳати умумии 629,5 ҳазор метри мураббаъ ба истифода дода шуданд, ки нисбат ба ҳамин давраи соли 2023 81,5 фоиз зиёд аст.
Низом Мирзозода баён дошт, ки яке аз самтҳои асосии фаъолияти Кумита- ин таъмини шаҳру ноҳияҳои ҷумҳурӣ бо нақшаҳои генералӣ ва нақшаи муфассали банақшагирии маҳал мебошад. Дар айни замон 65 маркази шаҳру ноҳияҳои ҷумҳурӣ пурра бо нақшаҳои генералӣ таъмин мебошанд. Дар ин раванд тасҳеҳи нақшаҳои генералии шаҳрҳои Норак, Левакант ва ноҳияи Вахш, ки муҳлати амалашон гузаштааст, аз ҷониби Ҷамъияти саҳомии кушодаи «Шаҳрофар» пурра ба анҷом расида, пас аз баррасӣ дар Шурои шаҳрсозӣ ва ворид намудани тағйиру иловаҳо ҳоло дар мувофиқа бо мақомоти дахлдор қарор доранд.
Шаҳлои САДРИДДИН,
АМИТ «Ховар»
АКС: АМИТ «Ховар»
Ваколатдор оид ба ҳуқуқи инсон дар вохӯрии машваратии ниҳодҳои миллии ҳуқуқи инсони давлатҳои аъзои СҲШ иштирок намуд
Дар Душанбе даври сеюми Форуми марказҳои таҳлилии «Осиёи Марказӣ ва Ҷумҳурии Корея» баргузор гардид
Дар соҳили Сирдарёи шаҳри Хуҷанд шиногоҳи нав ба истифода дода шуд
«ВАҲДАТИ МИЛЛӢ — АСОСИ ШУКУФОИИ ВАТАН». Таҳти ин унвон конференсияи ҷумҳуриявӣ баргузор шуд
Ҷавонони Тоҷикистон дар Форуми 6-уми «Сарварони ҷавони эҷодкори Осиёи Марказӣ ва Русия» иштирок менамоянд
РӮЗИ ХИЗМАТЧИИ ДАВЛАТӢ. Дар Тоҷикистон ташкили ин ниҳод яке аз дастовардҳои давраи соҳибистиқлолӣ мебошад
Байни Тоҷикистон ва Қирғизистон Ёддошти тафоҳум оид ба ҳамкорӣ дар соҳаи ҳуқуқи инсон ба имзо расид
Форуми ҷумҳуриявии «Маърифати ҳуқуқӣ — омили рушди давлати ҳуқуқбунёд» доир мегардад
Душанбе мизбони Форуми марказҳои таҳлилии «Осиёи Марказӣ ва Ҷумҳурии Корея» мегардад
Дар Тоҷикистон дар даҳ сол як маротиба барӯйхатгирии аҳолӣ ва фонди манзил гузаронида мешавад
Дар Ховалинг соҳибкорон аз хонаводаҳои Каримовҳо ва Одинаевҳо барои ятимону маъюбон осоишгоҳ сохтанд
Барои гирифтор нашудани кӯдакон ба бемории дарунравӣ чӣ бояд кард?
