НИШАСТИ МАТБУОТӢ. То соли 2032 тамоми аҳолии Тоҷикистон бо оби нӯшокии мутамарказонидашуда таъмин мегардад
ДУШАНБЕ, 22.07.2024 /АМИТ «Ховар»/. Дар натиҷаи татбиқ шудани барномаи «Таъмини аҳолии Ҷумҳурии Тоҷикистон бо оби ошомиданӣ барои давраи то соли 2032» аҳолии тамоми шаҳру ноҳияҳо ва деҳаҳо, ҷамоатҳо, кӯчаҳои мамлакат бо оби нӯшокӣ таъмин хоҳанд шуд. Дар ин хусус имрӯз зимни нишасти матбуотӣ муовини Корхонаи воҳиди давлатии «Хоҷагии манзилию коммуналӣ» Раҷабалӣ Расулзода иттилоъ дод.
Таъкид гардид, ки барномаи мазкур бо маблағгузории Бонки ҷаҳонӣ пешниҳод гардида, аз ҷониби ширкати австрялягии «Гидрофил» дар ҳамбастагӣ бо мутахассисони дахлдори соҳа таҳия гаштааст.
Айни ҳол барнома барои бо санадҳои меъёрии ҳуқуқии Ҷумҳурии Тоҷикистон мутобиқ намудан, дар доираи гурӯҳи корӣ дар ҳолати баррасӣ қарор дошта, то охири соли равон мебояд тасдиқ ва мавриди амал қарор дода шавад. Барнома ҷиҳати таъмини аҳолӣ бо оби нӯшокӣ ва рафъи обҳои партов дар деҳоти ҷумҳурӣ маблағгузорӣ мешавад.
Гуфта шуд, ки агар барнома то охири сол қабул гардад, пас он барои солҳои 2024-2032 амалӣ карда мешавад. Дар доираи ин барнома тамоми шаҳру ноҳияҳо ва деҳаҳо, ҷамоатҳо, кӯчаҳо ба инобат гирифта шудааст, ки онҳо бо оби нӯшокӣ таъмин ва нуқтаҳои обҳои партов (канализатсия) таҷдиду барқарорсозӣ хоҳанд шуд.
Иттилоъ дода шуд, ки дар нимсолаи аввали соли равон аз шумораи 10 миллион аҳолии ҷумҳурӣ ҳамагӣ 66 фоиз, ё ин ки 6 миллион 741 ҳазор нафар бо оби нӯшокии мутамарказонидашуда таъмин мебошанд.
Шаҳлои САДРИДДИН,
АМИТ «Ховар»
АКС: АМИТ «Ховар»
НИШАСТИ МАТБУОТӢ. Дар шаш моҳи соли равон шумораи хизматчиёни давлатӣ аз ҳисоби занон афзоиш ёфтааст
НИШАСТИ МАТБУОТӢ. Бахшида ба ҷашни 35-солагии Истиқлоли давлатӣ беш аз 31 ҳазор иншоот ба истифода дода шуд
Беш аз 2970 нафар дар асоси иҷрои Қонуни Тоҷикистон «Дар бораи авф» ба озодӣ баромаданд
Ваколатдор оид ба ҳуқуқи инсон бо Раиси Кумитаи миллӣ оид ба ҳуқуқи инсони Давлати Қатар вохӯрӣ намуд
Шабакаи алоҳидаи телевизионии таълими забонҳои хориҷӣ таъсис меёбад
Дар Ваколатдор оид ба ҳуқуқи инсон бахшида ба ташаббуси навбатии ҷаҳонии Тоҷикистон ҳамоиш баргузор гардид
Дар Тоҷикистон 15 телевизион ва 10 радиои давлатӣ, 16 телевизион ва 25 радиои хусусӣ фаъолият доранд
Бо риояи қоидаҳои одӣ худро аз таъсири гармӣ муҳофизат намоед
Дар ноҳияи Зафаробод агрегати нави пойгоҳи обкашии «Мирзочӯл-2» ба истифода дода шуд
Дар басти якуми истироҳатгоҳи «Ширкент» зиёда аз 320 нафар кӯдакону наврасон ба истироҳати бофароғат ҷалб гардиданд
Доир ба хатари сиёсисозии дини ислом ба амнияту суботи давлат ва ҷомеа конференсияи илмӣ-амалӣ баргузор гардид
Вазирони тандурустии давлатҳои аъзои ТУТ масъалаи муқовимат ба ҳолатҳои фавқулодаро баррасӣ намуданд
