Тоҷикистон аз ташаббуси таъсиси махзани тарҳҳои тиҷоратии давлатҳои аъзои СҲШ ҷонибдорӣ менамояд
ДУШАНБЕ, 10.07.2024 /АМИТ «Ховар»/. «Тоҷикистон аз ташаббуси таъсиси махзани иттилоотии тарҳҳои тиҷоратии давлатҳои узви Созмони ҳамкории Шанхай ҷонибдорӣ менамояд». Дар ин хусус Вазири саноат ва технологияҳои нави Ҷумҳурии Тоҷикистон Шералӣ Кабир дар Намоишгоҳи байналмилалии саноатии «Иннопром-2024», ки дар Екатеринбург ҷараён дорад, изҳор дошт, хабар медиҳад АМИТ «Ховар» бо истинод ба ТАСС.
«Мо ҷонибдори онем, ки масъалаи таъсиси махзанҳои иттилоотии лоиҳаҳои саноатӣ ҳарчи зудтар дида баромада шавад. Дар навбати аввал ба мо зарур аст, ки ҳамкории кооператсиониро дар доираи Созмони ҳамкории Шанхай таҳким бахшида, роҳҳои нави ҳалли некбинонаро пайдо кунем»,- иброз дошт Шералӣ Кабир дар ҷаласаи «Уфуқ- 2035: Созмони ҳамкории Шанхай – меҳвари иқтисоди ҷаҳонӣ».
Вазир афзуд, ки таъсиси чунин пойгоҳро ҳанӯз пеш аз баррасии таҳияи воситаҳои муштараки молиявӣ ва механизмҳои суғурта дар Созмони ҳамкории Шанхай оғоз кардан лозим аст.
Дар Созмони ҳамкории Шанхай 10 давлат аъзои комилҳуқуқ ва беш аз 10 мамлакат шарикони муколама мебошанд.
8-11 июл дар Екатеринбург Намоишгоҳи байналмилалии саноатии «Иннопром-2024» баргузор гардид, ки он яке аз бузургтарин намоишгоҳҳои саноатӣ дар Русия ва Иттиҳоди иқтисодии АвруОсиё буда, аз соли 2010 ҳамасола дар Екатеринбург баргузор мешавад. Бо истиснои соли 2020, ки баргузории намоишгоҳ бо сабаби пандемияи COVID-19 лағв карда шуд. Ҳукумати вилояти Свердловск ва Вазорати саноат ва савдои Федератсияи Русия аз созмондиҳандагони намоишгоҳ мебошанд.
АКС: Вазорати саноат ва технологияҳои нави Ҷумҳурии Тоҷикистон
БЕМАСЪУЛИЯТӢ ДАР ИСТИФОДАИ НЕРУИ БАРҚ. Корманди зеристгоҳи барқӣ қувваи барқро ғайриқонунӣ истифода менамояд
Иҷрои Барномаи рушди соҳаи механиконии инноватсионии кишоварзӣ баррасӣ гардид
Дар ноҳияи Бобоҷон Ғафуров истифодаи ғайриқонунии неруи барқ ошкор гардид
РӮЗИ ЭНЕРГЕТИКҲО. Энергетика заминаи рушд барои дигар бахшҳои иқтисоди Тоҷикистон аст
АМАЛИ МО ИНТИҚОЛИ НУР АСТ. Эҳдо ба Рӯзи энергетикҳо дар Тоҷикистон
Дар Тоҷикистон «Барномаи давлатии рушди инноватсионии соҳаи пахтакорӣ барои солҳои 2026-2030» таҳия ва амалӣ мегардад
СИЁСАТИ «ОСМОНИ КУШОД». Рушди авиатсияи гражданӣ зери таваҷҷуҳи доимии Президенти Тоҷикистон қарор дорад
Қатъномаи нави минтақавӣ оид ба муқовимат ба коррупсия бо иштироки Тоҷикистон қабул гардид
Агентии «Тоҷикстандарт : «380 тонна молу маҳсулоти муҳлати истеъмолаш гузашта ва ғайристандартӣ нобуд карда шуд»
Дар Токио Форуми тиҷоратии «Тоҷикистон – Ҷопон» баргузор шуд
Дар Вазорати рушди иқтисод ва савдои Тоҷикистон оид ба тайёр кардани кадрҳои сатҳи баланди илмӣ ҷаласа доир шуд
Дар Хатлон ҳамкорӣ бо сармоягузорони хориҷӣ ҷиҳати таъсиси нерӯгоҳҳои офтобиву бодӣ тақвият меёбад
