Тоҷикистон ва Арабистони Саудӣ ҳамкории дуҷонибаро таҳким мебахшанд
ДУШАНБЕ, 25.07.2024. /АМИТ «Ховар»/. 25 июл дар шаҳри Душанбе бо ибтикори Кумитаи давлатии сармоягузорӣ ва идораи амволи давлатии Ҷумҳурии Тоҷикистон бо иштироки намояндагони Шоҳигарии Арабистони Саудӣ ва вазорату идораҳои марбути ҷонибҳо мизи мудаввар баргузор гардид. Дар ин хусус ба АМИТ «Ховар» дар Кумитаи давлатии сармоягузорӣ ва идораи амволи давлатии Ҷумҳурии Тоҷикистон хабар доданд.
Дар ҳамоиш самтҳои энергетика, кишоварзӣ, сайёҳӣ, саноат, инфрасохтор, хизматрасониҳо, технологияҳои иттилоотӣ ва дигар соҳаҳои афзалиятнок мавриди муҳокима қарор дода шуд.
Мақсади чорабинӣ муаррифии зарфият ва имкониятҳои сармоягузорӣ ба иқтисоди Тоҷикистон ва дар ин замина густариши ҳамкории тиҷоратию сармоягузорӣ тавассути ташкили муколамаи озод байни соҳибкорону сармоягузорон ва дарёфти роҳҳои нави ҳамкорӣ дар самти ташкили корхонаҳои муштарак арзёбӣ гардид.
Инчунин вохӯриҳои дуҷониба дар формати B2B ва B2G баргузор гардида, самтҳои нави ҳамкорӣ муайян гардиданд.
Иштирокчиён ба рушди муносибатҳои дуҷониба ва ҳамкории мутақобилан судманд, ки фарогири ҳамаи соҳаҳои иқтисодӣ мебошанд, баҳои баланд дода, ба мувофиқа расиданд, ки минбаъд низ чунин чорабиниҳоро мунтазам баргузор менамоянд.
Ёдовар мешавем, ки Ҷумҳурии Тоҷикистон бо Шоҳигарии Арабистони Саудӣ ҳамкории гуногунҷанба ва бисёрҷанба дорад, ки бевосита дар баланд бардоштан ва густариши равобити Тоҷикистон бо мамлакатҳои арабӣ ва ҷаҳони ислом нақши муассир дорад. Аз рӯзҳои нахустини ба даст овардани истиқлоли давлатӣ робитаҳои дипломатӣ байни Ҷумҳурии Тоҷикистону Арабистони Саудӣ ба роҳ монда шуд.
Бояд гуфт, ки таваҷҷуҳи ширкатҳои сайёҳии Арабистони Саудӣ барои ҷалб намудани сайёҳон ба Тоҷикистон ва бастани созишномаҳои ҳамкорӣ бо ширкатҳо ва осоишгоҳҳои мамлакатро метавон намунаи аз тақвияти ҳамкориҳо дар бахши сайёҳӣ унвон кард.
АКС: Кумитаи давлатии сармоягузорӣ ва идораи амволи давлатии Ҷумҳурии Тоҷикистон
Дар Рӯзи кормандони соҳаи энергетика фаъолони соҳа қадрдонӣ шуданд
ИМРӮЗ-РӮЗИ ЭНЕРГЕТИКҲО. Неругоҳи барқи обии «Роғун» беназиртарин тарҳи гидроэнергетикӣ дар минтақа аст
Дар Агентии содироти Тоҷикистон бахшида ба Соли маърифати ҳуқуқӣ ҳамоиш баргузор шуд
Барои татбиқи лоиҳаи «Барномаи рушди НБО-и «Роғун», марҳилаи 1» 270 миллион доллар ҷудо гардид
Коршиносони ширкати Чин бо шароити хизматрасонии ҳаракати ҳавоӣ дар «Тоҷикаэронавигатсия» шинос шуданд
Озмуни байналмилалии «Кашфи олами моликияти зеҳнӣ» ҷамъбаст шуд
Вобаста ба нақши дипломатияи фарҳангӣ дар рушди иқтисоди Тоҷикистон ва Эрон ҳамоиш доир шуд
Мулоқоти Қоҳир Расулзода бо Директори генералии Фонди кувайтии рушди иқтисодиёти араб Валид Ал-Баҳар
Бахшида ба Рӯзи кормандони соҳаи энергетика дар неругоҳи «Сангтӯда -1» ҳамоиши тантанавӣ доир шуд
Барои татбиқи лоиҳаи «Маблағгузории устувор барои НБО-и «Роғун» созишномаи молиявӣ ба имзо расид
Дар Маркази миллии патенту иттилоот ҷаласаи муштарак доир гардид
Дар Душанбе масъалаи идоракунии захираҳои табиӣ ва тағйирёбии иқлим баррасӣ гардид
