Вазорати меҳнат, муҳоҷират ва шуғли аҳолӣ: «Эълон оид ба пардохти маблағ аз ҷониби вазорат асоси воқеӣ надорад»
ДУШАНБЕ, 15.07.2024 /АМИТ «Ховар»/. Вазорати меҳнат, муҳоҷират ва шуғли аҳолӣ ба диққати шаҳрвандон мерасонад, ки ба эълон оид ба пардохти маблағ аз ҷониби Вазорати меҳнат, муҳоҷират ва шуғли аҳолии Ҷумҳурии Тоҷикистон, ки дар шабакаҳои иҷтимоӣ паҳн гардидааст, бовар накунанд.
Тавре ба АМИТ «Ховар» дар Вазорати меҳнат, муҳоҷират ва шуғли аҳолӣ хабар доданд, эълони мазкур асоси воқеӣ надошта, шаҳрвандон хабарҳои расмии вазоратро метавонанд дар ин ҷо (https://www.facebook.com/mlmert) ва сомонаи вазорат www.mehnat.tj пайгирӣ намоянд.
Бояд гуфт, ки чандест дар шабакаҳои иҷимоӣ эълоне паҳн мешавад, ки гӯё ба шаҳрвандоне, ки байни солҳои 1990-2024 кор кардаанд ҳақ доранд кумакпулӣ дар ҳаҷми 2500 сомонӣ аз Вазорати меҳнат ва шуғл (номи дуруст Вазорати меҳнат, муҳоҷират ва шуғли аҳолӣ) гиранд.
Қаблан АМИТ «Ховар» бо истинод ба Прократураи генералӣ хабар дода буд, ки давоми як соли охир қаллобӣ дар интернет, яъне мардумфиребӣ бо истифодаи интернет зиёд шуда, баъзе шаҳрвандон, ки тарзи дурусти истифодаи интернетро намедонанд, ба ҳар гуна барномаҳои сохтаю бардурӯғи қаллобон бовар намуда, ба қаллобон рақамҳои суратҳисоб, корти бонкӣ, ҳамёни электронӣ ё почтаи электрониашонро равон намуда, ба доми фиреби онҳо меафтанд. Қаллобон ба воситаи аккаунтҳои қалбакӣ ва наворҳои сохта (фейкӣ) бо баҳонаи кумак ба ниёзмандон ҳадафҳои қаллобонаашонро амалӣ месозанд.
Прокуратураи генералии Ҷумҳурии Тоҷикистон дар асоси ҳолатҳое, ки ошкор шудаанд тавсия медиҳад, ки истифодабарандагони интернет ва шабакаҳои иҷтимоӣ дар истифодаи интернет эҳтиёткор бошанд, зимни истифодаи он, қабули паёмаку тамошои видеонаворҳои сохта (фейкӣ), эълони бозиҳои интернетӣ, аз қабили лоторея, харид намудан аз интернет-мағозаҳо ва истифодаи дигар хизматрасониҳои интернетӣ ҳамеша ҳушёр бошанд ва ба хоҳишу бозиҳои қаллобони интернетӣ бовар насозанд.
АКС аз манбаъҳои боз
ПУРСИДЕД, ҶАВОБ МЕДИҲЕМ. Дар кадом ҳолатҳо муҳоҷирон ба рӯйхати шахсони назоратшаванда ворид мешаванд?
Ҳамкории Маркази тадқиқоти стратегии Тоҷикистон бо Раёсати нашр ва паҳнкунии адабиёт бо забонҳои хориҷии Чин густариш меёбад
Таъсиси маркази касбомӯзӣ ва омӯзиши забонҳои арабӣ ва англисӣ барои муҳоҷирони меҳнатӣ баррасӣ шуд
Истифодаи барномаи «Амина» барои шаҳрвандони хориҷие, ки ба Русия бе раводид ворид мешаванд, ҳатмӣ мегардад
ТАВСИЯҲОИ МУФИД. Доир ба тарзи нави захира кардани меваҷоту сабзавот барои фасли зимистон
«ЭЪЛОМИЯИ ҲУҚУҚИ БАШАР». Таҳти чунин унвон ҳамоиши ҷумҳуриявӣ доир гардид
Китоби Пешвои миллат Эмомалӣ Раҳмон таҳти унвони «Ҳизби Халқии Демократии Тоҷикистон ва марҳилаҳои рушди Тоҷикистони соҳибистиқлол» рӯнамоӣ гардид
Дар Хадамоти иҷро оид ба татбиқи хизматрасониҳои электронӣ машварати омӯзишӣ доир гардид
Тақвияти ҳамкории Тоҷикистон ва Британияи Кабир дар соҳаи муҳоҷирати меҳнатии бехатар баррасӣ шуд
Дар фурудгоҳҳои байналмилалии Тоҷикистон оид ба муҳоҷирати меҳнатии қонунӣ ва бехатар корҳои фаҳмондадиҳӣ гузаронида шуданд
Дар Тоҷикистон Даҳаи дастгирии шири модар оғоз гардидааст
«ҲУҚУҚ БА САЛОМАТӢ». Таҳти чунин унвон озмуни байналмилалӣ доир мегардад
