Ҳамкорӣ байни Тоҷикистон ва Созмони ҳамкории рақамӣ баррасӣ гардид
![](https://khovar.tj/wp-content/uploads/2024/08/photo_2024-08-27_15-26-25.jpg)
ДУШАНБЕ, 27.08.2024 /АМИТ «Ховар»/. Дар Риёз мулоқоти Сафири Фавқулода ва Мухтори Ҷумҳурии Тоҷикистон дар Подшоҳии Арабистони Саудӣ Акрам Каримӣ бо Дабири кулли Созмони ҳамкории рақамӣ (DCO) Дима Ал-Яҳя баргузор гардид. Дар ин хусус АМИТ «Ховар» бо истинод ба Вазорати корҳои хориҷии Ҷумҳурии Тоҷикистон хабар медиҳад.
Дар мулоқот масъалаҳои вусъати ҳамкорӣ байни Тоҷикистон ва ин созмон дар бахшҳои ҳукумати электронӣ, иқтисоди рақамӣ, зеҳни сунъӣ ва дигар мавзуъҳои мавриди таваҷҷуҳи муштарак баррасӣ шуданд.
АКС: Вазорати корҳои хориҷии Ҷумҳурии Тоҷикистон