Ба Кумитаи ҳолатҳои фавқулода ва мудофиаи гражданӣ таҷҳизоти нави алоқа ва назорати видеоӣ дастрас гардид
ДУШАНБЕ, 28.08.2024. /АМИТ «Ховар»/. Дар доираи татбиқи Лоиҳаи миллии идоракунии хатари офатҳои табиӣ барои воҳидҳои Кумитаи ҳолатҳои фавқулода ва мудофиаи граждании назди Ҳукумати Ҷумҳурии Тоҷикистон таҷҳизоти нави алоқа ва назорати видеоӣ дастрас гардид. Дар ин хусус ба АМИТ «Ховар» дар Кумитаи ҳолатҳои фавқулода ва мудофиаи гражданӣ хабар доданд.
Таҷҳизот бо мақсади таъсиси Системаи ягонаи автоматии алоқаи ҳолатҳои фавқулода харидорӣ карда шудааст, ки он аз системаи ретрансляторҳо, радиостансияҳо, системаи коммутатории ретрансляторӣ, стансияҳои сайёр ва радиостансияҳои сайёри стансияҳои моҳворавӣ иборат мебошад.
Ин техникаҳо имкон медиҳанд, ки алоқаи овозӣ, видеоӣ, паёмҳои матнӣ, ҷойгиршавӣ ва дигар воситаҳои иртибот дар системаи ягона ҷамъоварӣ, иваз ва коркард шавад. Он интиқоли босуръати маълумотро байни компютерҳо ва дигар дастгоҳҳои дохили шабака таъмин ва робитаи байни сохторҳои минтақавиро беҳтар мекунад.
Таҷҳизоти алоқа ва назорати видеоӣ ба шуъбаҳои минтақавии Кумитаи ҳолатҳои фавқулода ва мудофиаи гражданӣ тақсим гардида, дар кӯли Сарез насб карда мешаванд.
АКС: Кумитаи ҳолатҳои фавқулода ва мудофиаи граждании назди Ҳукумати Ҷумҳурии Тоҷикистон
Бо дастури Пешвои миллат ба оилаи аз офати табиӣ зарардида дар Кӯлоб хонаи нави истиқоматӣ тақдим гардид
«ТАБЛИҒГАРОНИ ИСТИҚЛОЛ». Гурӯҳи тарғиботӣ — ташвиқотӣ дар ноҳияҳои Рӯдакӣ, Файзобод ва Шаҳринав дастовардҳои даврони соҳибистиқлолиро муаррифӣ намуд
Таъсиси Шурои роҳбарони мақомоти иҷрои маҷбурии кишварҳои аъзои ИДМ баррасӣ шуд
10 оилаи аз офати табиӣ зарардидаи деҳаи Баррӯшон соҳиби манзилҳои нав мешаванд
Бахшида ба Рӯзи кормандони хадамоти ҳолатҳои фавқулода ва мудофиаи гражданӣ ҳамоиши тантанавӣ доир шуд
ИМРӮЗ — РӮЗИ КОРМАНДОНИ ХАДАМОТИ ҲОЛАТҲОИ ФАВҚУЛОДА ВА МУДОФИАИ ГРАЖДАНӢ. Ҳифзи аҳолӣ аз ҳолатҳои фавқулода самти асосии фаъолияти ин ниҳод аст
САЙЁҲИИ ЗИЁРАТӢ. Дар 35 соли Истиқлоли давлатӣ Мамнуъгоҳи Султон Увайси Қаранӣ аз нав эҳё гардида, инфрасохтори сайёҳии он рушд намуд
ПУРСИДЕД, ҶАВОБ МЕДИҲЕМ. Дар кадом ҳолат вуруди шаҳрванди хориҷӣ ба Федератсияи Русия манъ карда мешавад?
Рафти татбиқи Стратегияи рушди ҳифзи иҷтимоии аҳолии Ҷумҳурии Тоҷикистон барои давраи то соли 2040 натиҷагирӣ карда шуд
Дар Душанбе доир ба саҳми шоистаи Абуалӣ ибни Сино дар илми тиб конференсия баргузор гардид
Муовини Сарвазири Тоҷикистон бо ҷараёни сохтмони иншооти соҳаи маорифу тандурустӣ дар шаҳри Ҳисор шинос шуд
Дар вилояти Суғд бахшида ба Рӯзи кормандони соҳаи тиб ҳамоиш доир гардид
