Беморхонаи марказии ноҳияи Муъминобод навсозӣ мегардад
МУЪМИНОБОД, 26.08.2024 /АМИТ «Ховар»/. Беморхонаи марказии ноҳияи Муъминобод навсозӣ шуда, бо дастгоҳҳои наву замонавӣ муҷаҳҳаз гардонида мешавад.
Тавре сартабиби беморхона Самандар Давлатов ба хабарнигори минтақавии АМИТ «Ховар» Сулаймон Холзода иттилоъ дод, дар айни замон дар беморхона корҳои таъмирию навсозӣ идома дошта, кормандон ба шинонидани гулу гулбуттаҳо ҷалб шудаанд.
Беморхона соли 2001 ба фаъолият шуруъ намуда бошад ҳам, то инҷониб беморон аз норасоии оби ошомиданӣ ва полезӣ танқисӣ мекашиданд. Ҳоло дар ҳар ҳуҷра барои беморон шароити хуб фароҳам оварда шуда, бо оби гарму хунук ва рахти хоб таъмин мебошанд. Масъулини беморхона нақша доранд, ки ҳар ҳуҷраро бо кондитсионер ва яхдон таъмин намоянд.
Беморхона дорои 10 шуъба буда, аз 189 кат иборат аст. То ин ҷониб 1379 бемор бистарӣ ва аз ин 1331 нафар муолиҷа гирифтаанд. Барои хизматрасонӣ ба аҳолӣ 3 мошини ёрии таъҷилӣ фаъолият доранд.
Дар ноҳияи Муъминобод дар маҷмуъ 71 табиб ва 767 корманди миёнаи тиб ба 10 ҳазор нафар аҳолӣ хизмати тиббӣ мерасонанд. Барои фароҳам овардани шароити муносиб барои беморон аз ҷониби Вазорати тандурустӣ ва ҳифзи иҷтимоии аҳолии Ҷумҳурии Тоҷикистон таҷҳизоти гуногун ворид карда шудаанд, ки кори табибонро хеле осон менамоянд.
Самандар Давлатов иброз дошт, ки бо мақсади баланд бардоштани сатҳу сифати хизматрасонии тиббӣ ба модарон ва кӯдакон, пешгирӣ ва коҳиш додани фавт нақша дорем, ки шароити беморхонаро боз ҳам беҳтар намоем.
АКС: АМИТ «Ховар»
«ТОҶИКОНА МЕПӮШЕМ!». Дар Донишгоҳи давлатии Бохтар иқдоми ҷумҳуриявӣ доир шуд
ПУРСИДЕД, ҶАВОБ МЕДИҲЕМ. Кадом қонуншиканиҳо метавонанд боиси ихроҷи муҳоҷирони тоҷик аз Русия гарданд?
ДАР ПАЙРАВӢ БА ИҚДОМҲОИ ПЕШВОИ МИЛЛАТ. Дар ноҳияи Рашт ба 80 оилаи ниёзманд ангишт кумак карда шуд
Дар ноҳияи Файзобод китобхона, кӯдакистон ва синфхонаҳои иловагӣ ба истифода дода шуданд
Нақшаи буҷети суғуртаи иҷтимоӣ ва нафақа дар вилояти Суғд беш аз 100 фоиз иҷро гардид
ИМРӮЗ–РӮЗИ ИТТИФОҚҲОИ КАСАБА. Беш аз 15 ҳазор аъзои иттифоқи касаба ба солимгардонӣ фаро гирифта шуданд
Бахшида ба Рӯзи байналмилалии бабри барфӣ дар Хоруғ конфронси илмӣ-амалӣ доир шуд
ПУРСИДЕД, ҶАВОБ МЕДИҲЕМ. Доғи судӣ чӣ гуна метавонад монеаи гирифтани патент дар Федератсияи Русия гардад?
Оид ба идоракунии инноватсионии давлатӣ дар шароити трансформатсияи иқтисоди рақамӣ дар Тоҷикистон ҳамоиш доир шуд
Дар Самарқанд Саммити ҷаҳонӣ доир ба некӯаҳволии кӯдакон баргузор гардид
Байни Тоҷикистон ва Узбекистон Ёддошти тафоҳуми ҳамкорӣ ба имзо расид
Дар вилояти Суғд зиёда аз 1200 муассисаи тиббии давлатӣ ва хусусӣ фаъолият дорад
