Дар Душанбе беш аз 3000 нафар занон бо ҷойи кор таъмин гардиданд
ДУШАНБЕ, 02.08.2024. /АМИТ «Ховар»/. Дар шаҳри Душанбе аз шумораи умумии аҳолӣ 607,1 ҳазор нафарро занҳо ташкил медиҳанд, ки дар шашмоҳаи аввали имсол 3066 нафар занон бо ҷойи кор таъмин шуданд. Дар ин хусус зимни нишасти матбуотии Мақомоти иҷроияи ҳокимияти давлатии шаҳри Душанбе иттилоъ дода шуд.
Дар давраи ҳисоботӣ 1315 нафар занон даврҳои касбомӯзиро аз рӯи ихтисосҳои дӯзандагӣ, адрасбофӣ, қолинбофӣ, попуридӯзӣ ва даврҳои кӯтоҳмуддати ҳунарҳои мардумӣ хатм намуда, соҳибкасб гардиданд.
Иттилоъ дода шуд, ки дар шашмоҳаи аввали соли 2024 дар пойтахти мамлакат- шаҳри Душанбе 15,1 ҳазор нафар занони ба фаъолияти соҳибкорӣ машғул сабт шуданд.
Ҳамзамон ба гуфтаи муовини якуми Раиси шаҳри Душанбе Ҷамшед Табарзода, дар пойтахт 3375 оилаи нав сабт шудааст, ки нисбат ба ҳамин давраи соли 2023 60 ҳолат камтар мебошад. Яъне, шумораи бекоршавии ақди никоҳ дар ин давра ба 756 ҳолат расидааст, ки нисбат ба соли 2023 184 адад кам мебошад.
Дар шашмоҳаи аввали имсол аз ҳисоби ба кор даровардани иншоот ва баланд бардоштани иқтидори истеҳсоливу хизматрасонии мавҷуда дар корхонаю муассисаҳои шаҳр, новобаста ба шакли моликият 22 ҳазору 805 ҷойи кор таъсис ва барқарор шуд, ки нисбат ба ҳамин давраи соли 2023 (1319) 6 фоиз бештар аст.
Шаҳлои САДРИДДИН,
АМИТ «Ховар»
АКС: АМИТ «Ховар»
Сарвари давлат: «Дар Қуръони маҷид нахустин ояте, ки нозил шудааст, ба илму маърифат, яъне ҳидоят ба «хондан» бахшида шудааст»
Форуми байналмилалии «Занон ва об-2026» ба пешбурди масъалаҳои гендерӣ дар соҳаи об мусоидат намуд
Дар Душанбе Форуми байналмилалии «Занон ва об» оғоз гардид
Дар Донишгоҳи миллии Тоҷикистон дар мавзуи ташаккули низоми нави радио, телевизион ва интернет конфронси илмӣ -амалӣ баргузор шуд
РАВАНДИ ОБИ ДУШАНБЕ. Тақрибан 150 волонтёр барои баргузории Конфронси чоруми байналмилалии сатҳи баланд ҷалб шудаанд
Президенти Тоҷикистон Эмомалӣ Раҳмон ҷавононро ба ҳифзи истиқлолу арзишҳои миллӣ даъват намуданд
«ҶАВОНОН — МУАРРИФИ ФАРҲАНГИ МИЛЛӢ». Дар Бохтар бахшида ба Рӯзи ҷавонон ҳамоиши идона баргузор гардид
Дар Норак ҷавонони фаъол қадрдонӣ шуданд
Дар шаҳри Турсунзода Рӯзи ҷавонон таҷлил гардид
Сарвари давлат Эмомалӣ Раҳмон: «Танҳо давлатҳои дорои ҷавонони босаводу ватандӯст пойдор мемонанд»
