Дар Хатлон соли равон 12 иншооти соҳаи тандурустӣ ба истифода дода шуд
ДУШАНБЕ, 18.08.2024. /АМИТ «Ховар»/. 16 август дар Театри мусиқӣ-мазҳакавии шаҳри Бохтар ба номи Ато Муҳаммадҷонов бахшида ба Рӯзи кормандони тандурустии Тоҷикистон ҳамоиши идона доир гардид. Дар ин хусус ба АМИТ «Ховар» дар Мақомоти иҷроияи ҳокимияти давлатии вилояти Хатлон хабар доданд.
Қабл аз оғози ҳамоиш меҳмонон намоиши омоданамудаи кормандони соҳаи тандурустии вилоят, гӯшаи гиёҳҳои шифобахши ватанӣ ва маводи дорувории табиӣ, намунаи технологияҳои муосир барои табобат ва барномаҳои рушди соҳаи тандурустиро тамошо намуданд.
Дар ҳамоиш иброз гардид, ки Истиқлоли давлатӣ ба рушд ва пешрафти соҳаи тиб дар мамлакат асос гузошт. Дар ин давра барои ҳалли масъалаҳои иқтисодиву иҷтимоӣ ва тадриҷан баланд бардоштани сатҳи зиндагии аҳолӣ дар доираи барномаву стратегияҳои милливу соҳавӣ пайваста тадбирҳои зарурӣ андешида шуданд.
Иттилоъ дода шуд, ки дар соҳаи тандурустӣ дар 6 моҳи соли 2024 дар шаҳру ноҳияҳои вилоят 12 иншооти соҳаи тандурустӣ сохта, ба истифода дода шуда, дар 57 иншоот корҳои сохтмонӣ идома доранд. Ҳамзамон дар ин давра дар муассисаҳои тандурустии вилоят 178 нафар табибон ба кор қабул гардида, масъалаи эҳтиёҷоти муассисаҳои тандурустии вилоят ба мутахассисони соҳа ҳал мешавад.
Зимни ҳамоиш иттилоъ дода шуд, ки хушбахтона, дар асоси дастуру супоришҳои Президенти Ҷумҳурии Тоҷикистон муҳтарам Эмомалӣ Раҳмон «Барномаи давлатии рушди соҳаи тандурустӣ ва ҳифзи иҷтимоии аҳолии вилояти Хатлон барои соҳои 2021–2025» бо маблағи 1 миллиарду 315 миллион сомонӣ аз ҳисоби ҳамаи сарчашмаҳои маблағгузорӣ қабул гардид.
Дар идомаи ҳамоиш як зумра табибони вилоят ба хотири саҳм гузоштан дар солимии ҷомеа бо туҳфаҳои хотирмон қадрдонӣ гардиданд.
АКС: Мақомоти иҷроияи ҳокимияти давлатии вилояти Хатлон
Имсол дар истироҳатгоҳи беруназшаҳрии «Шарора» 720 нафар кӯдакону наврасон таътили худро босамар мегузаронанд
ТАЪТИЛИ БОФАРОҒАТ. Имсол 1000 нафар кӯдаку наврас ба истироҳатгоҳи беруназшаҳрии «Зимчуруд» ҷалб мегарданд
Дар Тоҷикистон даври сеюми Форуми коршиносони Осиёи Марказӣ — Корея доир мешавад
Дар Душанбе маъракаи хунсупории шаҳрвандон доир гардид
Байни Кумита оид ба таҳсилоти ибтидоӣ ва миёнаи касбии Тоҷикистон ва Ташкилоти ғайридавлатии «Good Neighbors» Ёддошти тафоҳуми ҳамкорӣ ба имзо расид
Дар Чин дастовардҳои Тоҷикистон дар самти ҳуқуқи инсон муаррифӣ гардиданд
Дар Тоҷикистон беморони диабети қанд метавонанд инсулини ройгон дастрас намоянд
Иштирокдорони Форуми байналмилалии ҳизбҳои сиёсӣ дараи Алмосӣ ва Қалъаи Ҳисорро тамошо карданд
Форуми байналмилалии ҳизбҳои сиёсӣ зери унвони «Ҳизбҳои сиёсӣ ва уфуқҳои нави ҳамкорӣ» доир гардид
АБУАЛӢ ИБНИ СИНО — МУТАФАККИРИ БУЗУРГИ ШАРҚ, ФАРЗАНДИ ФАРЗОНАИ ХАЛҚИ ТОҶИК. Андешаҳои академик Фарҳод Раҳимӣ дар ин мавзуъ
Оқибатҳои офатҳои табиӣ дар мавзеъҳои хатарноки роҳҳои минтақаи Рашт бартараф карда шуданд
Табибони тоҷик дар Туркия малакаи касбиии худро такмил медиҳанд
