Дар Коллеҷи муҳандисию омӯзгории шаҳри Душанбе озмоишгоҳҳои таълимӣ таъсис дода шуданд
ДУШАНБЕ, 24.08.2024 /АМИТ «Ховар»/. Дар Коллеҷи муҳандисию омӯзгории шаҳри Душанбе озмоишгоҳҳои таълимӣ аз фанҳои физика, химия, технологияи рақамӣ, технологияи иттилоотӣ, география ва сайёҳӣ ва кабинетҳои фаннӣ аз фанҳои биология, экология ва математика таъсис ёфтанд, ки то оғози соли нави таҳсил ба истифода дода мешаванд.
Тавре АМИТ «Ховар» бо истинод ба Кумита оид ба таҳсилоти ибтидоӣ ва миёнаи касбии назди Ҳукумати Ҷумҳурии Тоҷикистон хабар медиҳад, озмоишгоҳҳои таълимӣ бо таҷҳизоти муосири замонавӣ, асбоби аёнӣ ва дигар воситаҳои техникӣ муҷҷаҳаз шудаанд.
Зимни шиносоӣ бо озмоишгоҳҳо Раиси Кумита оид ба таҳсилоти ибтидоӣ ва миёнаи касбӣ Фарҳод Раҳимӣ барои самаранок истифода намудани озмоишгоҳҳо ва кабинетҳои фаннӣ дар раванди таълим ва омода намудани мутахассисони баландпояи ҷавобгӯ ба талаботи бозори меҳнат сухан гуфт.
Ҳамзамон дар коллеҷ толори хурд барои гузаронидани чорабиниҳои илмӣ, вохӯриҳо ва ҷаласаҳои онлайнӣ ба истифода дода шуд.
Ташкили чунин озмоишгоҳҳои таълимӣ дар самти беҳтар гардонидани раванди илмомӯзӣ ва таҷрибаомӯзии мутахассисони соҳа, инчунин тарбияи насли ҷавони мамлакат дар руҳияи худшиносию ватандӯстӣ судманд мебошад.
АКС: Кумита оид ба таҳсилоти ибтидоӣ ва миёнаи касбии назди Ҳукумати Ҷумҳурии Тоҷикистон
Дар Душанбе Озмуни ҷумҳуриявии «Оилаи беҳтарин» ҷамъбаст карда мешавад
ОГОҲӢ. Дар Тоҷикистон то 17 май ҳарорати ҳаво баланд мешавад
Оила — ҷоест, ки дар он ҳама аъзои хонавода эҳсоси оромиш, амният ва ишқ намоянд. Эҳдо ба Рӯзи байналмилалии оила
Дар Шанхай вохӯрии роҳбарони сохторҳои минтақавӣ оид ба ҳолатҳои фавқулодаи минтақаҳои наздимарзии давлатҳои аъзои СҲШ доир гардид
Даври ҷумҳуриявии Фестивал-озмуни «Беҳтарин армуғон» ҷамъбаст гардид
Нахустин маротиба дар Тоҷикистон амалиёти ҷарроҳӣ бе буриш аз даҳон гузаронида шуд
Дар шаҳри Хуҷанд Рӯзи байналмилалии оила таҷлил карда шуд
Муассисаҳои тиббии Тоҷикистон бо таҷҳизоти муосир таъмин карда мешаванд
Дар Тоҷикистон оид ба дарки коррупсия таҳқиқоти маҷмуии сотсиологӣ анҷом дода шуд
Дар «Боғи Ирам» Фестивал-озмуни «Беҳтарин армуғон» доир мегардад
Аввалин таҳқиқоти Маркази яхшиносии Тоҷикистон оид ба тавозуни зимистона гузаронида шуд
Масъалаи хизматрасонии тиббӣ ба модару кӯдак баррасӣ гардид
