Дар ноҳияи Рӯдакӣ 30 синфхонаи иловагӣ ба истифода дода шуда, сохтмони 161 синфхона идома дорад
РӮДАКӢ, 09.08.2024 /АМИТ «Ховар»/. Бахшида ба ҷашни 35-солагии Истиқлоли давлатӣ ва бартараф намудани норасоии ҷойи нишаст дар шаш моҳи имсол дар назди муассисаҳои таълмии №18, №19, №77, №111 ва №138- и ноҳияи Рӯдакӣ панҷ бинои иловагӣ бо 30 синфхона ва 1322 ҷойи нишаст дар ду баст ба истифода дода шуд. Ҳамчунин сохтмони биноҳои иловагӣ ва синфхонаҳо дар назди 18 муассисаи таълимии ноҳия идома дорад. Биноҳои иловагӣ дорои 161 синфхона ва 4025 ҷойи нишаст мебошанд, ки баъди ба истифода додани онҳо мушкилоти норасоии ҷойи нишаст бартараф мегардад. Чунин баён намуд имрӯз зимни нишасти матбуотӣ Раиси ноҳияи Рӯдакӣ Абдуғаффор Ҳикматуллозода.
Дар нишасти матбуотӣ иброз гардид, ки барои иҷрои дастуру супоришҳои Пешвои миллат муҳтарам Эмомалӣ Раҳмон оид ба истеҳсол ва дӯхти либосҳои мактабӣ, ки ҳар шаҳру ноҳия бояд либосҳои мактабиро аз ҳисоби корхонаҳои саноатии худӣ таъмин намоянд, дар назди Мақомоти иҷроияи ҳокимияти давлатии ноҳияи Рӯдакӣ соли 2023 аввалин бор Муассисаи давлатии дӯзандагии “Чевар” ташкил гардид. Тибқи дурнамои соли 2024, корхона бояд 45 ҳазор либоси мактабӣ истеҳсол намояд. То имрӯз мутахассисони корхона 15 ҳазор либоси мактабӣ истеҳсол намуда, бо нархҳои дастрас ба волидайни хонандагон пешниҳод намудаанд.
Дар шашмоҳаи якуми соли 2024 дар ноҳияи Рӯдакӣ 184 корхонаи саноатӣ фаъолият намуда, ҳаҷми истеҳсоли маҳсулоти саноатиро ба маблағи 284 миллиону 827 ҳазор сомонӣ таъмин намуданд. Ин нишондиҳанда нисбат ба ҳамин давраи соли 2023 37 миллиону 575 ҳазор сомонӣ зиёд мебошад.
Ҳамзамон изҳор гардид, ки бо мақсади дар сатҳи баланд таҷлил намудани 35-солагии Истиқлоли давлатии Ҷумҳурии Тоҷикистон дар ноҳияи Рӯдакӣ 55 иншоот дар соҳаи маориф, 7 иншоот дар соҳаи фарҳанг, 15 корхонаи саноатӣ, 111 маркази савдою хизматрасонӣ, 56 иншооти соҳаи тандурустӣ ва 19 иншооти соҳаи варзиш сохта мешаванд.
Ба ҳолати якуми июли имсол 140 иншооти гуногун мавриди истифода қарор гирифта, дар иншооти боқимонда сохтмон ва лоиҳакашӣ идома дорад.
Субҳониддини МАҲМУД,
АМИТ «Ховар»
АКС: АМИТ «Ховар»
Аз 11550 хатмкунандаи муассисаҳои таҳсилоти ибтидоии касбӣ 8488 нафар бо ҷойи кори доимӣ таъмин шуданд
Хонандагони муассисаҳои таҳсилоти миёнаи умумии Тоҷикистон ба таътили тирамоҳӣ мебароянд
Дар Донишгоҳи миллии Тоҷикистон доир ба пажуҳиши илмӣ ва усулҳои ба роҳ мондани он ҳамоиш доир шуд
Академияи идоракунии давлатии Тоҷикистон бо Ҷамъияти ҳуқуқшиносони Шанхай ҳамкориро тақвият медиҳад
Дар Панҷакент иншооти иҷтимоӣ ва хизматрасонӣ ифтитоҳ гардиданд
Сабзалӣ Ҷаъфарзода: «Таъсиси Маркази миллии тестӣ аз ҷумлаи ислоҳоти муҳимми соҳаи маориф дар даврони соҳибистиқлолии Тоҷикистон аст»
Президенти Ҷумҳурии Тоҷикистон Эмомалӣ Раҳмон дар ноҳияи Шаҳринав 6 иншооти таъйиноти гуногунро ба таври фосилавӣ ифтитоҳ намуданд
Сарвари давлат Эмомалӣ Раҳмон дар ноҳияи Шаҳринав аз Маркази ҷумҳуриявии таълимию методии Кумитаи ҳолатҳои фавқулода ва мудофиаи гражданӣ боздид намуданд
Дар шаҳри Ҳисор мумфаршкунии беш аз 3,5 километр роҳи автомобилгард оғоз гардид
820 иншооти гуногун ба маблағи беш аз 1 миллиард сомонӣ дар шаҳри Ваҳдат ба истифода дода шуд
Маркази миллии тестӣ натиҷаҳои озмуни тақсимоти такрории давраи сеюми имтиҳонҳои дохилшавиро эълон намуд
Дар шаҳри Конибодом нуқтаҳои истироҳатӣ ва осоишгоҳи солимгардонӣ бунёд карда мешаванд
