Дар Нуробод вобаста ба тақвият бахшидани ҳамкории милитсия бо ҷомеа вохӯрӣ баргузор шуд
ДУШАНБЕ, 27.08.2024 /АМИТ «Ховар»/. 26 август дар ноҳияи Нуробод бо кормандони шуъбаи Вазорати корҳои дохилӣ дар ноҳияи Нуробод ва шуроҳои ҷамъиятии назди шуъбаи Вазорати корҳои дохилии ноҳия дар самти тақвият бахшидани ҳамкории милитсия бо ҷомеа вохӯрӣ баргузор шуд. Дар ин хусус ба АМИТ «Ховар» дар Вазорати корҳои дохилии Ҷумҳурии Тоҷикистон хабар доданд.
Вохӯрӣ дар доираи «Барномаи ислоҳоти милитсия барои солҳои 2021-2025» ва нақшаи чорабиниҳои муштарак байни Вазорати корҳои дохилии Ҷумҳурии Тоҷикистон ва Дафтари барномавии Созмони Амният ва Ҳамкорӣ дар Аврупо дар шаҳри Душанбе доир шуда, ба ҳамкории судманди мақомоти корҳои дохилӣ бо ниҳодҳои ҷомеаи шаҳрвандӣ барои пешгирии ҷинояту ҷинояткорӣ равона гардид.
Ҳамоҳангсози миллӣ оид ба ислоҳоти милитсияи Вазорати корҳои дохилӣ Сафиало Азизуллозода ҳозиринро бо Низомномаи нави шуроҳои ҷамъиятии назди мақомоти корҳои дохилӣ шинос намуда, гуфт, ки бо мақсади баланд бардоштани мавқеи шуроҳои ҷамъиятӣ ва мустаҳкам намудани робитаи мутақобили милитсия бо ҷомеаи шаҳрвандӣ 13 феврали соли 2024 бо қарори Ҳукумати Ҷумҳурии Тоҷикистон Низомномаи шуроҳои ҷамъиятӣ тасдиқ шудааст. Шуроҳои ҷамъиятӣ маҳаки асосии раванди ислоҳоти милитсия ба ҳисоб рафта, бинобар ин кормандони милитсияро зарур аст, ки фаъолиятро бо шуроҳои ҷамъиятӣ мустаҳкам намоянд.
Таъкид гардид, ки бо назардошти қабул гардидани ин низомнома вазорат тасмим гирифтааст, ки аз моҳи сентябри имсол ҳайати нави шуроҳои ҷамъиятиро интихоб намояд. Аз ин хотир масъулини шуъбаро зарур аст, ки дар самти интихоби номзадҳои нав кор баранд.
Дар вохӯрӣ оид ба ҳолатҳои пешгирии ҳамроҳшавии ҷавонон ба ҳизбу ҳаракатҳои террористиву экстремистӣ ва хурофотпарастиву бегонапарастӣ ибрози андеша карда шуд.
Ҳамагон даъват шуданд, ки дар пешгирӣ намудани ин зуҳуроти номатлуби ҷомеа саҳм гузоранд.
АКС: Вазорати корҳои дохилии Ҷумҳурии Тоҷикистон
Барномаи нави ҳамкорӣ байни Прокуратураҳои генералии Тоҷикистон ва Русия ба имзо расид
Ҳабибулло Воҳидзода дар ҷаласаи 36-уми Шурои ҳамоҳангсозии прокурорҳои генералии кишварҳои аъзои ИДМ иштирок намуд
Дар Душанбе ҷаласаи навбатии Шурои вазирони корҳои дохилии давлатҳои аъзои ИДМ доир мегардад
Котиби Шурои амният Юсуф Раҳмон бо Вазири давлатии Вазорати мудофиаи Подшоҳии Муттаҳидаи Британияи Кабир ва Ирландияи Шимолӣ Вернон Коаке мулоқот намуд
Ҷаласаи Комиссияи даъвати ҷумҳуриявӣ оид ба омодагӣ ба даъвати тирамоҳии соли 2026 ба хизмати ҳарбӣ доир шуд
Кумитаи ҳолатҳои фавқулода ва мудофиаи гражданӣ: «Барои пешгирии оқибатҳои сел селроҳаҳо ва роҳҳои обгузарро пешакӣ тоза намоед»
ТОҶИКИСТОНИ СОҲИБИСТИҚЛОЛ — ПАЙВАНДГАРИ ТАМАДДУНИ ОРИЁӢ. Андешаҳо оид ба Анҷумани тоҷикон ва форсизабонони ҷаҳон – «Пайванд»
Низомиёни Тоҷикистон дар Форуми байналмилалии 13-уми Сяншани Пекин иштирок намуданд
Дар Тоҷикистон бо мақсади пешгирии ҳодисаҳои роҳу нақлиёт амалиёти «Автобус» оғоз гардид
Ҳабибулло Воҳидзода бо прокурорҳои генералии Қазоқистон ва Туркманистон мулоқот намуд
Намояндагони Тоҷикистон дар вохӯрии роҳбарони бюроҳои миллии марказии «Интерпол»-и давлатҳои ИДМ иштирок намуданд
Тоҷикистон ва Ҳиндустон ҳамкориро дар самти пешгирӣ ва рафъи ҳолатҳои фавқулода тақвият медиҳанд
