Дар шаҳри Душанбе Анҷумани ҷавонони дар хориҷи мамлакат таҳсилдошта доир гардид
ДУШАНБЕ, 26.08.2024. /АМИТ «Ховар»/. Дар шаҳри Душанбе Анҷумани ҷавононе, ки дар хориҷи мамлакат таҳсил доранд, баргузор гардид. Дар ин хусус ба АМИТ «Ховар» дар Кумитаи кор бо ҷавонон ва варзиши назди Ҳукумати Ҷумҳурии Тоҷикистон хабар доданд.
Ҳадаф аз баргузории анҷуман, пеш аз ҳама, муаррифии имконияти фароҳамовардаи Ҳукумати Ҷумҳурии Тоҷикистон дар хориҷи мамлакат барои ҷавонону шаҳрвандони Тоҷикистон мебошад. Дар ин замина механизми фаъолияти маҳфили «Ҷавонони дар хориҷи мамлакат таҳсилдошта» дар берун аз ҷумҳурӣ муаррифӣ карда мешавад.
«Маҳфили ҷавонони дар хориҷи мамлакат таҳсилдошта» аз 2 марти соли 2014 инҷониб бо ташаббуси Кумитаи кор бо ҷавонон ва варзиши назди Ҳукумати Ҷумҳурии Тоҷикистон баҳри дӯстию рафоқат, баланд бардоштани ҳисси худшиносию худогоҳӣ, эҳсоси гарми ватандӯстӣ, ҳамгироии ҷавонон, мустаҳкам намудани робитаи байниҳамдигарии донишҷӯёни тоҷике, ки дар хориҷи мамлакат таҳсил доранд, таъсис ёфтааст. Ба он зиёда аз 1500 ҷавони фаъоле, ки дар давлатҳои ҷаҳон, аз ҷумла дар 25 намояндагӣ дар Федератсияи Русия, Беларус, Қазоқистон, Қирғизистон, Ҷумҳурии Мардумии Чин, Нидерландия, Малайзия, Кореяи Ҷанубӣ ва Узбекистон таҳсил менамоянд, аъзо мебошанд.
Бо дастгирии пайвастаи давлату ҳукумат имрӯз беш аз 40 000 ҷавонони тоҷик дар хориҷи мамлакат ба таҳсил фаро гирифта шудаанд. Фаъолияти ин маҳфил ба таҳсили ҷавонон дар хориҷа, фароҳам овардани шароити мусоид барои онҳо, роҳҳои осон намудани дохилшавӣ ба мактабҳои олии берун аз ҷумҳурӣ ва дигар масъалаҳои марбут ба ҳаёти ҷавонон равона шудааст.
Ёдовар мешавем, ки аз ҷониби маҳфил ҳар сол садҳо барномаҳои фарҳангию фароғатӣ, илмию адабӣ ва оммавию варзишӣ барои муаррифии Тоҷикистони соҳибистиқлол дар арсаи байналмилалӣ доир карда мешаванд.
АКС: Кумитаи кор бо ҷавонон ва варзиши назди Ҳукумати Ҷумҳурии Тоҷикистон
ОГОҲӢ! Аз 19 то 22 июн дар баъзе минтақаҳои Тоҷикистон омадани селҳои хусусияти маҳаллидошта пешгӯӣ мешавад
ҚОНУНИ АВФ. Давлат ба ҳазорон шаҳрванд имконият медиҳад ба назди оилаҳои худ баргашта, ҳуқуқи худро ба зиндагии арзанда амалӣ созанд
Дар Душанбе оид ба тамоюлҳои рушди маориф дар давлатҳои ИДМ конфронси байналмилалӣ баргузор шуд
Дар ноҳияи Фирдавсӣ барои фаъолони ҳизб машғулияти омӯзишӣ доир гардид
Дар доираи лоиҳаи идоракунии раванди обшавии пиряхҳо ба Агентии обуҳавошиносӣ таҷҳизоти муосир дастрас карда шуд
Ҷаласаи якуми Комиссияи назди Ҳукумати Ҷумҳурии Тоҷикистон оид ба нуфус ва рушд баргузор шуд
Истироҳатгоҳи маърифатӣ ва фароғатии «Камароб» ба фаъолият оғоз намуд
Барои пешгирии ҳодисаҳои ғарқшавӣ дар шаҳру ноҳияҳои Тоҷикистон корҳои фаҳмондадиҳӣ гузаронида мешаванд
Корвони «Навои модарони ваҳдатсаро» бо фаъолияти корхонаҳои саноатии ноҳияи Ёвон шинос шуданд
АЗ РӮЗГОРИ ОДАМОНИ НАҶИБ. Ёде аз хизматҳои намоёни арбоби давлатӣ ва ҳуқуқшиноси варзида Ҳомиддин Шарифов
Сафари Корвони «Навои модарони ваҳдатсаро» ба шаҳру ноҳияҳои Тоҷикистон оғоз шуд
Имсол дар Тоҷикистон чанд дармонгоҳи нав сохта шуд?
