Дар шаҳри Ҳисор бахшида ба Рӯзи табибон ҳамоиш доир гардид
ДУШАНБЕ, 16.08.2024 /АМИТ «Ховар»/. Бо дастгирии Президенти Ҷумҳурии Тоҷикистон муҳтарам Эмомалӣ Раҳмон дар шаҳри Ҳисор дар 8 гектар сохтмони бинои нави беморхонаи марказӣ барои 205 кат дар чор қабат ба маблағи 68 миллион сомонӣ ва дар ҳудуди беморхонаи касалиҳои сироятӣ сохтмони беморхонаи касалиҳои пӯст бо маблағи 3,8 миллион сомонӣ идома дорад, ки дар арафаи ҷашни 35-солагии Истиқлоли давлатии Тоҷикистон мавриди истифода қарор мегиранд. Ин матлабро иҷрокунандаи Раиси шаҳри Ҳисор Ҷаббор Носирзода дар ҷамъомади пуршукуҳи тантанавӣ бахшида ба Рӯзи кормандони соҳаи тиб баён дошт.
АМИТ «Ховар» бо истинод ба Мақомоти иҷроияи ҳокимияти давлатии шаҳри Ҳисор иттилоъ медиҳад, ки роҳбарияти шаҳри Ҳисор собиқадорону кормандони соҳаи тандурустии шаҳрро ба муносибати иди касбӣ, ки ба зодрӯзи Абӯалӣ ибни Сино- 18 август рост меояд, табрик намуданд.
Ҳифзи иҷтимоии аҳолӣ яке аз самтҳои афзалиятноки сиёсати иҷтимоии Ҳукумати Ҷумҳурии Тоҷикистон, бахусус Президенти Ҷумҳурии Тоҷикистон муҳтарам Эмомалӣ Раҳмон маҳсуб шуда, соҳаи тандурустии шаҳр давоми солҳои соҳибистиқлолӣ рушд намуд. Кормандони соҳаи тандурустӣ дар ин давра ба пешравиҳои назаррас ноил гардида, барои пешбурди соҳа ва беҳдошти сатҳу сифати хизматрасонии тиббӣ, дар амал татбиқ кардани стратегияву барномаҳои миллии давлатӣ дар самти тандурустӣ ва солимии аҳолӣ усулҳои наву муосири муоинаву муолиҷаро ҷорӣ намуданд. Ин аст, ки беморхонаҳои госпиталии шаҳр дар умум бо 608 кат фаъолият доранд.
Имрӯз бештари кормандони соҳаи тандурустиро дар шаҳр занону духтарон ташкил медиҳанд ва беҳтарин табибони зан бо унвонҳои баланди илмӣ ва дараҷаҳои олии тахассусӣ имрӯз ба аҳолии шаҳри Ҳисор содиқона хизмат мекунанд.
Ҳамзамон аз саҳми сардухтурони Беморхонаи марказии шаҳр дар даврони соҳибистиқлолӣ дар ҳифзи сиҳатии мардум ёдоварӣ гардид.
Дар ҷамъомади идона ба чор табиб нишони фахрии «Аълочии тандурустии Ҷумҳурии Тоҷикистон» ва ба як зумра кормандони соҳа «Сипоснома» ва туҳфаҳо тақдим шуданд.
АКС: Мақомоти иҷроияи ҳокимияти давлатии шаҳри Ҳисор
Умед Бобозода ва Муҳаммад Рошид Ал-Амирӣ масоили ҳифзи ҳуқуқи инсонро баррасӣ намуданд
Бахшида ба ҷашни 35-солагии Истиқлоли давлатӣ дар шаҳри Душанбе барномаи фарҳангӣ доир шуд
Дар Душанбе ба муносибати Рӯзи кормандони соҳаи тиб ҳамоиши тантанавӣ баргузор гардид
Дар ноҳияи Восеъ бо иштироки Сарвазири Тоҷикистон иншооти иҷтимоӣ ва роҳҳои нав ба истифода дода шуданд
Эмомалӣ Раҳмон: «Ному осори Абуалӣ ибни Сино боиси сарфарозии тамоми инсоният гардидааст»
Эмомалӣ Раҳмон: «Саломатии аҳолӣ сарвати асосии давлат мебошад»
Бо дастури Пешвои миллат ба оилаи аз офати табиӣ зарардида дар Кӯлоб хонаи нави истиқоматӣ тақдим гардид
«ТАБЛИҒГАРОНИ ИСТИҚЛОЛ». Гурӯҳи тарғиботӣ — ташвиқотӣ дар ноҳияҳои Рӯдакӣ, Файзобод ва Шаҳринав дастовардҳои даврони соҳибистиқлолиро муаррифӣ намуд
Таъсиси Шурои роҳбарони мақомоти иҷрои маҷбурии кишварҳои аъзои ИДМ баррасӣ шуд
10 оилаи аз офати табиӣ зарардидаи деҳаи Баррӯшон соҳиби манзилҳои нав мешаванд
Бахшида ба Рӯзи кормандони хадамоти ҳолатҳои фавқулода ва мудофиаи гражданӣ ҳамоиши тантанавӣ доир шуд
ИМРӮЗ — РӮЗИ КОРМАНДОНИ ХАДАМОТИ ҲОЛАТҲОИ ФАВҚУЛОДА ВА МУДОФИАИ ГРАЖДАНӢ. Ҳифзи аҳолӣ аз ҳолатҳои фавқулода самти асосии фаъолияти ин ниҳод аст
