Дар Тоҷикистон барои ташхису табобати бемориҳои эндокринологӣ 6 муассисаи тиббӣ фаъолият мекунад
ДУШАНБЕ, 27.08.2024 /АМИТ «Ховар»/. Дар Тоҷикистон барои ташхису табобати бемориҳои эндокринологӣ 6 муассиса, 14 шуъба ва 92 ҳуҷраи эндокринологӣ дар назди марказҳои саломатии шаҳрию ноҳиявӣ фаъолият менамоянд. Дар ин хусус 26 август зимни баргузории ҷаласа дар Вазорати тандурустӣ ва ҳифзи иҷтимоии аҳолии Ҷумҳурии Тоҷикистон иттилоъ дода шуд.
Тавре ба АМИТ «Ховар» дар Вазорати тандурустӣ ва ҳифзи иҷтимоии аҳолии Ҷумҳурии Тоҷикистон иттилоъ доданд, дар ҷаласа доир ба масъалаи хизматрасонии тиббию санитарӣ ба шаҳрвандон, тартиби гузаронидани муоинаҳои тиббии ҳатмӣ дар муассисаҳои тандурустии ҷумҳурӣ, фаъолияти муассисаҳои кумаки аввалини тиббию санитарӣ ва вазъи кумак ва хизматрасонии тиббӣ ба бемориҳои эндокринологӣ (аз ҷумла, диабети қанд, ҷоғар ва ғайра) мавриди муҳокима қарор дода шуд.
Кумаки аввалини тиббию санитарӣ яке аз самтҳои афзалиятноки хизматрасонии соҳаи тандурустӣ ба шумор рафта, ба он пайваста аз ҷониби Ҳукумати Ҷумҳурии Тоҷикистон ва шарикони рушд таваҷҷуҳи хосса зоҳир мешавад. Дар ҳамин давраи соли 2024 дар маҷмуъ 29 муассиса сохта шуда, дар 60 муассисаи дигар сохтмон идома дорад. Инчунин 82 муассисаи кумаки аввалини тиббию санитарӣ аз таъмири асосӣ бароварда шуда, дар 78 муассиса таъмир идома дорад.
Дар баробари муассисаҳои шабакаи кумаки аввалини тиббию санитарӣ, ки ба ташхису табобати бемориҳои эндокринологӣ машғул мебошанд, ҳоло дар ҷумҳурӣ 460 кати эндокринологӣ фаъолият менамояд.
АКС: Вазорати тандурустӣ ва ҳифзи иҷтимоии аҳолии Ҷумҳурии Тоҷикистон
Умед Бобозода ва Муҳаммад Рошид Ал-Амирӣ масоили ҳифзи ҳуқуқи инсонро баррасӣ намуданд
Бахшида ба ҷашни 35-солагии Истиқлоли давлатӣ дар шаҳри Душанбе барномаи фарҳангӣ доир шуд
Дар Душанбе ба муносибати Рӯзи кормандони соҳаи тиб ҳамоиши тантанавӣ баргузор гардид
Дар ноҳияи Восеъ бо иштироки Сарвазири Тоҷикистон иншооти иҷтимоӣ ва роҳҳои нав ба истифода дода шуданд
Эмомалӣ Раҳмон: «Ному осори Абуалӣ ибни Сино боиси сарфарозии тамоми инсоният гардидааст»
Эмомалӣ Раҳмон: «Саломатии аҳолӣ сарвати асосии давлат мебошад»
Бо дастури Пешвои миллат ба оилаи аз офати табиӣ зарардида дар Кӯлоб хонаи нави истиқоматӣ тақдим гардид
«ТАБЛИҒГАРОНИ ИСТИҚЛОЛ». Гурӯҳи тарғиботӣ — ташвиқотӣ дар ноҳияҳои Рӯдакӣ, Файзобод ва Шаҳринав дастовардҳои даврони соҳибистиқлолиро муаррифӣ намуд
Таъсиси Шурои роҳбарони мақомоти иҷрои маҷбурии кишварҳои аъзои ИДМ баррасӣ шуд
10 оилаи аз офати табиӣ зарардидаи деҳаи Баррӯшон соҳиби манзилҳои нав мешаванд
Бахшида ба Рӯзи кормандони хадамоти ҳолатҳои фавқулода ва мудофиаи гражданӣ ҳамоиши тантанавӣ доир шуд
ИМРӮЗ — РӮЗИ КОРМАНДОНИ ХАДАМОТИ ҲОЛАТҲОИ ФАВҚУЛОДА ВА МУДОФИАИ ГРАЖДАНӢ. Ҳифзи аҳолӣ аз ҳолатҳои фавқулода самти асосии фаъолияти ин ниҳод аст
