Имрӯз ба ғолибони озмунҳои беҳтарин ролик ва беҳтарин акси сайёҳии шаҳри Душанбе ҷоиза супорида мешавад
ДУШАНБЕ, 27.08.2024. /АМИТ «Ховар»/. Имрӯз дар пойтахти мамлакат маросими ҷоизасупории озмунҳои «Беҳтарин ролики сайёҳии шаҳри Душанбе» ва «Беҳтарин акси сайёҳии шаҳри Душанбе» баргузор мегардад. Дар ин хусус ба АМИТ «Ховар» дар шуъбаи рушди сайёҳии Мақомоти иҷроияи ҳокимияти давлатии шаҳри Душанбе хабар доданд.
Озмунҳо бо мақсади амалисозии тадбирҳо вобаста ба рушди сайёҳӣ, тарғиби зебоиҳои пойтахти мамлакат, муаррифии имконияту зарфияти сайёҳӣ, маконҳои таърихиву фарҳангии он ва дар ин замина ҷалби бештари сайёҳони дохилӣ ва хориҷӣ дар асоси қарорҳои дахлдори Раиси шаҳри Душанбе муҳтарам Рустами Эмомалӣ баргузор гардиданд.
Дар озмунҳо матнҳои тарғиботӣ ва роликҳои рекламавӣ таҳия гардида, эълонҳо вобаста ба баргузории онҳо тавассути воситаҳои ахбори омма ва шабакаҳои иҷтимоӣ, бахусус дар сомона ва саҳифаҳои иҷтимоии Мақомоти иҷроияи ҳокимияти давлатии шаҳри Душанбе, АМИТ «Ховар», рӯзномаи «Паёми Душанбе», муассисаҳои давлатии «Телевизиони Душанбе», телевизиони «Сайёҳӣ ва ҳунарҳои мардумӣ», инчунин саҳифаҳои иҷтимоии шуъбаи рушди сайёҳӣ дар Фейсбук, Инстаграм ва Телеграм ба таври васеъ инъикос карда шуданд.
Озмуни «Беҳтарин ролики сайёҳии шаҳри Душанбе» дар ду номинатсия — шахсони ҳуқуқӣ ва шахсони воқеӣ доир гардида, озмуни «Беҳтарин акси шаҳри Душанбе» дар як давр — даври шаҳрӣ ва дар як марҳила доир карда шуд.
АКС: Шуъбаи рушди сайёҳии Мақомоти иҷроияи ҳокимияти давлатии шаҳри Душанбе
Тоҷикистону Ҳиндустон ҳамкории фарҳангӣ ва сайёҳиро таҳким мебахшанд
РУШДИ САЙЁҲӢ ДАР БАДАХШОН. Сабзазорҳои алпӣ, биёбонҳои баландкӯҳ, дарёҳои тезҷараён ва кӯлҳои мусаффои он назаррабо мебошанд
Ҳайати Тоҷикистон дар ҷаласаи 71-уми ҷаласаи Комиссияи Аврупоии Созмони умумиҷаҳонии сайёҳӣ иштирок намуд
Раиси шаҳри Душанбе бо губернатори Ҳукумати мардумии музофоти Шенсии Чин мулоқот намуданд
Рустами Эмомалӣ бо Сафири Ҷопон дар Тоҷикистон Кейко Фурута мулоқот намуданд
Дар Тоҷикистон экспедитсияи сайёҳии «Саёҳат ба қалби Авруосиё-2025» баргузор мешавад
Мавзеи сайёҳии «Арху» ба макони писандидаи сайёҳон табдил ёфтааст
Иштирокдорони Конфронси байналмилалии сатҳи баланд оид ба ҳифзи пиряхҳо бо корҳои сохтмонӣ дар НБО «Роғун» шинос шуданд
Эла Ионеску, намоянда аз Руминия: «Шумо, одамони хушбахтед, ки чунин Ватани зебо доред»
СИЁМА. Оби ин дарё ба даҳгонаи обҳои беҳтарини ҷаҳон дохил гардидааст
Варзишгар аз Амрико Каролина Глейш: «Ба дӯстону ҳамкоронам дар бораи табиати нотакрори Тоҷикистон нақл хоҳам кард»
Иштирокдорони Конфронси байналмилалии сатҳи баланд оид ба ҳифзи пиряхҳо мавзеъҳои таърихию фарҳангии Тоҷикистонро тамошо мекунанд
