НИШАСТИ МАТБУОТӢ. Соли 2023 17 донишҷӯи Консерваторияи миллӣ ғолиби озмуни «Тоҷикистон-Ватани азизи ман» гардид
ДУШАНБЕ, 05.08.2024. /АМИТ «Ховар»/. Соли 2023 23 донишҷӯи Консерваторияи миллии Тоҷикистон ба номи Талабхӯҷа Сатторов дар Озмуни ҷумҳуриявии «Тоҷикистон-Ватани азизи ман» иштирок намуда, 17 нафар ғолиби он гардид. Дар ин хусус имрӯз зимни нишасти матбуотӣ ректори Консерваторияи миллии Тоҷикистон Миралӣ Достизода ба хабарнигорон иттилоъ дод.
Ба гуфтаи ректори Консерватория, «ҳадаф аз баргузории озмуни «Тоҷикистон-Ватани азизи ман» дарёфти истеъдодҳои нави соҳаи санъат, баланд бардоштани мақому маҳорати касбии ҷавонону наврасон, тақвият бахшидан ба касбияти баланди ҳунари иҷрокунандагӣ мебошад, ки иштироки донишҷӯёни мо дар он назаррас мебошад».
Дар ин давра ансамбли донишҷӯёни шуъбаи созҳои халқии Консерватория дар озмуни байналмилалӣ таҳти унвони «Садои Наврӯз» дар шаҳри Тошканди Ҷумҳурии Узбекистон иштирок намуда, сазовори ҷойи аввал гардид.
Тавре Миралӣ Достизода баён дошт, ин дастовард мояи ифтихори кулли омӯзгорон ва муҳассилини муассиса буда, бори дигар собит месозад, ки ин даргоҳи илму ҳунар дар тарбияи мутахассисони соҳаи мусиқии касбӣ нақши муҳим дорад.
Дар Консерватория 307 донишҷӯ аз рӯйи низоми кредитӣ дар 13 ихтисос таҳсил менамоянд, ки 42 нафарашон шаҳрвандони хориҷӣ мебошанд.
Имсол Консерваторияро 53 донишҷӯ хатм карда, пурра бо ҷойи кор таъмин шуданд.
Шаҳлои САДРИДДИН,
АМИТ «Ховар»
АКС: АМИТ «Ховар»
РУШДИ САЙЁҲӢ. Дар шаҳри Бӯстон барои ҳунармандони истеҳсолкунандаи армуғон озмун эълон гардид
Нақши тоҷикон дар ташаккул ва рушди Роҳи бузурги Абрешим дар Душанбе баррасӣ шуд
«ДУРАХШИ АХТАРОН: ҶОМӢ ВА НАВОӢ». «Тоҷикфилм» ва «Узбекфилм» санҷиши видеоии ҳунарпешаҳоро барои ин филм оғоз намуданд
«ТОҶИКИСТОН-ВАТАНИ АЗИЗИ МАН». Аз 25 то 30 сентябр даври сеюми озмуни ҷумҳуриявӣ баргузор мегардад
Дар Осорхонаи миллии Тоҷикистон доир ба ҳунарҳои мардумӣ намоиш баргузор мегардад
«ОЗАР». Дар Тоҷикистон бори аввал Фестивали байналмилалии ҳунармандӣ баргузор мегардад
«ҚАДРШИНОСИИ ҲУНАРИ АСИЛ». Дар Душанбе Синамоҷоизаи дуюми миллии «Тоҷи Сомон» доир мегардад
«ТОҶИКОН ДАР ОИНАИ ТАЪРИХ. АЗ ОРИЁН ТО СОМОНИЁН». Ин асари таърихии Пешвои миллат бо забони кореягӣ рӯнамоӣ гардид
«ОБУ НОНАМ, ҶИСМУ ҶОНАМ, ОРМОНАМ, ТОҶИКИСТОН!». Ду шеъри шоир Камол Насрулло эҳдо ба 33-солагии Истиқлолияти давлатии Тоҷикистон
ИСТИҚЛОЛИЯТИ ДАВЛАТӢ. Он барои миллати тоҷик эҳёи навин, ҳосили хиради зотӣ ва подоши сазовори таърихӣ мебошад
«ЗИ ДУРИИ ЗАМОНАҲО РАСИДАЕМ…». Имрӯз аз қабули Суруди миллии Тоҷикистон 30 сол сипарӣ мегардад
Китоби «Қонуни тиб»-и Абуалӣ ибни Сино барандаи Шоҳҷоизаи озмуни байналмилалӣ шуд
