НИШАСТИ МАТБУОТӢ. Аз ҷониби Агентии назорат дар соҳаи маориф ва илм дар 614 муассисаи таълимӣ санҷиш гузаронида шуд
ДУШАНБЕ, 03.08.2024. /АМИТ «Ховар»/. Аз ҷониби Агентии назорат дар соҳаи маориф ва илми назди Президенти Ҷумҳурии Тоҷикистон дар шашмоҳаи аввали соли 2024 барои муайян намудани сифати таҳсил ва сатҳи донишазхудкунии хонандагону донишҷӯён дар 614 муассисаи таълимӣ санҷиши сатҳи сифати таҳсил ва аттестатсияи давлатӣ гузаронида шуд. Дар ин хусус директори агентӣ Маҳмадтоир Саидзода 2 август зимни нишасти матбуотӣ ба хабарнигорон иттилоъ дод.
“Аз ҷумла, 568 муассисаи таҳсилоти миёнаи умумӣ, 13 муассисаи таълимии хусусӣ ва дорои мақоми ҷумҳуриявӣ (литсей, гимназия, мактабҳои президентӣ), 7 муассисаи таҳсилоти ибтидоии касбӣ, 19 муассисаи таҳсилоти миёнаи касбӣ ва 7 муассисаи таҳсилоти олии касбӣ аз аз санҷиш гузаронида шуд”, — афзуд директори агентӣ.
Ба иттилои директори агентӣ, аз натиҷаи санҷишҳои сатҳи сифати таҳсил ва аттестатсияҳои давлатии муассисаҳои таълимӣ бармеояд, ки нисбат ба солҳои қаблӣ болоравии сифати таҳсил ва сатҳи донишазхудкунии хонандагону донишҷӯён беҳтар гардидааст. Ин ба арзёбии мусбати асосҳои меъёрии ҳуқуқӣ, мустаҳкам намудани заминаи моддию техникӣ, таъмин намудани муассисаҳои таълимӣ бо озмоишгоҳҳои муҷаҳҳази таълимӣ, фароҳам овардани шароити хуби таҳсил, таъминот бо кадрҳои омӯзгорӣ ва адабиёти таълимӣ вобаста мебошад.
Иттилоъ дода шуд, ки дар шашмоҳаи якуми соли 2024 арзёбии сифати таҳсил дар муассисаи таҳсилоти миёнаи умумии шаҳру ноҳияҳои ҷумҳурӣ бо ҷалби 524 ҳазору 874 нафар таълимгирандагони муассисаҳои таҳсилоти умумӣ дар шакли муайян намудани сатҳи сифати таҳсил ва гузаронидани аттестатсияи давлатӣ ба роҳ монда шуд.
“Таҳлили натиҷаҳои аттестатсияи давлатӣ ва санҷиши сатҳи сифати таҳсил нишон медиҳад, ки сифати дониши таълимгирандагони муассисаҳои таҳсилоти умумӣ дар ҷумҳурӣ 33,2% ва сатҳи донишазхудкунии онҳо 79,5%-ро ташкил медиҳад” — изҳор дошт Маҳмадтоир Саидзода.
Зарангези ЛАТИФ,
Тоҳири САИД (АКС)
АМИТ «Ховар»
Дар Донишгоҳи байналмилалии сайёҳӣ ва соҳибкории Тоҷикистон маросими супоридани мукофотҳои давлатӣ баргузор шуд
Оид ба дастовардҳои илмии Тоҷикистон дар солҳои соҳибистиқлолӣ ҳамоиш доир шуд
«Барномаи давлатии такмили таълим ва омӯзиши забонҳои русӣ ва англисӣ барои давраи то соли 2030» баррасӣ гардид
Панҷ нуктаи омӯзанда аз Рӯзи дониш ва Дарси сулҳ бо паёми Президенти Тоҷикистон
Дар Донишгоҳи аграрии Тоҷикистон синфхонаи замонавӣ барои донишҷӯён ба истифода дода шуд
Президенти Фонди ОПЕК оид ба рушди байналмилалӣ бо имконоти Донишгоҳи байналмилалии сайёҳӣ ва соҳибкории Тоҷикистон шинос гардид
Муҳаққиқи ҷавони тоҷик Омина Холиқзода дар Чин соҳиби медалҳои тилло ва нуқра гардид
Пешвои миллат Эмомалӣ Раҳмон дар шаҳри Душанбе Муассисаи таълимии ғайридавлатии таҳсилоти миёнаи умумии «Имкон»-ро ба истифода доданд
35-СОЛАГИИ ИСТИҚЛОЛИ ДАВЛАТӢ. Дар назди 12 муассисаи таълимии шаҳри Ваҳдат биною синфхонаҳои иловагӣ ба истифода дода мешаванд
Имрӯз дар Тоҷикистон беш аз 240 ҳазор кӯдакон ба синфи якум рафтанд
Аз 1 сентябр донишҷӯёни тоҷик дар Русия метавонанд ҷойи зисти худро тавассути барномаи мобилии «Амина» ба қайд гиранд
Президенти Тоҷикистон: «Падару модарон ба тарбияи фарзандон бояд бо масъулияти баланд муносибат намоянд»
