НИШАСТИ МАТБУОТӢ. Дар Вазорати адлияи Тоҷикистон омилҳои асосии барҳамхӯрии иттиҳодияҳои ҷамъиятӣ шарҳ дода шуд
ДУШАНБЕ, 08.08.2024. /АМИТ «Ховар»/. Дар шашмоҳаи аввали соли 2024 дар Вазораи адлияи Ҷумҳурии Тоҷикистон 48 иттиҳодияи ҷамъиятӣ ба қайди давлатӣ гирифта шуда, фаъолияти 53 иттиҳодияи ҷамъиятӣ қатъ гардид. Дар ин хусус имрӯз зимни нишасти матбуотӣ сардори Раёсати бақайдгирии давлатии ташкилоти ҷамъиятӣ ва ҳизбҳои сиёсии Вазорати адлияи ҷумҳурӣ Илҳом Маҳмудзода иттилоъ дод.
Ба иттилои ӯ, 53 иттиҳодияи ҷамъиятӣ ва 11 филиалу намояндагиҳо бақайдгирии давлатии барҳамдиҳиро дар Вазорати адлияи мамлакат гузаштаанд. «Нисбат ба шашмоҳаи аввали соли 2023 барҳамдиҳии иттиҳодияҳои ҷамъиятӣ кам гардидааст, зеро дар шашмоҳаи аввали соли 2023 бақайдгирии давлатии барҳамдиҳиро 224 иттиҳодияи ҷамъиятӣ гузашта буд. Имсол ин шумора ба 53 адад расидааст»,-баён дошт сардори раёсат.
Аз иттиҳодияҳои давлатие, ки дар нимсолаи аввал бақайдгирии давлатии барҳамдиҳиро гузаштаанд, фаъолияти ҳамагӣ 3 иттиҳодияи ҷамъиятӣ бо пешниҳоди Вазорати адлия аз тарафи суд қатъ карда шуд. Ҳамзамон фаъолияти 50 иттиҳодияи ҷамъиятии дигар бо муроҷиати худи иттиҳодияҳо барҳам дода шуд.
Илҳом Маҳмудзода омили асосии барҳамхӯрии иттиҳодияҳои ҷамъиятиро фаъолият надоштан, надоштани грант ва танқисиҳои худи ташкилоти ҷамъиятӣ унвон намуд. Ба гуфтаи ӯ, яке аз омилҳои асосии барҳамхурӣ- ин дар вақти гузаштани санҷиш аз тарафи кормандони Вазорати адлия ошкор кардани камбудиҳои ҷиддӣ дар фаъолияти онҳо мебошад.
«Ҳангоми ошкор гардидани камбудиҳои ҷиддӣ аз ҷониби кормандони вазорат дар фаъолияти иттиҳодияҳои ҷамъиятӣ бо пешниҳоди аризаи даъвогӣ фаъолияти онҳо қатъ карда шуд. Агар дар вақти муайян кардани санҷиш камбудиҳои начандон ҷиддӣ ошкор гашта бошанд, фаъолияти онҳо барои қатъ намудан пешниҳод намешавад ва бо мусоидати кормандони адлия камбудиҳои ҷойдошта бартараф карда мешаванд»,-афзуд Илҳом Маҳмудзода.
Шаҳлои САДРИДДИН,
АМИТ «Ховар»
АКС: АМИТ «Ховар»
Котиби Шурои амният Юсуф Раҳмон бо Вазири давлатии Вазорати мудофиаи Подшоҳии Муттаҳидаи Британияи Кабир ва Ирландияи Шимолӣ Вернон Коаке мулоқот намуд
Ҷаласаи Комиссияи даъвати ҷумҳуриявӣ оид ба омодагӣ ба даъвати тирамоҳии соли 2026 ба хизмати ҳарбӣ доир шуд
Кумитаи ҳолатҳои фавқулода ва мудофиаи гражданӣ: «Барои пешгирии оқибатҳои сел селроҳаҳо ва роҳҳои обгузарро пешакӣ тоза намоед»
ТОҶИКИСТОНИ СОҲИБИСТИҚЛОЛ — ПАЙВАНДГАРИ ТАМАДДУНИ ОРИЁӢ. Андешаҳо оид ба Анҷумани тоҷикон ва форсизабонони ҷаҳон – «Пайванд»
Низомиёни Тоҷикистон дар Форуми байналмилалии 13-уми Сяншани Пекин иштирок намуданд
Дар Тоҷикистон бо мақсади пешгирии ҳодисаҳои роҳу нақлиёт амалиёти «Автобус» оғоз гардид
Ҳабибулло Воҳидзода бо прокурорҳои генералии Қазоқистон ва Туркманистон мулоқот намуд
Намояндагони Тоҷикистон дар вохӯрии роҳбарони бюроҳои миллии марказии «Интерпол»-и давлатҳои ИДМ иштирок намуданд
Тоҷикистон ва Ҳиндустон ҳамкориро дар самти пешгирӣ ва рафъи ҳолатҳои фавқулода тақвият медиҳанд
Прокурорҳои генералии Тоҷикистон ва Эрон тақвияти ҳамкории ҳуқуқиро баррасӣ намуданд
Ҳабибулло Воҳидзода дар ҷаласаи ҳафтуми прокурорҳои генералии кишварҳои аъзои Созмони ҳамкории иқтисодӣ иштирок намуд
Дар Душанбе бо ҳамватанони бурунмарзӣ вохӯрӣ доир шуд
