Пагоҳ дар Тоҷикистон Рӯзи кормандони соҳаи тиб таҷлил мегардад
ДУШАНБЕ, 17.08.2024 /АМИТ «Ховар»/. Тибқи Қонуни Ҷумҳурии Тоҷикистон «Дар бораи рӯзҳои ид» ҳамасола дар мамлакат 18 август Рӯзи кормандони соҳаи тиб таҷлил мешавад. Ин сана ба рӯзи тавлиди олим, файласуф, табиби ҳозиқи ҷаҳон, шоири классики адабиёти тоҷику форс Шайхурраис Абӯалӣ ибни Сино рабт дорад. Айни замон дар муассисаҳои тандурустии Тоҷикистон 21 616 нафар табиб ва 62 485 нафар корманди миёнаи тиббӣ фаъолият доранд, ки ин шумора нисбат ба соли 2023 2,1 ва 1,8 фоиз зиёд мебошад.
Тавре дар Вазорати тандурустӣ ва ҳифзи иҷтимоии аҳолии мамлакат ба АМИТ «Ховар» иттилоъ доданд, тибқи омори пешакӣ, банд будани воҳидҳои кории табибон 91,4 ва кормандони миёнаи тиббӣ 99,0 фисадро ташкил дода, нисбат ба соли 2023 тахминан 3,5 ва 1,4 фоиз зиёд мебошад.
Барои баланд гардидани малакаи касбии табибон дар шашмоҳаи якуми соли равон 1167 нафар табибон ва 2347 нафар кормандони миёнаи тиббӣ ба аттестатсия фаро гирифта шуданд, ки нисбат ба шаш моҳи соли 2023 мутаносибан табибон 180 нафар зиёд ва кормандони миёнаи тиббӣ 1029 нафар кам мебошанд.
Баъди хатми муассисаҳои тиббӣ аз ҷониби Вазорати тандурустӣ ва ҳифзи иҷтимоии аҳолии мамлакат хатмкунандагон барои фаъолият намудан ба шаҳру ноҳияҳои ҷумҳурӣ роҳхат дода мешаванд. Теъдоди ба ҷои кор ҳозиршудагони гурӯҳҳои буҷавии коллеҷҳои тиббии давлатӣ дар солҳои 2022-2023 дар умум 67,5 фоизро ташкил медиҳад, ки нисбат ба соли 2023 4,9 фисад зиёд мебошад.
Дар айни замон аз ҷониби муассисаҳои таълимию илмии вазорат 46 лоиҳаи илмию таҳқиқотӣ аз ҳисоби буҷети давлатӣ маблағгузорӣ карда мешаванд, ки нисбат ба ҳамин давраи соли 2023 16 адад зиёд мебошад.
Дар ҷумҳурӣ 37 коллеҷи тиббӣ, аз ҷумла 16 коллеҷи тиббии давлатӣ ва 21 коллеҷи тиббии ғайридавлатӣ фаъолият доранд.
АКС: АМИТ «Ховар»
Бо риояи қоидаҳои одӣ худро аз таъсири гармӣ муҳофизат намоед
Дар ноҳияи Зафаробод агрегати нави пойгоҳи обкашии «Мирзочӯл-2» ба истифода дода шуд
Дар басти якуми истироҳатгоҳи «Ширкент» зиёда аз 320 нафар кӯдакону наврасон ба истироҳати бофароғат ҷалб гардиданд
Доир ба хатари сиёсисозии дини ислом ба амнияту суботи давлат ва ҷомеа конференсияи илмӣ-амалӣ баргузор гардид
Вазирони тандурустии давлатҳои аъзои ТУТ масъалаи муқовимат ба ҳолатҳои фавқулодаро баррасӣ намуданд
Дар Фаронса дастовардҳои Тоҷикистон дар самти ислоҳоти судӣ — ҳуқуқӣ муаррифӣ гардид
ИМРӮЗ–РӮЗИ ТАЪСИСИ БОЗРАСИИ ДАВЛАТИИ АВТОМОБИЛӢ. Амнияти ҳаракат дар роҳ самти асосии фаъолияти ин мақомот мебошад
Дар моҳи июл Тоҷикистонро чӣ гуна ҳаво интизор аст?
Дар Душанбе нахустин маротиба Рӯзи кормандони соҳаи суғуртаи иҷтимоӣ ва нафақа таҷлил гардид
ҒИЗОИ СОЛИМ. Омили афзоиши бемории диабети қанд истеъмоли ғизои аз ҳад зиёд ва номутаносиб мебошад
1 ИЮЛ — РӮЗИ КОРМАНДОНИ СОҲАИ СУҒУРТАИ ИҶТИМОӢ ВА НАФАҚА. Дар солҳои соҳибистиқлолӣ андозаи нафақаҳо зиёда аз 20 маротиба зиёд карда шуд
Дар Душанбе дар мавзуи «Сиёсисозии ислом ва хатари он ба амнияти сиёсӣ ва суботи ҷомеа» ҳамоиши илмӣ доир мегардад
