ПАНҶСОЛАИ РУШДИ САНОАТ. Дар шаҳри Ҳисор 5 корхонаи саноатӣ ба истифода дода шуд
ДУШАНБЕ, 01.08.2024 /АМИТ «Ховар»/. Бахшида ба Солҳои рушди саноат (2022-2026) дар шаҳри Ҳисор имсол 5 корхонаи саноатӣ ба истифода дода шуд, ки дар натиҷа қариб 60 нафар бо ҷойи кори доимӣ таъмин гардид. Дар ин хусус ба намояндагони воситаҳои ахбори омма 1 август иҷрокунандаи вазифаи Раиси шаҳри Ҳисор Ҷаббор Носирзода зимни натиҷагирӣ аз фаъолияти Мақомоти иҷроияи ҳокимияти давлатии шаҳри Ҳисор дар шашмоҳаи аввали имсол иттилоъ дод.
Гуфта шуд, ки дар ин давра дар Ҷамоати деҳоти Дурбат 1 корхонаи таъмири трансфарматорҳо, дар Ҷамоати деҳоти Деҳқонобод ва Сомон ду корхонаи истеҳсоли шифери асбестӣ, дар Ҷамоати деҳоти ба номи Мирзо Турсунзода корхонаи истеҳсоли хишти сабук ва дар Ҷамоати деҳоти Ҳисор корхонаи пахтатозакунӣ мавриди баҳрабардорӣ қарор дода шуданд. Ин корхонаҳо на танҳо ба таъсиси ҷойҳои нави корӣ, балки ба рушди саноат, афзоиши ҳаҷми истеҳсоли маҳсулоти ватанӣ ва ғанӣ гардонидани бозори дохилӣ, коҳиш додани маҳсулоти воридотӣ мусоидат менамоянд.
Таъкид гардид, ки ҳоло корҳо дар самти таъсиси минтақаи саноатӣ, ки бояд тибқи нақшаи генералии шаҳри Ҳисор дар ҳамкорӣ бо вазорату идораҳои марбутаи мамлакат дар 12 гектар ташкил шавад, идома доранд.
Бо натиҷагирӣ аз рушди соҳаи саноати шаҳр иҷрокунандаи Раиси шаҳри Ҳисор иброз намуд, ки дар 89 корхонае, ки дар шаҳри Ҳисор фаъолият дорад, суръати рушди ҳаҷми истеҳсоли маҳсулоти саноатӣ бо нархҳои муқоисавӣ беш аз 102 фоизро ташкил дода, аз ҳисоби саноати коркард беш аз 101 фоиз, тақсимоти неруи барқ 94,7 фоиз ба амал омада, рушди саноати истихроҷи маъдан 121,2 фоизро ташкил дод.
Марзия САИДЗОДА,
АМИТ «Ховар»
АКС: АМИТ «Ховар»
Дар Душанбе Форуми байналмилалии заргарӣ ва Намоишгоҳи Тоҷикистон ифтитоҳ гардид
Ҷашни Наврӯз дар Вазорати саноат ва технологияҳои нав бо намоиши дастовардҳои истеҳсолӣ, ихтироот ва инноватсия таҷлил шуд
Байни Тоҷикистон ва Русия оид ба таъсиси Парки саноатӣ дар Тоҷикистон созишнома ба имзо расид
Дар рӯзҳои таҷлили Наврӯз дар Душанбе Форуми байналмилалии заргарӣ ва Намоишгоҳи Тоҷикистон баргузор мегардад
Байни Тоҷикистон ва Қирғизистон Ёддошти тафоҳум оид ба ҳамкорӣ дар соҳаи саноат ва технологияҳои нав ба имзо расид
Масъалаи таъсиси корхонаи истеҳсоли техникаи маишӣ дар Минтақаи озоди иқтисодии «Суғд» баррасӣ шуд
35-СОЛАГИИ ИСТИҚЛОЛИ ДАВЛАТӢ. Дар шаҳри Панҷакент коргоҳи истеҳсоли шифер бунёд карда мешавад
Байни Тоҷикистон ва Аморот сафарҳои омӯзишии олимон, пажуҳишгарон ва донишҷӯён амалӣ карда мешаванд
Дар Абузабӣ истифодаи зеҳни сунъӣ дар таъмини бехатарии ҷомеа баррасӣ гардид
Тоҷикистон бо ширкати “Venture One” ҳамкорӣ менамояд
Байни минтақаҳои Тоҷикистон ва Амороти Муттаҳидаи Араб ҳамкорӣ амалӣ мешавад
Дар шаҳри Абузабӣ мулоқоти вазирони саноати Тоҷикистон ва Амороти Муттаҳидаи Араб доир шуд
