Президенти Қазоқистон бо Сарвазири Тоҷикистон мулоқот намуд
ДУШАНБЕ, 23.08.2024 /АМИТ «Ховар»/. Имрӯз мулоқоти Президенти Ҷумҳурии Қазоқистон Қосим-Жомарт Токаев, ки бо сафари давлатӣ дар шаҳри Душанбе қарор дорад, бо Сарвазири Ҷумҳурии Тоҷикистон Қоҳир Расулзода баргузор шуд.
Ҷонибҳо муҳимтарин масоили ҳамкории дуҷонибаву бисёрҷонибаро мавриди баррасӣ қарор дода, барои тақвияти ҳамгироӣ ҳавасмандӣ зоҳир намуданд.
Дар мулоқот иброз гардид, ки соли 2023 байни Тоҷикистон ва Қазоқистон 39 санади ҳамкорӣ ба имзо расонида шуд, ки дар тақвияти ҳамкории гуногунсоҳаи ҳарду давлат нақши муассир мегузоранд. Дар маҷмуъ муносибатҳои ҳарду давлатро беш аз 150 санади ҳамкорӣ ба танзим медарорад.
Таъкид карда шуд, ки Қазоқистон барои Тоҷикистон яке аз давлатҳои шарики стратегӣ дар минтақа маҳсуб ёфта, дар сохтори тиҷорати хориҷии Тоҷикистон соли 2023 бо ҳиссаи 13,8 дарсад дар зинаи чорум қарор гирифт.
Соли 2023 мубодилаи мол байни Тоҷикистон ва Қазоқистон беш аз 1 миллиард долларро ташкил намуд. Ҳарду давлат тасмим гирифтаанд, ки ояндаи наздик ин нишондиҳандаро то ба 2 миллиард доллар расонанд.
Ҳоло дар Тоҷикистон қариб 80 корхонаи муштарак фаъолият дошта, дар Қазоқистон ҳам чунин корхонаҳо бо иштироки сармоягузорони тоҷик мавҷуд мебошад.
Барои ноил гардидан ба нақшаҳои пешбинишуда байни ҳарду давлат имконияти фаровон мавҷуд аст, ки аснои мулоқот ҷонибҳо истифодаи мақсадноки онро зарур шумориданд.
АКС: АМИТ «Ховар»
Дар Риёз ҳамкорӣ байни Муассисаи давлатии «Тоҷикфилм» ва Комиссияи синамои Арабистони Саудӣ баррасӣ шуд
Дар Вена баргузории ҷаласаи навбатии Комиссияи муштараки байниҳукуматии Тоҷикистону Австрия баррасӣ шуд
Сафири Тоҷикистон бо муовини вазири корҳои дохилии Миср мулоқот намуд
Сафири Тоҷикистон бо муовини Вазири адлияи Эрон мулоқот намуд
Сироҷиддин Муҳриддин бо муовини парлумонии вазири корҳои хориҷии Ҷопон Эри Арфия мулоқот намуд
Сафири Тоҷикистон дар вохӯрии муовини Котиби давлатии ИМА бо сафирони кишварҳои Осиёи Марказӣ иштирок намуд
Ҳамкории дуҷонибаи Тоҷикистону Умон баррасӣ гардид
Сафири Тоҷикистон бо раиси Палатаи савдо ва саноати Салтанати Умон мулоқот намуд
Ҳамкории Тоҷикистон ва Эрон дар соҳаи илму фарҳанг баррасӣ шуд
Дар Берлин консерти ансамбли «Моҳирон» дар доираи фестивали байналмилалии Young Euro Classic баргузор гардид
Ҳамкории Тоҷикистону Кувайт дар соҳаи ҳуқуқи инсон баррасӣ шуд
Дар Кувайт ҳамкорӣ ва ҳамоҳангсозӣ дар самти консулӣ байни Тоҷикистон ва Давлати Кувайт баррасӣ гардид
