РӮЗИ ВАРЗИШГАРОНИ ТОҶИКИСТОН. Бахшида ба он дар ноҳияи Ёвон ҳамоиши тантанавӣ доир шуд
ДУШАНБЕ, 09.08.2024. /АМИТ «Ховар»/. Дар асоси Қонуни Ҷумҳурии Тоҷикистон «Дар бораи рӯзҳои ид» 10 август дар Тоҷикистон Рӯзи варзишгарон муқаррар шудааст. Бо ин мақсад дар Боғи Ғалабаи ноҳияи Ёвон ҳамоиши тантанавӣ доир карда шуд. Дар ин хусус АМИТ «Ховар» бо истинод ба Мақомоти иҷроияи ҳокимияти давлатии ноҳияи Ёвон хабар медиҳад.
Раиси ноҳия Бахтиёр Шарифӣ бо намоишгоҳи дастовардҳои варзишгарони ноҳия шинос шуда, барои боз ҳам баланд бардоштани нуфузи варзишии ноҳия ба варзишгарон маслиҳатҳои муфид дод. Иброз гардид, ки Рӯзи варзишгарони мамлакат дар рӯзҳое баргузор мегардад, ки имрӯзҳо тамоми варзишгарону мухлисони соҳаи варзиши ҷаҳон аз баргузории Бозиҳои олимпии Париж-2024, ки аз рӯйи 32 намуди варзиш идома дорад, истиқбол менамоянд.
Иттилоъ дода шуд, ки варзишгарони муваффақи ноҳия имсол аз мусобиқаҳои сатҳи вилоятию ҷумҳуриявӣ ва байналмилалӣ соҳиби 42 медал, аз ҷумла 11 медали тилло, 6 медали нуқра ва 25 медали биринҷӣ гардиданд, ки ба ин васила шарафи варзиши ноҳияро дар ин мусобиқаҳо муаррифӣ намудаанд.
Бо мақсади мубодилаи таҷриба зиёда аз 50 навраси мактаби варзишии махсуси футбол аз 5 то 10 июли имсол дар Ҷумҳурии Узбекистон дар 14 мусобиқаи футбол иштирок намуда, дар ҳамаи мусобиқаҳо ғолиб гардиданд.
Дар идомаи ҳамоиши тантанавӣ мусобиқаҳои варзишие, ки ба ифтихори Рӯзи варзишгарон дар ноҳия идома доштанд, ҷамъбаст ва ғолибон бо диплом ва туҳфаҳои хотиравӣ сарфароз гардонида шуданд. Инчунин ба варзишгароне, ки дар ин давра дар мусобиқаҳои сатҳи ҷумҳуриявӣ ва байналмиллалӣ иштирок намуда, Парчами давлатиро баланд бардоштанд, дар фазои тантанавӣ сипосномаҳои Раиси ноҳия ва туҳфаҳо тақдим шуданд.
АКС: Мақомоти иҷроияи ҳокимияти давлатии ноҳияи Ёвон
БАРНОМАИ КАБУДИЗОРКУНӢ. Аз ҷониби Агентии хоҷагии ҷангал дар Тоҷикистон 102 ҳазор бех ниҳол шинонида шуд
Имрӯз дар баъзе ноҳияҳои Тоҷикистон чангу ғубор ба амал меояд
Имрӯз дар водиҳои Тоҷикистон ҳаво то 33 дараҷа гарм мешавад
«МегаФон Тоҷикистон»: Русия ва Тоҷикистон ҳамкориро дар соҳаи рақамикунонӣ тақвият мебахшанд
Имрӯз дар ноҳияҳои кӯҳии Тоҷикистон ҳаво то 27 дараҷа гарм мешавад
Дар кӯчаҳои Хуҷанд барои пешгирии ифлосшавии муҳити зист дурбинҳои назоратӣ насб гардиданд
Имрӯз дар шаҳри Душанбе ҳаво то 28 дараҷа гарм мешавад
Дар соҳаҳои маорифу тандурустии ноҳияи Ёвон нақшаи захираи ангишт пурра иҷро гардид
Имрӯз дар водиҳои Тоҷикистон ҳаво то 28 дараҷа гарм мешавад
35-СОЛАГИИ ИСТИҚЛОЛИ ДАВЛАТӢ. Дар ноҳияи Ишкошим сохтмони Литсейи касбии техникӣ оғоз ёфт
Сарони давлатҳо қарорро дар бораи таъсиси қолаби нав бо номи «ИДМ плюс» имзо карданд
Раим Саданшоев: «Мо на танҳо дар самти таъмини алоқа, балки дар дигар соҳаҳо низ ҳамроҳи шумоем»
