«Роҳи оҳани Тоҷикистон» ва «Ширкати миллии Қазоқистон темир жоли» ҳамкориро таҳким мебахшанд
ДУШАНБЕ, 27.08.2024 /АМИТ «Ховар»/. Тоҷикистон ва Қазоқистон ҳамкориро дар соҳаи нақлиёти роҳи оҳан ва логистика таҳким мебахшанд. 22 август дар Душанбе дар доираи сафари давлатии Президенти Ҷумҳурии Қазоқистон ба Ҷумҳурии Тоҷикистон байни Корхонаи воҳиди давлатии /КВД/ «Роҳи оҳани Тоҷикистон» ва Ҷамъияти саҳомии «Ширкати миллии Қазоқистон темир жоли» Ёддошти ҳамкорӣ ба имзо расид.
Ба АМИТ «Ховар» дар Корхонаи воҳиди давлатии «Роҳи оҳани Тоҷикистон» иттилоъ доданд, ки ҳадафи Ёддошти ҳамкорӣ муайян намудани самтҳо ва шартҳои асосии ҳамкорӣ дар соҳаи нақлиёти роҳи оҳан ва логистика дар доираи салоҳияти тарафҳо мебошад.
Ҷонибҳо барои татбиқи ин ёддошт тибқи тартиби муқаррарнамудаи қонунгузории Ҷумҳурии Тоҷикистон ва Ҷумҳурии Қазоқистон ҳамкории мутақобили судманд анҷом медиҳанд.
Дар асоси ин санад ҷонибҳо ба мувофиқа расиданд, ки тибқи қонунгузории Ҷумҳурии Тоҷикистон ва Ҷумҳурии Қазоқистон ҳамкории мутақобилан судмандро дар асоси принсипҳои баробарӣ, эҳтиром, боварӣ, ҳамфикрӣ ва нафъи тарафайн дар соҳаи логистикаи нақлиётӣ тақвият диҳанд. Инчунин дар доираи фаъолият ва манфиатҳои муштарак тамоми масъалаҳоро самаранок ҳал намоянд.
Инчунин ҷонибҳо дар доираи татбиқи Ёддошти ҳамкорӣ мубодилаи иттилооти марбута ва пешниҳодҳоро татбиқ менамоянд.
Марзия САИДЗОДА,
АМИТ «Ховар»
АКС: АМИТ «Ховар»
Ҷамшед Ҷумахонзода: «Соҳаи сайёҳӣ ба яке аз самтҳои афзалиятноки рушди иқтисоди Тоҷикистон табдил ёфтааст»
Абдураҳмон Абдураҳмонзода: «Тоҷикистон дар солҳои соҳибистиқлолӣ чун давлати дорои суръати баланди рушди иқтисодӣ шинохта шуд»
Истифодаи технологияҳои муосир ва зеҳни сунъӣ самти афзалиятноки сиёсати давлатии Тоҷикистон мебошад
Истиқлол ва рушди саноат: аз сарвати табиӣ то неруи созанда
Эмомалӣ Раҳмон: «То охири сол дар кишвар таъсиси боз 500 корхонаю коргоҳи саноатӣ пешбинӣ шудааст»
Дар ноҳияи Ҷайҳун ба сохтмони хати технологии коркарди нафт санги асос гузошта шуд
Кормандони соҳаи геология ва кӯҳкорӣ 35-солагии Истиқлоли давлатиро ботантана таҷлил намуданд
Навбати дуюми зеристгоҳи барқии «Навобод» ба истифода дода шуд
Дар Тоҷикистон платформаи рақамии ватании ZARZO барои ҳисоб ва идоракунии лоиҳаҳои кишоварзӣ таҳия мегардад
Дар Душанбе Фестивали зеҳни сунъӣ ва технологияҳои рақамӣ -«AI ALLEY» баргузор гардид
